Don Bradman: వెలుగులోకి డాన్ బ్రాడ్‌మాన్ లేఖలు! మామూలోడు కాదు భయ్యా! ఆ ముగ్గురి ఫ్యూచర్ ముందుగానే..
డాన్ బ్రాడ్‌మాన్ రాసిన లేఖలు ఆయన క్రికెట్ విజ్ఞానాన్ని, ఆటగాళ్ల భవిష్యత్తును అంచనా వేసే సామర్థ్యాన్ని వెల్లడి చేస్తాయి. షేన్ వార్న్ గొప్ప లెగ్ స్పిన్నర్‌గా మెరుస్తాడని, స్టీవ్ వా, రికీ పాంటింగ్ వంటి దిగ్గజాలు గొప్ప కీర్తిని ఘటిస్తారని గుర్తించి, వారి విజయాలను ముందుగానే ఊహించారు. ఈ లేఖలు క్రికెట్ చరిత్రలో అమూల్యమైన భాగమని నిరూపించాయి.
Narsimha |
Updated on: Dec 25, 2024 | 10:41 AM
క్రికెట్ చరిత్రలో నిఖార్సయిన బ్యాటర్‌గా పరిగణించబడే డాన్ బ్రాడ్‌మాన్ రాసిన లేఖలు ఇప్పుడు వెలుగులోకి వచ్చాయి. ఈ లేఖలు కేవలం బ్రాడ్‌మాన్ క్రికెట్ మేధావిని మాత్రమే కాదు, అతను ఆటగాళ్లలో గొప్పతనాన్ని ముందే గుర్తించగల సామర్థ్యాన్ని కూడా తెలియజేస్తాయి. ముఖ్యంగా, ఆయన షేన్ వార్న్, స్టీవ్ వా, రికీ పాంటింగ్ వంటి ఆటగాళ్ల భవిష్యత్తు విజయాలను అద్భుతంగా అంచనా వేశారు.
1980-90లలో బ్రాడ్‌మాన్ రాసిన లేఖల్లో, అతని విశ్లేషణలు, భావనలను అతని స్నేహితుడు పీటర్ బ్రోకు పంపినట్లుగా బయటపడ్డాయి. లెగ్ స్పిన్ బౌలింగ్ గురించి తన ప్రేమను వ్యక్తం చేసిన బ్రాడ్‌మాన్, 1990లలో యువ షేన్ వార్న్‌ను అద్భుతమైన లెగ్ స్పిన్నర్‌గా పేర్కొన్నారు. అతను చెప్పినట్టుగానే అంచనాలు నిజమయ్యాయి, వార్న్ ఆస్ట్రేలియా క్రికెట్‌లో దిగ్గజంగా నిలిచారు.
అలాగే, 1985లో స్టీవ్ వా, 1995లో రికీ పాంటింగ్ భవిష్యత్ తారలు కాబోతున్నారని బ్రాడ్‌మాన్ గుర్తించారు. ఆ ఆటగాళ్లు తర్వాత కేవలం ఆస్ట్రేలియాకే కాకుండా అంతర్జాతీయ క్రికెట్‌కు గొప్ప కీర్తి తీసుకువచ్చారు.
ఈ లేఖలు క్రీడలో బ్రాడ్‌మాన్ తన సామర్థ్యాన్ని, అద్భుతమైన దూరదృష్టిని చాటిచెప్పాయి. ఆటగాళ్లను ప్రోత్సహించడంలో, క్రీడను అర్ధం చేసుకోవడంలో బ్రాడ్‌మాన్ దూరదృష్టి ఇప్పటికీ సమకాలీన క్రికెట్ ప్రేమికులను ఆకర్షిస్తోంది.
