Australia: ఆ ప్లేయర్ బలుపే కారణమా.. ఆ చెత్త ఘటనతో ఆస్ట్రేలియా పతనం షురూ..!

Downfall of Australian Cricket: టీ20 వరల్డ్ కప్ 2026లో ఆస్ట్రేలియా క్రికెట్ జట్టు గ్రూప్ స్టేజ్‌లోనే ఓటమితో టోర్నమెంట్ నుంచి నిష్క్రమించింది. జింబాబ్వేతో ఎదురైన పరాజయం కారణంగా సూపర్-8 రేస్‌ నుంచి బయటపడింది. గత రెండు సంవత్సరాలుగా ఆస్ట్రేలియా జట్టుకు పరిస్థితులు అనుకూలంగా లేవని క్రికెట్ విశ్లేషకులు భావిస్తు్న్నారు.

Australia T20i Squad

Venkata Chari |
Updated on: Feb 18, 2026 | 1:01 PM

Downfall of Australian Cricket: ప్రపంచంలోనే అత్యంత విజయవంతమైన జట్లలో ఒకటిగా గుర్తింపు పొందిన ఆస్ట్రేలియా, ఈసారి టీ20 వరల్డ్ కప్‌లో నిరాశపరిచింది. టీ20 వరల్డ్ కప్ చరిత్రలో గ్రూప్ స్టేజ్‌లోనే నిష్క్రమించడం ఇది కేవలం రెండోసారి. మిచెల్ మార్ష్ కెప్టెన్సీలో శ్రీలంక, జింబాబ్వే వంటి జట్ల చేతిలో ఓడిపోవడం జట్టు పతనానికి సంకేతంగా అభిమానులు భావిస్తున్నారు. ఇదే సమయంలో కెప్టెన్ మిచెల్ మార్ష్‌కు సంబంధించిన ఓ ఫొటో సోషల్ మీడియాలో వైరల్ అవుతోంది. ఈ ఫొటోను జట్టు డౌన్‌ఫాల్‌కు కారణంగా కొందరు అనుసంధానం చేస్తున్నారు.

ఒక అవమానకర ఘటనతోనే ఆస్ట్రేలియా పతనానికి ఆరంభమా..?

2023 ఐసీసీ వన్డే వరల్డ్ కప్‌లో భారత్‌ను ఓడించి ఆస్ట్రేలియా ఆరోసారి ప్రపంచకప్ టైటిల్‌ను గెలుచుకుంది. అయితే ఫైనల్ తర్వాత విజయోత్సవాల సమయంలో ఆస్ట్రేలియా ఆల్‌రౌండర్ మిచెల్ మార్ష్ వరల్డ్ కప్ ట్రోఫీపై కాలు పెట్టి కూర్చున్న ఫొటో వైరల్ అయింది. ఈ ఫోటోను చాలా మంది అభిమానులు అవమానకరంగా భావించారు. ముఖ్యంగా భారత అభిమానులు దీన్ని “అహంకారం” అంటూ కామెంట్స్ చేశాడు.

ఈ ఘటన తర్వాత నుంచే ఆస్ట్రేలియా జట్టు ప్రదర్శన క్రమంగా పడిపోతూ వస్తోందని అభిమానులు భావిస్తున్నారు. ఒకటి తర్వాత ఒకటి కీలక పరాజయాలు ఎదురవుతూ జట్టు ఆత్మవిశ్వాసం కోల్పోయినట్టు కనిపిస్తోంది.

Downfall Of Australian Cricket