Team India T20I Squad: కోహ్లీ ప్లేస్ను రీప్లేస్ చేసేందుకు సిద్ధమైన ముగ్గురు.. లిస్టులో బ్యాడ్లక్ ప్లేయర్..
3 Players May Replace Virat Kohli in Indian T20 Team: శనివారం, రోహిత్ శర్మ కెప్టెన్సీలో భారత జట్టు 7 పరుగుల తేడాతో దక్షిణాఫ్రికాను ఓడించి టైటిల్ను గెలుచుకుంది. ఈ చారిత్రాత్మక విజయం కోసం భారత అభిమానులంతా గత 11 ఏళ్లుగా ఎదురుచూస్తున్నారు. ఎట్టకేలకు రోహిత్ సేన ఈ డ్రీమ్ను నెరవేర్చుకుని, కోట్లాది భారతీయులకు ఆనందాన్ని అందించారు. వెస్టిండీస్లోని బ్రిడ్జ్టౌన్లో జరిగిన ఈ మ్యాచ్లో తొలుత బ్యాటింగ్ చేసిన టీమిండియా 176/7 స్కోరు చేయగా, దక్షిణాఫ్రికా జట్టు ఓవర్లు మొత్తం ఆడి 169/8 స్కోర్ చేయగలిగింది.
3 Players May Replace Virat Kohli in Indian T20 Team: శనివారం, రోహిత్ శర్మ కెప్టెన్సీలో భారత జట్టు 7 పరుగుల తేడాతో దక్షిణాఫ్రికాను ఓడించి టైటిల్ను గెలుచుకుంది. ఈ చారిత్రాత్మక విజయం కోసం భారత అభిమానులంతా గత 11 ఏళ్లుగా ఎదురుచూస్తున్నారు. ఎట్టకేలకు రోహిత్ సేన ఈ డ్రీమ్ను నెరవేర్చుకుని, కోట్లాది భారతీయులకు ఆనందాన్ని అందించారు. వెస్టిండీస్లోని బ్రిడ్జ్టౌన్లో జరిగిన ఈ మ్యాచ్లో తొలుత బ్యాటింగ్ చేసిన టీమిండియా 176/7 స్కోరు చేయగా, దక్షిణాఫ్రికా జట్టు ఓవర్లు మొత్తం ఆడి 169/8 స్కోర్ చేయగలిగింది.
ఈ విజయంతో పాటు భారత అభిమానులకు బ్యాడ్ న్యూస్ కూడా వచ్చింది. టీమిండియా స్టార్ బ్యాట్స్మెన్ విరాట్ కోహ్లీ అంతర్జాతీయ టీ20 ఫార్మాట్కు వీడ్కోలు పలికాడు. ఈ ఫార్మాట్లో యువ ఆటగాళ్లకు అవకాశం కల్పించి జట్టును ముందుకు తీసుకెళ్లాలని కోహ్లీ కోరుతున్నాడు. అయితే వన్డే, టెస్టు ఫార్మాట్లలో కోహ్లీ ఆడటం కొనసాగుతుంది. టీ20ల నుంచి తప్పుకోవడంతో భారత జట్టులో కోహ్లి స్థానాన్ని భర్తీ చేయగల ముగ్గురు ఆటగాళ్ల గురించి ఓసారి తెలుసుకుందాం..
3. శుభ్మన్ గిల్: 24 ఏళ్ల యువ బ్యాట్స్మెన్ శుభ్మన్ గిల్లో సామర్థ్యానికి లోటు లేదు. ఈ విషయం అందరికీ బాగా తెలుసు. కోహ్లి గైర్హాజరీలో, శుభ్మన్ గిల్ తన అద్భుతమైన ఆటతీరుతో ఇప్పుడు భారత టీ20 జట్టులో తన స్థానాన్ని సుస్థిరం చేసుకోగలడు. అయితే, ఈ ఫార్మాట్లో గిల్కి ఇప్పటి వరకు పెద్దగా అవకాశాలు రాలేదు. అతను 14 మ్యాచ్లలో 25.76 సగటుతో 335 పరుగులు చేశాడు. ఇందులో ఒక సెంచరీ, ఒక అర్ధ సెంచరీ ఉన్నాయి. 3వ నంబర్లో ఆడుతున్నప్పుడు గిల్ రికార్డు కూడా చాలా బాగుంది. ఓపెనింగ్ కూడా చేయగలడు.
2. రుతురాజ్ గైక్వాడ్: కోహ్లి స్థానంలో రుతురాజ్ గైక్వాడ్ కూడా ఈ జాబితాలో చేరాడు. గైక్వాడ్ భారత్ తరపున ఇప్పటి వరకు 19 టీ20 మ్యాచ్లు ఆడాడు. ఈ సమయంలో అతను 35.71 సగటు, 500 పరుగులు చేశాడు. గైక్వాడ్కు అవకాశం వచ్చినప్పుడల్లా సద్వినియోగం చేసుకున్నాడు. ఇది కాకుండా, ఐపీఎల్లో ఎంఎస్ ధోని మార్గదర్శకత్వంలో ఒత్తిడిలో ప్రదర్శన చేసే కళ కూడా గైక్వాడ్కు బాగా తెలుసు.
1. సంజు శాంసన్: విరాట్ కోహ్లి స్థానంలో వికెట్ కీపర్ బ్యాట్స్మెన్ సంజూ శాంసన్ను కూడా టీమిండియాలోకి తీసుకోవచ్చు. పంత్ కారణంగా శాంసన్కు జట్టులో చోటు దక్కలేదు. కానీ, ఇప్పుడు కోహ్లి నిష్క్రమణ తర్వాత అతను సులభంగా జట్టులోకి రాగలడు. శాంసన్ వేగంగా పరుగులు చేయడంలో కూడా పేరు పొందాడు.