Pakistan Cricket : పాపం పాకిస్తాన్.. మీకు టైం అస్సలు బాలేదు.. మైదానంలోనే కుప్పకూలిన పాక్ క్రికెటర్
Pakistan Cricket : బంగ్లాదేశ్తో జరిగిన రెండో వన్డేలో పాక్ క్రికెటర్ హుస్సేన్ తలత్ ఫీల్డింగ్ చేస్తూ తీవ్రంగా గాయపడ్డారు. బోర్డును ఢీకొట్టడంతో భుజానికి గాయమై స్ట్రెచర్పై ఆసుపత్రికి తరలించాల్సి వచ్చింది. ఈ ఘటనతో అటు ఆటగాళ్లు, ఇటు అభిమానులు ఒక్కసారిగా షాక్కు గురయ్యారు.
Pakistan Cricket : పాకిస్థాన్, బంగ్లాదేశ్ మధ్య జరుగుతున్న వన్డే సిరీస్లో పెను విషాదం చోటుచేసుకుంది. శుక్రవారం (మార్చి 13) రాత్రి ఢాకాలోని షేర్-ఏ-బంగ్లా స్టేడియంలో జరిగిన రెండో వన్డే మ్యాచ్ గెలుపోటముల కంటే కూడా పాక్ ఆల్రౌండర్ హుస్సేన్ తలత్ గాయం చుట్టూనే తిరిగింది. ఫీల్డింగ్ చేస్తున్న సమయంలో హుస్సేన్ తలత్ అతి దారుణంగా గాయపడటంతో మైదానంలోనే కుప్పకూలిపోయారు. పరిస్థితి విషమంగా ఉండటంతో వెంటనే మెడికల్ టీమ్ రంగంలోకి దిగి, అతడిని స్ట్రెచర్పై బయటకు తీసుకెళ్లి నేరుగా ఆసుపత్రికి తరలించారు. ఈ ఘటనతో అటు ఆటగాళ్లు, ఇటు అభిమానులు ఒక్కసారిగా షాక్కు గురయ్యారు.
అసలేం జరిగిందంటే.. బంగ్లాదేశ్ బ్యాటింగ్ చేస్తున్న సమయంలో ముహమ్మద్ వసీం ఆరో ఓవర్ వేశాడు. ఆ ఓవర్లో లిటన్ దాస్ కవర్స్ దిశగా ఒక పవర్ఫుల్ షాట్ ఆడాడు. బంతి వేగంగా బౌండరీ లైన్ వైపు వెళ్తుండగా, హుస్సేన్ తలత్ దాన్ని ఆపేందుకు ప్రాణాలకు తెగించి పరుగెత్తాడు. బంతిని అందుకునే క్రమంలో బ్యాలెన్స్ కోల్పోయిన తలత్.. అక్కడే ఉన్న అడ్వర్టైజింగ్ బోర్డును బలంగా ఢీకొట్టాడు. ఆ వేగంలో తన ఎడమ భుజంపై విచిత్రమైన యాంగిల్లో కింద పడిపోయాడు. తీవ్రమైన నొప్పితో అతను విలవిలలాడటంతో అంపైర్లు వెంటనే మెడికల్ టీమ్ను పిలిచారు. తలత్ పరిస్థితిని గమనించిన పాకిస్థాన్ క్రికెట్ బోర్డు (PCB), వెంటనే అతడిని అంబులెన్స్లో ఆసుపత్రికి చేర్చి చికిత్స అందిస్తున్నట్లు ధృవీకరించింది.
ఈ మ్యాచ్లో తొలుత బ్యాటింగ్ చేసిన పాకిస్థాన్ జట్టు 274 పరుగులకు ఆలౌట్ అయింది. ఓపెనర్ మాజ్ సదాకత్ (75) అద్భుతమైన హాఫ్ సెంచరీతో జట్టును ఆదుకోగా, సల్మాన్ అలీ ఆఘా కూడా కీలక ఇన్నింగ్స్ ఆడాడు. బంగ్లా బౌలర్లలో ముస్తాఫిజుర్ రెహమాన్, తస్కిన్ అహ్మద్ తమ పదునైన బౌలింగ్తో పాక్ బ్యాటర్లను కట్టడి చేశారు. అయితే పాక్ ఇన్నింగ్స్ కంటే కూడా హుస్సేన్ తలత్ గాయం ప్యాకేజింగ్ ఇప్పుడు సోషల్ మీడియాలో చర్చనీయాంశంగా మారింది. అతడి భుజానికి సర్జరీ అవసరమని వార్తలు వస్తుండటంతో తలత్ సిరీస్ మొత్తానికి దూరమయ్యే అవకాశం ఉంది.
ప్రస్తుతం రెండు జట్లు కూడా పటిష్టమైన ప్లేయింగ్ ఎలెవన్తో బరిలోకి దిగాయి. పాక్ జట్టులో రిజ్వాన్, షాహీన్ అఫ్రిది వంటి స్టార్ ప్లేయర్స్ ఉండగా, బంగ్లాదేశ్ కెప్టెన్ మెహదీ హసన్ మిరాజ్ తన వ్యూహాలతో జట్టును నడిపిస్తున్నాడు. కానీ, క్రికెట్ అనేది జెంటిల్మెన్ గేమ్ అయినప్పటికీ, ఇలాంటి ప్రమాదకరమైన గాయాలు క్రీడాస్ఫూర్తిని కలచివేస్తున్నాయి. హుస్సేన్ తలత్ త్వరగా కోలుకోవాలని క్రికెట్ అభిమానులు ప్రార్థిస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..