IPL 2025: రెడ్ హాట్ ఫార్మ్లో ఉన్నా.. ఆ జట్టు టైటిల్ గెలవాలంటే ఈ మూడు తిప్పలు తప్పవ్
గుజరాత్ టైటాన్స్ IPL 2025లో అద్భుతంగా ఆడినా, ప్లేఆఫ్స్ దశలో వారికి మూడు ప్రధాన సమస్యలు ఎదురవుతాయి. జోస్ బట్లర్ గైర్హాజరీ టాప్ ఆర్డర్ను బలహీనంగా మారుస్తుంది. మిడిల్ ఆర్డర్ అనుభవ లోపంతో ఒత్తిడిలో పడే అవకాశం ఉంది. అలాగే బౌలింగ్లో ప్రధాన ఆటగాళ్ల వైఫల్యం జట్టును వెనక్కి తోసే ప్రమాదం ఉంది. గుజరాత్ టైటాన్స్ ఇప్పటివరకు అద్భుతంగా ఆడినా, ప్లేఆఫ్స్ దశలో బట్లర్ గైర్హాజరీ, మిడిల్ ఆర్డర్ లోపాలు, బౌలింగ్ పతనం వంటివి టైటిల్ గెలుపు ప్రయాణంలో పెద్ద అడ్డంకులుగా మారే అవకాశం ఉంది.
Updated on: May 20, 2025 | 3:30 PM
గుజరాత్ టైటాన్స్ (GT) ఈ సీజన్లో అత్యంత స్థిరతతో ఉన్న జట్టుగా నిలిచింది. 12 మ్యాచ్లలో 9 విజయాలతో, 18 పాయింట్లతో టేబుల్ టాప్లో ఉంది. ఢిల్లీ క్యాపిటల్స్పై తాజా విజయం సహా, ఎక్కువ మ్యాచ్ల్లో క్లినికల్గా గెలిచింది. ఇప్పుడు వారు ఓడనీయనట్టు కనిపిస్తున్నా, ప్లేఆఫ్స్ దశలో కొన్ని సమస్యలు వారిని వెంటాడే అవకాశముంది. GTకు టైటిల్ గెలవడంలో ఎదురయ్యే మూడు ప్రధాన అడ్డంకులను చూద్దాం.
1. జోస్ బట్లర్ గైర్హాజరీ
జోస్ బట్లర్ గుజరాత్ టైటాన్స్ తరఫున లీగ్ దశలో ఆడుతున్నా, ప్లేఆఫ్స్కు ఆయన అందుబాటులో ఉండరు. ఆయన స్థానంలో GT కుసల్ మెండిస్ ను తాత్కాలికంగా తీసుకుంది. కానీ మెండిస్ బట్లర్ స్థాయిలో ఆటగాడు కాదు, అతను ఇప్పటివరకు ఒక్క IPL మ్యాచ్ కూడా ఆడలేదు. ఈ కారణంగా, ప్లేఆఫ్స్ వంటి హై ప్రెజర్ దశల్లో అతనికి ప్రదర్శన చేయడం కష్టంగా మారవచ్చు. బట్లర్ లేని సమయంలో GT టాప్ ఆర్డర్లో ఒత్తిడి పెరుగుతుంది. ఓపెనింగ్లో తక్కువ స్కోరు వచ్చినా మెండిస్ పై ఆధారపడవలసిన పరిస్థితి ఏర్పడుతుంది. మెండిస్ కి అసలైన గణాంకాలు లేకపోవడం పరిమిత శక్తులు ఉండటం జట్టుకు మైనస్ అవుతుంది.
2. పరీక్షించబడని మిడిల్ ఆర్డర్
బట్లర్ లేనప్పుడు, GT మిడిల్ ఆర్డర్ మరింత బలహీనంగా మారే అవకాశం ఉంది. మెండిస్ అనుభవం లేకపోవడం వల్ల, మిడిల్ ఆర్డర్ ఆటగాళ్లు ప్రెజర్ను భరించాల్సి వస్తుంది. GT టాప్ మూడు బ్యాటర్లు ఈ సీజన్లో 77.65% బంతులు ఎదుర్కొన్నారు. అంటే మిడిల్ ఆర్డర్కు పెద్దగా ఛాన్స్ రాలేదు. ఇది కీలకమైన దశలో వారికి అనుభవ లోపాన్ని చూపించొచ్చు. ఒక్కసారి టాప్ ఆర్డర్ విఫలమైతే, ప్రత్యర్థి జట్లు ఈ లోపాన్ని వినియోగించుకొని GTని ఒత్తిడిలోకి నెట్టగలవు.
3. బౌలింగ్ దెబ్బతినడం
టోర్నమెంట్ ఆరంభంలో మొహమ్మద్ సిరాజ్ అత్యుత్తమంగా ఆడి 5 మ్యాచ్లలో 10 వికెట్లు తీసాడు (15.40 సగటుతో). కానీ తర్వాత 7 ఇన్నింగ్స్లలో కేవలం 5 వికెట్లే తీసాడు (50.40 సగటుతో). రషీద్ ఖాన్ తన సాధారణ ఫామ్లో లేడు. ఇది అతని IPL కెరీర్లో అత్యంత తక్కువ ప్రదర్శనగా చెప్పవచ్చు. ఇషాంత్ శర్మ లేదా అర్షద్ ఖాన్ లాంటి మిగతా పేసర్లు స్థిరమైన వికెట్లు సాధించడంలో విఫలమయ్యారు. ఇంకా, కగిసో రబాడా కూడా ప్లేఆఫ్స్కు అందుబాటులో ఉండడు. ఈ కారణంగా ప్రసిద్ధ్ క్రిష్ణ, సాయి కిషోర్ లాంటి ఆటగాళ్లపై భారమైన భాధ్యత ఉంటుంది. ఒకరైన ఫెయిల్ అయితే, GTకి దెబ్బ తగిలే ప్రమాదం ఉంది.
గుజరాత్ టైటాన్స్ ఇప్పటివరకు అద్భుతంగా ఆడినా, ప్లేఆఫ్స్ దశలో బట్లర్ గైర్హాజరీ, మిడిల్ ఆర్డర్ లోపాలు, బౌలింగ్ పతనం వంటివి టైటిల్ గెలుపు ప్రయాణంలో పెద్ద అడ్డంకులుగా మారే అవకాశం ఉంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
