మెగా వేలానికి షార్ట్ లిస్ట్ అయ్యారు.. కట్‌చేస్తే.. తుఫాన్ ఆటతో ఫ్రాంచైజీలకు ఫీవర్ తెప్పిస్తోన్న ఐదుగురు
IPL 2025 వేలం నవంబర్ 24, 25 తేదీల్లో జరుగుతుంది. వేలంలో 574 మంది ఆటగాళ్ల కోసం బిడ్లు వేయనున్నారు. ఎవరి భవితవ్యం ఎలాంటి మలుపులు తిరుగుతుందో కాలమే నిర్ణయిస్తుంది. అయితే ప్రస్తుతం సందడి చేస్తున్న ఐదుగురు ఆటగాళ్లపై కాసుల వర్షం కురిపించడం ఖాయంగా కనిపిస్తోంది.
IPL 2025 మెగా వేలం కోసం కౌంట్‌డౌన్ ప్రారంభమైంది. ఇందుకోసం మొత్తం 574 మంది ఆటగాళ్లు షార్ట్‌లిస్ట్ చేశారు. ఆ షార్ట్ లిస్ట్ పేర్లలో తమ ప్రదర్శనతో ఆకట్టుకున్న ఐదుగురు ఆటగాళ్లు కూడా ఉన్నారు. ఇక ఐపీఎల్ వేలానికి షార్ట్‌లిస్ట్ చేసిన తర్వాత.. వీళ్లు చెలరేగిపోతున్నారు. అయితే, ఈ ఆటగాళ్లు క్రికెట్ సెలబ్రిటీలు కాదు సునామీలుగా మారారు. ఆ ఆటగాళ్లు ఎవరని ఆలోచిస్తున్నారా? వీరిలో కొందరు ఆల్‌రౌండర్లు ఉంగా, మరికొందరు బ్యాట్స్‌మెన్స్‌తోపాటు మరికొందరు బౌలర్లు కూడా ఉన్నారు.
IPL 2025 వేలంలో కోట్లకు పగడలెత్తనున్న ఐదుగురు ఆటగాళ్లు..
స్పెన్సర్ జాన్సన్: ఈ ఆస్ట్రేలియన్ ఫాస్ట్ బౌలర్, నవంబర్ 15 న IPL 2025 వేలం కోసం షార్ట్‌లిస్ట్ చేసిన ఆటగాళ్ల జాబితాలో చేరాడు. ఆ తర్వాత, నవంబర్ 16 న పాకిస్తాన్‌తో టీ20 మ్యాచ్ ఆడాడు. తన టీ20 అంతర్జాతీయ కెరీర్‌లో ఇంతకు ముందు చేయని పనితో ఆకట్టుకున్నాడు. తన టీ20 అంతర్జాతీయ కెరీర్‌లో అత్యుత్తమ ప్రదర్శన ఇచ్చాడు. స్వదేశంలో పాకిస్థాన్‌తో జరుగుతున్న టీ20 సిరీస్‌లో స్పెన్సర్ జాన్సన్ 26 పరుగులకే 5 వికెట్లు పడొట్టాడు. అంటే, అతను ఒంటిచేత్తో పాక్ జట్టును అధిగమించాడు. ఈ అద్భుత ప్రదర్శన కారణంగా ఆస్ట్రేలియా గెలవడమే కాకుండా ఐపీఎల్ ఫ్రాంచైజీ యజమానుల దృష్టిని ఆకర్షించింది. స్పెన్సర్ జాన్సన్ గత సీజన్‌లో రూ.10 కోట్లకు గుజరాత్ టైటాన్స్‌తో ఉన్నాడు. కానీ, ఈసారి ఫ్రాంచైజీ అతడిని విడుదల చేసింది.
జాకబ్ బెతెల్: ఇంగ్లండ్‌కు చెందిన ఈ 21 ఏళ్ల ఆల్ రౌండర్ కూడా అద్భుతమైన ఫామ్‌లో ఉన్నాడు. బెత్‌వెల్ T20 ఇంటర్నేషనల్‌లో చివరి 4 ఇన్నింగ్స్‌లలో 2 అర్ధ సెంచరీలు సాధించాడు. IPL 2025 కోసం షార్ట్‌లిస్ట్ చేసిన తర్వాత, జాకబ్ బెత్‌వెల్ వెస్టిండీస్‌తో మ్యాచ్ ఆడాడు. అందులో అతను 32 బంతుల్లో 62 పరుగులతో అజేయంగా ఇన్నింగ్స్ ఆడాడు. T20లో బెతెల్ స్ట్రైక్ రేట్ 142 కంటే ఎక్కువ. ఐపీఎల్ 2025 మెగా వేలంలో జాకబ్ బెతెల్ తన బేస్ ధరను రూ. 1.25 కోట్లుగా ఉంచుకున్నాడు.
ఫిల్ సాల్ట్: బెతెల్ మిడిల్ ఆర్డర్ బ్యాట్స్‌మెన్ అయితే, ఫిల్ సాల్ట్ ఇంగ్లాండ్ ఓపెనర్. అతని దూకుడు స్వభావానికి పేరుగాంచాడు. టీ20లో 155 కంటే ఎక్కువ స్ట్రైక్ రేట్ ఉన్న ఫిల్ సాల్ట్ తన చివరి 4 టీ20 ఇన్నింగ్స్‌లలో ఒక సెంచరీ, 1 అర్ధ సెంచరీని సాధించాడు.
ఎవిన్ లూయిస్: ఈ కరేబియన్ ఓపెనర్ ఐపీఎల్ 2025 వేలం తుది జాబితాలో పేరు కనిపించగానే ఫామ్ కూడా మేల్కొన్నట్లైంది. నవంబర్ 16న ఇంగ్లండ్‌తో జరిగిన మ్యాచ్‌లో ఎవిన్ లూయిస్ 219.35 స్ట్రైక్ రేట్‌తో పరుగులు చేశాడు. 31 బంతుల్లో 68 పరుగులు చేసి జట్టు విజయంలో కీలక పాత్ర పోషించాడు.
షే హోప్: ఐపీఎల్ 2025 వేలానికి ఎంపికైన తర్వాత మరో వెస్టిండీస్ బ్యాట్స్‌మెన్ షాయ్ హోప్ కూడా ఫామ్‌లోకి వచ్చాడు. ఇందులో ఎవిన్ లూయిస్ 68 పరుగులు చేశాడు.షే హోప్ కూడా కేవలం 24 బంతుల్లో 227 పరుగులు చేశాడు. హోప్ తన ఫామ్‌ను నిలబెట్టుకుంటే నవంబర్ 24, 25 తేదీల్లో అతడిపై కోట్ల వర్షం కురిసే అవకాశం ఉంది.
మరిన్ని క్రీడా వార్తల కోసం ఇక్కడ క్లిక్ చేయండి..