ఇదేందయ్యా సామీ.. మెగా ఈవెంట్కు ముందే కోలుకోలేని దెబ్బ.. బ్యాడ్లక్ లిస్ట్లో టాప్ టీం ఏదంటే?
T20 World Cup 2026: ఫిబ్రవరి 7 నుంచి మొదలుకానున్న టీ20 ప్రపంచకప్ 2026 కోసం ఆటగాళ్లంతా సిద్ధమయ్యారు. ఈ క్రమంలో అన్ని జట్లు తమ వార్మప్ మ్యాచ్లతో బిజీగా ఉన్నాయి. అయితే, కొన్ని జట్లకు టోర్నమెంట్కు ముందే ఊహించని షాక్ తగిలింది.
T20 World Cup 2026: భారత్, శ్రీలంక దేశాలు సంయుక్తంగా నిర్వహించనున్న టీ20 ప్రపంచకప్ 2026 ఫిబ్రవరి 7 నుంచి ప్రారంభం కానుంది. అయితే, ఈ టోర్నీకి ముందే అన్ని జట్లకు గాయాల బెడద మొదలైంది. ఇప్పటికే కొంతమంది ఆటగాళ్లు గాయాలతో టోర్నీకి దూరమయ్యారు. ఈ జాబితాలో ఎవరున్నారో ఓసారి చూద్దాం..
మొత్తం 20 జట్లు తలపడే ఈ మెగా టోర్నీ మార్చి 8న ముగియనుంది. ఫిబ్రవరి 2 నాటికి అన్ని జట్లు తమ తుది ఆటగాళ్ల జాబితాను ఖరారు చేశాయి. శ్రీలంక చివరగా తమ జట్టును ప్రకటించింది.
గాయపడిన ఆటగాళ్లు, వారి స్థానంలో జట్టులోకి వచ్చిన రీప్లేస్మెంట్ ప్లేయర్ల వివరాలు ఓసారి చూద్దాం..
1. పాట్ కమిన్స్ (ఆస్ట్రేలియా):
ఆస్ట్రేలియా టెస్ట్, వన్డే కెప్టెన్ పాట్ కమిన్స్ వెన్ను గాయం (Back Injury) నుంmr కోలుకోకపోవడంతో ఈ టోర్నీకి దూరమయ్యాడు. ఆయన స్థానంలో ఎడమచేతి వాటం పేసర్ బెన్ ద్వార్షుయిస్ జట్టులోకి వచ్చాడు. రాబోయే కీలకమైన టెస్ట్ సీజన్ నాటికి పూర్తి ఫిట్నెస్ సాధించాలనే ఉద్దేశంతోనే వరల్డ్ కప్ చిడి తప్పుకుంటున్నట్లు కమిన్స్ తెలిపారు.
2. ఆడమ్ మిల్నే (న్యూజిలాండ్):
న్యూజిలాండ్ ఫాస్ట్ బౌలర్ ఆడమ్ మిల్నే ఎడమ కాలి హ్యామ్స్ట్రింగ్ గాయం కారణంగా టోర్నీకి దూరమయ్యాడు. గత నెలలో జరిగిన SA20 లీగ్లో బౌలింగ్ చేస్తుండగా ఆయనకు ఈ గాయమైంది. మిల్నే స్థానంలో కైల్ జేమీసన్ కివీస్ జట్టులో చేరాడు.
3. టోనీ డి జోర్జి (దక్షిణాఫ్రికా):
గతేడాది చివర్లో భారత్ పర్యటన సమయంలో కుడి కాలి హ్యామ్స్ట్రింగ్ గాయానికి గురైన డి జోర్జి, ఈ వరల్డ్ కప్లో ఆడటం లేదు. ఆయన స్థానంలో విధ్వంసకర బ్యాటర్ ర్యాన్ రికెల్టన్ దక్షిణాఫ్రికా జట్టులోకి వచ్చాడు.
4. డొనోవన్ ఫెరీరా (దక్షిణాఫ్రికా):
ఎస్ఏ20 లీగ్ సందర్భంగా ఫెరీరా ఎడమ కాలర్ బోన్ (Clavicle) ఫ్రాక్చర్కు గురయ్యాడు. దీనివల్ల ఆయన టోర్నీ నుంచి తప్పుకోగా, మిడిల్ ఆర్డర్ బ్యాటర్ ట్రిస్టన్ స్టబ్స్ ఆయన స్థానంలో ఎంపికయ్యాడు.
5. నవీన్-ఉల్-హక్ (అఫ్గానిస్తాన్):
కుడి భుజానికి సర్జరీ అవసరమయ్యే స్ట్రెస్ ఫ్రాక్చర్ కారణంగా అఫ్గానిస్తాన్ ఫాస్ట్ బౌలర్ నవీన్-ఉల్-హక్ వరల్డ్ కప్కు దూరమయ్యాడు. ఆయన స్థానంలో మీడియం పేసర్ జియావుర్ రెహమాన్ అఫ్గాన్ జట్టులోకి వచ్చాడు.
మరిన్ని క్రికెట్ వార్తల కోసం ఇక్కడ చూడండి..