IND Vs PAK: మాదేశం రాకుంటే.. వన్డే ప్రపంచకప్ బహిష్కరిస్తాం.. పాకిస్తాన్ వాదనలో పసలేదంటోన్న నిపుణులు..
భారత్ పాల్గొనకుండానే పాకిస్థాన్ ఆసియా కప్‌కు ఆతిథ్యం ఇవ్వాలనుకుంటే అది కూడా సాధ్యం కాదు. ప్రస్తుత ఆసియా క్రికెట్ కౌన్సిల్ అధ్యక్షుడు జైషానే కావడంతో, ఈ కౌన్సిల్‌లోని ఇతర సభ్యులెవరూ భారతదేశాన్ని కాదని, పాకిస్తాన్‌కు మద్దతు ఇవ్వరు.
ఆసియా క్రికెట్ కౌన్సిల్ (ఏసీసీ) చైర్మన్, బీసీసీఐ సెక్రటరీ జైషా సోమవారం తదుపరి ఆసియా కప్‌కు సంబంధించి కీలక అప్‌డేట్ ఇచ్చిన సంగతి తెలిసిందే. ఈ టోర్నీలో పాల్గొనేందుకు భారత జట్టు పాకిస్థాన్‌లో పర్యటించబోదని చెప్పుకొచ్చాడు. అలాగే ఈ టోర్నమెంట్ పాకిస్తాన్ వెలుపల ఉన్న ఇతర దేశాలకు మార్చనున్నట్లు పేర్కొన్నాడు. దీంతో పీసీబీ తీవ్ర ఆగ్రహం వ్యక్తం చేస్తుంది. ఆసియా కప్ 2023కు పాకిస్థాన్ ఆతిథ్యమివ్వనుంది. ఈ టోర్నీ ద్వారా 15 ఏళ్ల తర్వాత ప్రపంచంలోనే అత్యంత ప్రజాదరణ పొందిన జట్టు (టీమ్ ఇండియా)కి తమ దేశంలో ఆతిథ్యం ఇవ్వగలమని ఆశాభావం వ్యక్తం చేశారు. దీంతో పాకిస్థాన్ క్రికెట్ బోర్డు భారీ లాభాలు ఆర్జించవచ్చని భావించింది. తమ దేశం ప్రమాదకరం అనే ట్యాగ్‌ను పూర్తిగా తొలగించుకునే అవకాశం ఉందని భావించింది. కానీ జట్టును పంపకూడదని భారత్ నిర్ణయం దాని ఆశలను నాశనం చేసింది.
ఆ తర్వాత పాకిస్థాన్ తన అలవాటు ప్రకారం బెదిరింపులకు దిగింది. ఆసియా కప్2023కు భారత్ జట్టును పంపకపోతే, తదుపరి వన్డే ప్రపంచకప్‌కు మా జట్టును భారత్‌కు పంపబోమని పీసీబీ వాదిస్తోంది.
జులై-ఆగస్టులో ఆసియా కప్, అక్టోబర్-నవంబర్‌లో ప్రపంచకప్ జరగాల్సి ఉంది. వచ్చే నెలలో మెల్‌బోర్న్‌లో జరగనున్న ఐసీసీ బోర్డు సమావేశంలో ఈ అంశాన్ని ప్రస్తావించనున్నట్లు పీసీబీ అధికార ప్రతినిధి తెలిపారు. జైషా తీసుకున్న ఈ నిర్ణయంపై పాకిస్థాన్ క్రికెట్ బోర్డు అధ్యక్షుడు రమీజ్ రాజా చాలా అసంతృప్తిగా ఉన్నారని పీటీఐ వార్తల్లో కూడా చెప్పబడింది.
పాకిస్తాన్ బహిష్కరణ.. పసలేని వాదన..
కరోనా మహమ్మారి కంటే ముందు టీమిండియా శ్రీలంకలో పర్యటించాల్సి వచ్చింది. శ్రీలంక బోర్డు ఈ సిరీస్‌కు స్పాన్సర్‌లను పొందింది. అయితే లాక్‌డౌన్ కారణంగా ఈ సిరీస్ జరగలేదు. తర్వాత టీమ్ ఇండియా కచ్చితంగా శ్రీలంక పర్యటనకు వెళ్లి తన నష్టాలను భర్తీ చేస్తుందని శ్రీలంక బోర్డుకు బీసీసీఐ హామీ ఇచ్చింది. ఆ తర్వాత శ్రీలంక వెళ్లి సిరీస్ ఆడింది. ఆర్థికంగా తన ఉనికిని నిలబెట్టుకోవడానికి BCCI మద్దతు ఒక్క శ్రీలంక క్రికెట్ బోర్డు మాత్రమే కాదు.. ఆస్ట్రేలియా, ఇంగ్లండ్, దక్షిణాఫ్రికా, వెస్టిండీస్, బంగ్లాదేశ్, జింబాబ్వే సహా అన్ని క్రికెట్ ఆడే దేశాలకు ఇది ఎంతో అవసరం. భారత జట్టు ఒక టూర్‌తో రెండు మూడు సంవత్సరాలలో సాధారణ పర్యటనల ద్వారా సంపాదించినంత సంపాదిస్తాయనడంలో ఎలాంటి సందేహం లేదు.
అందువల్ల, PCB ఈ సమస్యను ICC రాజకీయాల్లోకి తీసుకుంటే, దానికి మరే ఇతర బోర్డు నుంచి మద్దతు లభించదు. ఐసీసీ టోర్నీని బహిష్కరించడంతో పాకిస్తాన్‌పై నిషేధం కూడా ఉండనుంది.
భారతదేశం వాదన చాలా బలంగా ఉంది..
భద్రతా కారణాలను చూపుతూ భారత జట్టు పాకిస్తాన్ వెళ్ళడానికి నిరాకరిస్తే, ప్రపంచంలోని ఏ దేశం ఈ నిర్ణయాన్ని ప్రశ్నించదు. ఇటీవల ఆస్ట్రేలియా, ఇంగ్లండ్ వంటి జట్లకు పాకిస్థాన్ ఆతిథ్యమిచ్చినా.. అక్కడి అస్థిర పరిస్థితులు ప్రపంచంలో ఎవరికీ కనిపించడం లేదు. అంతర్జాతీయ టెర్రరిస్టుల జన్మస్థలంగా, ఆశ్రయంగా పాకిస్థాన్‌ను పరిగణిస్తున్నారు. చాలాసార్లు పర్యటనను రద్దు చేసుకున్న ఇంగ్లండ్ చివరకు గత నెలలో జట్టును పంపింది.
న్యూజిలాండ్ వన్డే మ్యాచ్ ప్రారంభానికి అరగంట ముందు భద్రతా కారణాల రీత్యా అక్కడి పర్యటనను రద్దు చేసుకుంది. పాకిస్థాన్‌లో భద్రతాపరమైన బెదిరింపులను భారత్ సులభంగా నిరూపించగలదు. నేటికీ కాశ్మీర్‌లో పాకిస్థాన్ ఉగ్రవాదాన్ని ప్రోత్సహిస్తూనే ఉంది. ఈ మైదానంలోకి పాక్ జట్టును పంపడానికి నిరాకరించే అర్హత భారత్‌కు ఉంది. దీని కోసం ప్రపంచం భారతదేశాన్ని ప్రశ్నించదు.
పాకిస్తాన్ లేకపోతే టోర్నమెంట్ ఆర్థిక స్థితిపై ఎలాంటి ప్రభావం ఉందడు..
ప్రపంచవ్యాప్తంగా ఉన్న క్రికెట్ అభిమానులలో 10% మంది పాకిస్తాన్‌లో నివసిస్తున్నారు. అభిమానుల పరంగా భారత్ వాటా దాదాపు 60%గా ఉంది. కానీ, క్రికెట్ ఫైనాన్స్ విషయానికి వస్తే, ప్రపంచ ఆదాయానికి భారతదేశం 80% సహకరిస్తుంది. అయితే పాకిస్తాన్ 5% మాత్రమే అందిస్తుంది. అందువల్ల పాకిస్థాన్ ప్రపంచకప్ ఆడకపోయినా.. టోర్నీ ఆర్థిక పరిస్థితికి ఎలాంటి తేడా ఉండదు.
మొత్తం హోదా విషయంలో పాకిస్థాన్ క్రికెట్ బోర్డు బీసీసీఐ ముందు అస్సలు నిలబడదు. బీసీసీఐ పాకిస్థాన్ బోర్డు కంటే 36 రెట్లు సంపన్నమైనది. బీసీసీఐ విలువ 15,521 కోట్లుగా ఉంది. అదే సమయంలో పీసీబీ విలువ రూ.427 కోట్లు మాత్రమే.
ప్రపంచకప్ ఆడకపోవడం వల్ల పాకిస్థాన్‌కు పెద్ద నష్టం..
పాకిస్థాన్ ప్రపంచకప్ ఆడకపోతే నష్టమే. భారత్‌లో క్రికెట్‌కు ఎంత క్రేజ్ ఉందో పాకిస్థాన్‌లో కూడా అంతే క్రేజ్ ఉంది. అలాంటప్పుడు అక్కడి ఫ్యాన్స్ ఐసోలేట్ అవుతారు. ప్రజల ఆగ్రహాన్ని తట్టుకోవడం PCBకి చాలా కష్టంగా మారుతుంది.
ప్రపంచకప్‌లో ఆడకపోవడం వల్ల అక్కడి యువత కూడా ఆటకు దూరమయ్యే అవకాశం ఉంది. ఇదే జరిగితే, పీసీబీ తన దేశంలో క్రికెట్ పర్యావరణ వ్యవస్థను నిర్వహించలేకపోయినట్లే.
భారత్ లేకుండా ఆసియా కప్ సాధ్యం కాదు..
భారత్ పాల్గొనకుండానే పాకిస్థాన్ ఆసియా కప్‌కు ఆతిథ్యం ఇవ్వాలనుకుంటే అది కూడా సాధ్యం కాదు. ప్రస్తుత భారత అధ్యక్షుడు ఆసియా క్రికెట్ కౌన్సిల్ ను లీడ్ చేస్తున్నారు. ఇది కాకుండా, ఈ కౌన్సిల్‌లోని ఇతర సభ్యులెవరూ భారతదేశాన్ని కాదని, పాకిస్తాన్‌కు మద్దతు ఇవ్వరు. శ్రీలంక ఆర్థిక సంక్షోభాన్ని ఎదుర్కొంటోంది. ఏ విషయంలోనూ భారతదేశాన్ని వ్యతిరేకించదు. బంగ్లాదేశ్‌లోనూ అదే పరిస్థితి.
ఆఫ్ఘనిస్తాన్ ప్రస్తుతం క్రికెట్‌పైనే కాకుండా అనేక ఇతర విషయాల్లో పాకిస్తాన్‌పై నిలబడుతోంది. భారత్ కారణంగానే యూఏఈ క్రికెట్ సాగుతోంది. భారత్ లేకుంటే ఆసియాకప్‌ లేదన్న సంగతి తెలిసిందే. దీంతో పాకిస్తాన్ వాదనలు ఏమాత్రం పనికిరానివిగా మిగిలిపోనున్నాయి.