AUS vs PAK: చివరి సిరీస్ ఆడేందుకు సిద్ధమైన స్టార్ ప్లేయర్.. ఆ మ్యాచ్‌తో వీడ్కోలు చెప్పనున్న వార్నర్ మామా..

David Warner Aus Vs Pak

David Warner: డిసెంబర్ 14 నుంచి ఆస్ట్రేలియా, పాకిస్థాన్ (Australia vs Pakistan) మధ్య టెస్టు సిరీస్ ప్రారంభం కానుంది. మూడు మ్యాచ్‌ల సిరీస్‌లో తొలి మ్యాచ్‌కు ఆస్ట్రేలియా జట్టును ప్రకటించారు. 14 మంది సభ్యులతో కూడిన ఈ జట్టులో సీనియర్ ఓపెనర్ డేవిడ్ వార్నర్‌ (David Warner)కు అవకాశం కల్పించారు. దీంతో డేవిడ్ వార్నర్ ఈ సిరీస్ ద్వారా టెస్టు క్రికెట్‌కు వీడ్కోలు పలకడం ఖాయం.

ఈ సిరీస్‌లో తొలి మ్యాచ్ పెర్త్‌లో జరగనుండగా, బాక్సింగ్ డే టెస్ట్ మ్యాచ్ మెల్‌బోర్న్‌లో జరగనుంది. సిడ్నీలోని SCG స్టేడియం మూడో టెస్టు మ్యాచ్‌కు ఆతిథ్యం ఇవ్వనుంది.

జనవరి 3 నుంచి స్వదేశంలో జరిగే మూడో మ్యాచ్ ద్వారా టెస్టు క్రికెట్‌కు వీడ్కోలు పలకాలని డేవిడ్ వార్నర్ యోచిస్తున్నాడు. దీంతో ఇప్పుడు తొలి టెస్టు మ్యాచ్‌లో స్టార్ ప్లేయర్‌కు అవకాశం దక్కింది. సిడ్నీ టెస్టులోనూ వార్నర్ కనిపించడం దాదాపు ఖాయమైంది.

బలమైన ఆసీస్ దళం..

పాకిస్థాన్‌తో తొలి టెస్టు మ్యాచ్‌కు ఎంపికైన ఆస్ట్రేలియా జట్టులో బలమైన ఆటగాళ్లు ఉన్నారు. ఆల్‌రౌండర్ పాట్ కమిన్స్ ఈ జట్టుకు నాయకత్వం వహించనున్నాడు. డేవిడ్ వార్నర్, ఉస్మాన్ ఖవాజాలు స్టార్టర్లుగా బరిలోకి దిగే అవకాశం ఉంది. అదేవిధంగా జట్టులో మిచెల్ స్టార్క్, జోష్ హేజిల్‌వుడ్, స్కాట్ బోలాండ్ పేసర్లుగా ఉంటే.. నాథన్ లియాన్ స్పిన్నర్‌గా కనిపించాడు. అందుకు తగ్గట్టుగానే ఆస్ట్రేలియా జట్టు ఇలా ఉంది.

పాట్ కమిన్స్ (కెప్టెన్), స్కాట్ బోలాండ్, అలెక్స్ కారీ, కామెరాన్ గ్రీన్, జోష్ హేజిల్‌వుడ్, ట్రావిస్ హెడ్, ఉస్మాన్ ఖవాజా, మార్నస్ లాబుషాగ్నే, నాథన్ లియాన్, మిచెల్ మార్ష్, లాన్స్ మోరిస్, స్టీవ్ స్మిత్, మిచెల్ స్టార్క్, డేవిడ్ వార్నర్.

ఆస్ట్రేలియా-పాకిస్థాన్ టెస్ట్ సిరీస్ షెడ్యూల్:

మొదటి టెస్ట్ – డిసెంబర్ 14 నుంచి 18 వరకు (పెర్త్)

రెండవ టెస్ట్ – డిసెంబర్ 26 నుంచి 30 వరకు (పెర్త్)

మూడవ టెస్ట్ – జనవరి 3 నుంచి 7 (పెర్త్)

మరిన్ని క్రీడా వార్తల కోసం ఇక్కడ క్లిక్ చేయండి..