IPL 2025: ముంబై ఇండియన్స్కు బూస్ట్! DY పాటిల్ T20లో ఫైఫర్ తో రెచ్చిపోయిన మాజీ CSK ప్లేయర్
DY పాటిల్ టీ20లో ముంబై ఇండియన్స్ పేసర్ దీపక్ చాహర్ అద్భుతమైన ప్రదర్శన చేశాడు. 3.4 ఓవర్లలో 21 పరుగులిచ్చి 5 వికెట్లు తీసి ప్రత్యర్థి జట్టును 125 పరుగులకే పరిమితం చేశాడు. IPL 2025కి ముందు తన ఫామ్ను నిరూపించుకోవడంతో, ముంబై ఇండియన్స్ శిబిరంలో ఆనందం నెలకొంది. ఈ ప్రదర్శనతో చాహర్ ముంబై జట్టుకు కీలక బౌలర్గా మారే అవకాశం ఉంది.
ఇండియన్ ప్రీమియర్ లీగ్ (IPL) 2025 సీజన్కు ముందు ముంబై ఇండియన్స్ (MI) స్టార్ పేసర్ దీపక్ చాహర్ తన ఫామ్ను ప్రదర్శిస్తూ డీవై పాటిల్ టీ20 టోర్నమెంట్లో అద్భుతమైన ప్రదర్శన చేశాడు. రిలయన్స్ 1 తరఫున సెంట్రల్ రైల్వేపై జరిగిన మ్యాచ్లో చాహర్ 3.4 ఓవర్లలో 21 పరుగులిచ్చి ఐదు వికెట్లు తీసి ప్రత్యర్థి జట్టును కేవలం 125 పరుగులకే పరిమితం చేశాడు.
సెంట్రల్ రైల్వేతో జరిగిన ఈ మ్యాచ్లో, తొలి ఇన్నింగ్స్లోనే చాహర్ తన సత్తా చాటాడు. అజయ్ గిగ్నా, ఈషాన్ గోయల్, సాగర్ జాదవ్, విద్యాధర్ కామత్, సలీల్ అఘార్కర్ల వికెట్లు పడగొట్టి, తన బౌలింగ్తో ప్రత్యర్థి జట్టును దెబ్బతీశాడు. 5.73 ఎకానమీ రేటుతో బౌలింగ్ చేసిన అతని ప్రదర్శన ముంబై ఇండియన్స్ శిబిరానికి మంచి సంకేతంగా మారింది.
IPL 2025 వేలానికి ముందు చెన్నై సూపర్ కింగ్స్ (CSK) నుంచి విడుదలైన దీపక్ చాహర్ను ముంబై ఇండియన్స్ భారీ మొత్తం రూ. 9.25 కోట్లకు కొనుగోలు చేసింది. ఇప్పుడు DY పాటిల్ టీ20లో అతను చూపించిన ఫామ్, ముంబై జట్టులో తన స్థానాన్ని మరింత బలపరిచేలా ఉంది.
రిలయన్స్ 1 విజయం:
సెంట్రల్ రైల్వే మొదట బ్యాటింగ్ చేసి 125 పరుగులకే ఆలౌట్ అయింది. వారి తరఫున ప్రవీణ్ దేశెట్టి 54 పరుగులతో టాప్ స్కోరర్గా నిలవగా, ఎషాన్ గోయల్ 33 పరుగులు చేశారు. దీపక్ చాహర్ ఐదు వికెట్లు తీసి స్టార్ బౌలర్గా నిలిచాడు. అలాగే, పిఎస్ఎన్ రాజు మూడు వికెట్లు, కర్ణ్ శర్మ, విఘ్నేష్ పుత్తూర్ తలా ఒక వికెట్ తీసుకున్నారు.
లక్ష్యాన్ని ఛేదించడానికి బరిలోకి దిగిన రిలయన్స్ 1, 19.2 ఓవర్లలో మూడు వికెట్ల తేడాతో విజయాన్ని అందుకుంది. కెఎల్ శ్రీజిత్ 53 పరుగులు, రాజ్ అంగద్ బావా 28 పరుగులు చేసి జట్టును విజయతీరాలకు చేర్చారు. సెంట్రల్ రైల్వే బౌలర్లలో సాగర్ జాదవ్, కౌశల్ కాకద్ తలో రెండు వికెట్లు పడగొట్టగా, వినిత్ ధులప్, విశాల్ హర్ష్, సలీల్ అఘార్కర్ తలో ఒక వికెట్ తీసుకున్నారు.
ఐపీఎల్ 2025 స్టార్ట్ కావడానికి ఇంకా ఒక నెలకంటే తక్కువ సమయం ఉండటంతో, దీపక్ చాహర్ తన ఫామ్ను నిరూపించుకోవడం ముంబై ఇండియన్స్కు సానుకూల సంకేతంగా మారింది. ఈ టోర్నమెంట్లో అతను చూపించిన అద్భుతమైన ప్రదర్శన, IPL 2025లో ముంబై ఇండియన్స్ తరఫున కీలక పాత్ర పోషించనున్నాడనే నమ్మకాన్ని పెంచుతోంది.
Meanwhile Deepak Chahar Took Fifer in DY Patil T20 Tournament Game
All MI 2025 Players in Reliance One Team pic.twitter.com/Bk8CIHAwTM
— Junaid Khan (@JunaidKhanation) February 24, 2025
మరిన్ని క్రీడా వార్తల కోసం ఇక్కడ క్లిక్ చేయండి..