Ben Stokes: ఇండియా టూర్ కోసం 4 నెలలుగా మద్యం ముట్టుకోని ఇంగ్లాండ్ వరల్డ్ కప్ విన్నర్! కారణం వింటే షాక్ అవుతారు!

ఇంగ్లాండ్ టెస్ట్ కెప్టెన్ బెన్ స్టోక్స్ తన హామ్‌స్ట్రింగ్ గాయం నుంచి పూర్తిగా కోలుకోవడానికి తీసుకున్న నిర్ణయాలు, జీవితంలో చేసిన మార్పులు ప్రస్తుతం వార్తల్లో నిలుస్తున్నాయి. ఇటీవలే మద్యం సేవించడం మానేసిన స్టోక్స్, తన గాయాన్ని త్వరగా నయం చేసుకోవాలన్న లక్ష్యంతో ఈ మార్పు చేశాడు. అతని మాటల్లో చెప్పాలంటే “ఈ సంవత్సరం ప్రారంభంలో తాగుడు మానేశాను. తాగకుండా ఉండటం వల్ల నా గాయం త్వరగా నయం అవుతుందని ఆశిస్తున్నాను.” న్యూజిలాండ్‌తో జరిగిన మూడవ టెస్ట్ సమయంలో 33 ఏళ్ల స్టోక్స్ తన ఎడమ హామ్‌స్ట్రింగ్‌కు శస్త్రచికిత్స చేయించుకున్నాడు. ఈ గాయం కారణంగా అతను చాలా కాలంగా ఆటకు దూరంగా ఉన్నాడు.

స్టోక్స్ ‘అన్‌టాప్డ్’ పాడ్‌కాస్ట్‌లో మాట్లాడుతూ, “నా మొదటి పెద్ద గాయం తర్వాత చాలా షాక్ అయ్యాను. ఆ గాయం ఎలా జరిగిందా అని ఆలోచించాను. మేము నాలుగు లేదా ఐదు రాత్రుల క్రితం కొంచెం మద్యం సేవించాము, అది కూడా కారణమా అని నా మనస్సులో సందేహం వచ్చింది. అప్పుడే నేను నా జీవనశైలిలో మార్పులు తీసుకురావాలని నిర్ణయించుకున్నాను” అని చెప్పాడు. గత సంవత్సరం ‘ది హండ్రెడ్’ టోర్నమెంట్‌లో స్టోక్స్ తొడ కండరాలకు గాయం అయ్యింది. తర్వాత న్యూజిలాండ్ పర్యటనలో మళ్ళీ గాయపడ్డాడు.

“నేను ఎప్పటికీ పూర్తిగా మద్యం తాగలేనని అనుకుంటున్నాను. కానీ జనవరి 2 నుంచి ఒక్క పానీయం కూడా తాగలేదు. నేను నాలో నాకే ఇలా అనిపించింది. ‘నా గాయం పూర్తిగా నయం అయ్యే వరకు, తిరిగి మైదానంలో అడుగుపెట్టే వరకు మద్యం తాగకూడదు’,” అని స్టోక్స్ వివరించాడు. ఈ ఆత్మ నియంత్రణకు నిదర్శనంగా, ఇటీవలే అతను ‘క్లీన్‌కో’ అనే జీరో ఆల్కహాల్ స్పిరిట్స్ కంపెనీతో భాగస్వామ్యం ప్రకటించాడు. ఈ సంస్థలో అతను “పెట్టుబడిదారు, బ్రాండ్ భాగస్వామి”గా బాధ్యతలు స్వీకరించాడు.

స్టోక్స్ తీసుకున్న ఈ నిర్ణయం కేవలం ఆటను మెరుగుపరచడమే కాదు, ఆయన వ్యక్తిత్వాన్ని కూడా ప్రతిబింబిస్తుంది. గురువారం ట్రెంట్ బ్రిడ్జ్‌లో జింబాబ్వేతో జరిగే ఏకైక టెస్ట్ మ్యాచ్‌లో స్టోక్స్ మళ్లీ జట్టులోకి అడుగుపెట్టనున్నాడు. గాయం తర్వాత బలంగా తిరిగి రావడానికి అతను తీసుకున్న ఈ చర్యలు యువ క్రికెటర్లకు ప్రేరణగా నిలుస్తున్నాయి. మద్యం వదిలేసి దృఢమైన లక్ష్యంతో ముందుకు సాగుతున్న స్టోక్స్, తన ఆటతోనే కాదు, జీవిత విధానంతోనూ అందరికీ ఆదర్శంగా మారాడు.

🚨 STOKES QUIT ALCOHOL. 🚨

– Ben Stokes decides to quit Alcohol to stay fit for India Test series and the Ashes. Drinking might've contributed to his recurring hamstring injury. (Telegraph). pic.twitter.com/IRXRg1JicG

— Mufaddal Vohra (@mufaddal_vohra) May 19, 2025

మరిన్ని క్రికెట్ వార్తల కోసం ఇక్కడ క్లిక్ చేయండి..