Team India: ఆ ప్రపంచకప్ తర్వాత 8 ఏళ్లు అజ్ఞాతంలోనే.. కట్‌చేస్తే.. 14 మ్యాచ్‌ల్లో 27 వికెట్లతో టీమిండియాలోకి రీ ఎంట్రీ?

Mohit Sharma

ఐపీఎల్ 2022లో గుజరాత్ టైటాన్స్ (GT)తరపున మోహిత్ శర్మ నెట్ బౌలర్‌గా ఎంట్రీ ఇచ్చాడు. IPL 2023లో ఈ 34 ఏళ్ల ఫాస్ట్ బౌలర్ జట్టును వరుసగా రెండో టైటిల్‌కు చేరువ చేశాడు. అతని అద్భుతమైన పునరాగమనం కారణంగా ప్రస్తుతం హాట్‌ టాపిక్‌గా మారాడు. చెన్నై సూపర్ కింగ్స్ (CSK) టైటిల్ గెలిచిన వెంటనే, హార్దిక్ పాండ్యా మోహిత్‌ను కౌగిలించుకుని ఓదార్చాడు. ఈ సీజన్‌లో తమ ప్రచారానికి హర్యానా పేసర్ అందించిన సహకారాన్ని గుజరాత్ టైటాన్స్ కెప్టెన్ గుర్తించాడు.

మోహిత్ 15వ ఓవర్‌లో మొదటి నాలుగు బంతులు వేసిన తర్వాత చివరి రెండు బంతులను కూడా బాగానే బౌలింగ్ చేశాడు. అయితే ఈ సీజన్‌లో అతని ప్రయత్నాలను తక్కువ అంచనా వేయలేం. అతను 14 మ్యాచ్‌లలో 27 వికెట్లు పడగొట్టాడు. అతని సహచరుడు, స్నేహితుడు మహ్మద్ షమీ తర్వాత రెండవ స్థానంలో నిలిచాడు. భారతదేశం తరపున 2015 ప్రపంచ కప్‌లో సెమీ-ఫైనల్‌లో ఆడిన తర్వాత మోహిత్ దాదాపు అదృశ్యమయ్యాడు. తాజాగా, ఎనిమిదేళ్ల తర్వాత తిరిగి వచ్చాడు.

2024 టీ20 ప్రపంచకప్ జట్టులో చోటు?

మోహిత్ శర్మ మళ్లీ 50 ఓవర్ల క్రికెట్ ఆడడాన్ని ఎవరూ చూడనప్పటికీ , అతను తన ఫామ్, ఫిట్‌నెస్‌ను కొనసాగించినట్లయితే అతను 2024 టీ20 ప్రపంచ కప్ జట్టులోకి రాగలడని అంటున్నారు. IPL తర్వాత వెంటనే వెస్టిండీస్, అమెరికాలో ఐసీసీ ఈవెంట్ జరగనుంది. తదుపరి కొన్ని T20లలో తనను తాను నిరూపించుకోవాలని మోహిత్ ఖచ్చితంగా బలమైన వాదనను కలిగి ఉన్నాడు.

వెస్టిండీస్, అమెరికాలో జరిగే టీ20 సిరీస్‌లకు ఎంపిక?

జులైలో వెస్టిండీస్, యూఎస్‌లలో టీమిండియా 5 మ్యాచ్‌ల T20I సిరీస్‌లో మోహిత్ దీపక్ చాహర్‌తో కలిసి బరిలోకి దిగినా ఆశ్చర్యపోనక్కర్లేదు. హార్దిక్ కూడా మోహిత్ నుంచి అత్యుత్తమ ప్రదర్శన రాబట్టాడు. పేసర్‌కు అత్యున్నత స్థాయిలో అవకాశం ఇవ్వాలనుకుంటున్నాడు. మోహిత్ 10 సంవత్సరాల క్రితం CSKలో మహేంద్ర సింగ్ ధోని నేతృత్వంలో ఆడిన తర్వాత భారత జట్టులోకి ప్రవేశించాడు.

క్రెడిట్ ఇచ్చిన ధోనీ..

గత నెలలో టైటాన్స్‌కు అరంగేట్రం చేసిన వెంటనే మోహిత్ పీటీఐతో మాట్లాడుతూ, “నేను నా కెరీర్‌లో ఎక్కువ భాగం ఐపీఎల్‌, మహీ భాయ్ నేతృత్వంలోని భారత జట్టుతో ఆడాను. అతని మార్గదర్శకత్వంలో నేను మంచి ఫలితాలను సాధించాను. కాబట్టి నాలోని ఉత్తమమైన వాటిని బయటకు తీసుకువచ్చినందుకు చాలా క్రెడిట్ అతనికే చెందుతుందంటూ చెప్పుకొచ్చాడు. “కానీ, నాకు ఇప్పుడు చాలా కీలకమైనది. ఆటను ఎంతగానో ఆస్వాదిస్తున్నాను. 2013-2016 వరకు CSK కోసం ఆడటం నా కెరీర్‌లోనే స్వర్ణయుగం లాంటింది. అయితే, ప్రస్తుతం టైటాన్స్‌తో ఆడడం ఆనదంగా ఉంది” అంటూ చెప్పుకొచ్చాడు.

మరిన్ని క్రీడా వార్తల కోసం ఇక్కడ క్లిక్ చేయండి..