AUS vs IND T20 WC Highlights: బదులు తీర్చుకున్న భారత్.. ఆసీస్ పై ఘన విజయం

భారత్ విజయం.. ఆసీస్ ఇంటికేనా?

ఆస్ట్రేలియాతో జరిగిన సూపర్ -8 చివరి మ్యాచ్ లో టీమిండియా 24 పరుగుల తేడాతో ఘన విజయం సాధించింది. ఈ విజయంలో టీమిండియా సెమీస్ బెర్తు ఖరారైంది. మరోవైపు ఆసీస్ సెమీస్ బెర్తు ఆఫ్గాన్, బంగ్లా దేశ్ మ్యాచ్ ఫలితాన్ని బట్టి ఉండనుంది.

ఏడో వికెట్ కోల్పోయిన ఆసీస్..

ఆసీస్ బ్యాటర్లంతా పెవిలియన్ చేరుకున్నారు. వరుసగా ఫోర్ ,సిక్సర్ బాది ఊపు మీదున్న టిమ్ డేవిడ్ కూడా ఔటయ్యాడు. అర్ష్ దీప్ బౌలిం గ్ లో అతను బుమ్రా చేతికి చిక్కాడు. ఆసీస్ విజయానికి 12 బంతుల్లో 39 రన్స్ అవసరం.

వరుసగా వికెట్లు కోల్పోతున్న ఆసీస్..

రన్ రేట్ పెరిగిపోతుండడంతో ఆస్ట్రేలియా వరుసగా వికెట్లు కోల్పోతుంది. అర్ష్ దీప్ బౌలింగ్ లో భారీ షాట్ కు యత్నించిన మాథ్యు వేడ్ కుల్ దీప్ యాదవ్ చేతికి చిక్కాడు. దీంతో ఆ జట్టు ఆరో వికెట్ కోల్పోయింది.

‘హెడ్’ ఏక్ ఔటయ్యాడు..

టీమిండియాకు కొరక రాని కొయ్యలా మారిన ట్రావిస్ హెడ్ ఔటయ్యాడు. 43 బంతుల్లో 79 పరుగులు చేసిన అతను బుమ్రా బౌలింగ్ లో భారీ షాట్ కు యత్నించి కెప్టెన్ రోహిత్ శర్మకు క్యాచ్ ఇచ్చాడు. ప్రస్తుతం ఆసీస్ విజయానికి 20 బంతుల్లో 55 పరుగులు అవసరం.

ఆసీస్ నాలుగో వికెట్ డౌన్..

ఆసీస్ ఐదో వికెట్ కోల్పోయింది. రివర్స్ స్వీప్ ఆడే యత్నంలో మార్కస్ స్టోయినిస్ ఔటయ్యాడు. అక్షర్ దీప్ కు ఈ వికెట్ దక్కింది. ప్రస్తుతం ఆసీస్ విజయానికి 26 బంతుల్లో 60 పరుగులు అవసరం.

మూడో వికెట్ కోల్పోయిన ఆసీస్..

ఆసీస్ జట్టు మూడో వికెట్ కోల్పోయింది. గ్లెన్ మ్యాక్స్ వెల్ కుల్ దీప్ యాదవ్ బౌలింగ్ లో బౌల్డ్ అయ్యాడు. మరోవైపు ట్రావిడ్ హెడ్ మాత్రం ఫోర్లు, సిక్సర్ల వర్షం  కురిపిస్తున్నాడు.

వంద దాటిన ఆసీస్ స్కోరు

ఆసీస్ బ్యాటర్లు ధాటిగా ఆడుతున్నారు. పది ఓవర్లలోనే ఆ జట్టు స్కోరు వంద పరుగులు దాటింది. ఓపెనర్ ట్రావిస్ హెడ్ అర్ధ సెంచరీ పూర్తి చేసుకున్నాడు.

రెండో వికెట్ కోల్పోయిన ఆస్ట్రేలియా..

ఆస్ట్రేలియా జట్టు రెండో వికెట్ కోల్పోయింది. కుల్ దీప్ యాదవ్ బౌలింగ్ లో భారీ షాట్ కు ప్రయత్నించి కెప్టెన్ మిచెల్ మార్ష్ బౌండరీ లైన్ వద్ద అక్షర్ పటేల్ చేతికి చిక్కాడు. ప్రస్తుతం 9 ఓవర్లలో ఆసీస్ స్కోరు 91/2.

ఆసీస్ బ్యాటర్ల జోరు..

మిచెల్ మార్ష్, ట్రావిస్ హెడ్ లు ధాటిగా ఆడుతున్నారు. భారత బౌలర్ల పై ఎదురు దాడికి దిగుతూ ఫోర్లు, సిక్సర్ల వర్షం కురిపిస్తున్నారు. దీంతో ఆరు ఓవర్లు ముగిసే సరికి ఆసీస్ 1 వికెట్ నష్టానికి 65 పరుగులు చేసింది.

ధాటిగా ఆడుతోన్న హెడ్, మార్ష్

ఆసీస్ జోరు పెంచింది. మొదటి వికెట్ కోల్పోయిన మరో ఓపెనర్ ట్రావిస్ హెడ్, మిచెల్ మార్ష్ వేగంగా పరుగులు చేస్తున్నారు. ఫోర్లు, సిక్సర్ల వర్షం కురిపిస్తున్నారు. 4 ఓవర్లు ముగిసే సరికి టీమిండియా స్కోరు 36/1.

ఆసీస్ మొదటి వికెట్ డౌన్..

భారీ లక్ష్యంతో బరిలోకి దిగిన ఆసీస్ మొదటి ఓవర్లోనే డేవిడ్ వార్నర్ వికెట్ కోల్పోయింది. ఆర్ష్ దీప్ బౌలింగ్ లో సూర్య కుమార్ యాదవ్ చేతికి చిక్కాడు వార్నర్.

ముగిసిన టీమిండియా ఇన్నింగ్స్..

టీమిండియా ఇన్నింగ్స్ ముగిసింది. చివరి ఓవర్లలో భారత బ్యాటర్లు ధాటిగా ఆడలేకపోయారు. వికెట్లు కూడా వరుసగా పడడంతో నిర్ణీత 20 ఓవర్లలో 5 వికెట్ల నష్టానికి 205 పరుగులు చేసింది భారత్.

ఐదో వికెట్ కోల్పోయిన టీమిండియా..

టీమిండియా ఐదో వికెట్ కోల్పోయింది. దూకుడగా ఆడే యత్నంలో శివమ్ దూబే (22 బంతుల్లో 28) ఔటయ్యాడు. ప్రస్తుతం టీమిండియా స్కోరు 19 ఓవర్లలో 5 వికెట్ల నష్టానికి 195

మూడో వికెట్ కోల్పోయిన టీమిండియా.. సెంచరీ ముంగిట రోహిత్ ఔట్

రోహిత్ శర్మ (41 బంతుల్లో 92) త్రుటిలో సెంచరీ కోల్పోయాడు. క్రీజులో ఉన్నంత సేపు మెరుపులు మెరిపించిన అతను 8 పరుగుల తేడాతో శతకం మిస్ అయ్యాడు. మిచెల్ స్టార్క బౌలింగ్ లో భారీ షాట్ కు ప్రయత్నించి హిట్ మ్యాన్ బౌల్డ్ అయ్యాడు.

సెంచరీకి చేరువలో రోహిత్..

రోహిత్ శర్మ ఆసీస్ బౌలర్లను చెడుగుడు ఆడుకుంటున్నాడు. ఇప్పటివరకు కేవలం 37 బంతుల్లో 7 ఫోర్లు, 8 సిక్స్ లతో 89 పరుగులు చేశాడు. 10 ఓవర్లు ముగిసే సరికి టీమిండియా స్కోరు 114/2.

ఆగని రోహిత్ తుఫాన్..

టీమిండియా కెప్టెన్ రోహిత్ శర్మ ఆకాశమే హద్దుగా చెలరేగుతున్నాడు.  ఇప్పటివరకు కేవలం 29 బంతుల్లోనే 5 ఫోర్లు, 8 సిక్స్ లతో 76 పరుగులు చేశాడు. 8 ఓవర్లు ముగిసే సరికి టీమిండియా స్కోరు 2 వికెట్ల నష్టానికి 93 పరుగులు

మ్యాచ్ ప్రారంభం.. రోహిత్ శర్మ అర్ధ సెంచరీ..

భారత్ వర్సెస్ ఆస్ట్రేలియా మ్యాచ్ తిరిగి ప్రారంభమైంది. రోహిత్ శర్మ 20 బంతుల్లోనే అర్థ సెంచరీ పూర్తి చేసుకున్నాడు. ఇందులో 4 ఫోర్లు, 5 సిక్సర్లు ఉన్నాయి..

మ్యాచ్ కు వర్షం అంతరాయం..

భారత్ వర్సెస్ ఆస్ట్రేలియా మ్యాచ్ కు వర్షం అంతరాయం కలిగించింది. 4.1 ఓవర్ల దగ్గర వర్షం పడడంతో అంపైర్లు మ్యాచ్ ను నిలిపివేశారు. ప్రస్తుతం భారత్ స్కోరు ఒక వికెట్ నష్టానికి 43 పరుగులుగా ఉంది.  రోహిత్ (14 బంతుల్లో 35 పరుగులు) చేశాడు. ఇందులో రెండు ఫోర్లు, 5 భారీ సిక్సర్లు ఉన్నాయి.

స్టార్క్ కు చుక్కలు చూపించిన రోహిత్

టీమిండియా కెప్టెన్ రోహిత్ శర్మ ఆసీస్ స్టార్ పేసర్ మిచెల్ స్టార్క్ కు చుక్కలు చూపించాడు. మూడో ఓవర్ లో ఏకంగా 4 సిక్స్ లు, ఒక బౌండరీ బాదాడు. ఈ ఓవర్ లో  ఏకంగా 29 పరుగులు వచ్చాయి.

భారత్ కు బిగ్ షాక్..

టీమిండియాకు ఆదిలోనే షాక్ తగిలింది. హేజిల్ వుడ్ బౌలింగ్ లో భారీ షాట్ కు యత్నించి కింగ్ కోహ్లీ ఔటయ్యాడు. ప్రస్తుతం టీమిండియా స్కోరు 6/1.

భారత్ బ్యాటింగ్ ప్రారంభం..

టీమిండియా బ్యాటింగ్ ప్రారంభించింది. మొదటి ఓవర్ లో రోహిత్ ఒక బౌండరీ కొట్టగా మొత్తం 5 పరుగులు వచ్చాయి. స్టార్క్, హేజిల్ వుడ్ ఆసీస్ తరఫున ఓపెనింగ్ పేసర్లుగా బరిలోకి దిగారు.

సెయింట్ లూసియాలో భారత్ తే ఆధిపత్యం

సెయింట్ లూసియా వేదికగా జరిగిన మ్యాచ్‌లో టీమిండియా రికార్డుల మోత మోగించింది. టీ20 ప్రపంచకప్‌లో ఇప్పటివరకు ఆస్ట్రేలియాతో భారత్ 5 మ్యాచ్‌లు ఆడగా, అందులో 3 సార్లు గెలిచింది. అంటే ఆస్ట్రేలియా రెండు సార్లు మాత్రమే గెలిచింది.

ఇరు జట్ల వివరాలివే.

టాస్ ఓడిన టీమిండియా..

ఈ మ్యాచ్ లో ఆసీస్ కెప్టెన్ మిచెల్ మార్ష్ టాస్ గెలిచాడు. ముందుగా టీమిండియాను బ్యాటిం గ్ కు ఆహ్వానించాడు.