Team India: అలాంటి పని చేశారా? భారత క్రికెటర్లపై సంచలన ఆరోపణలు! కఠిన చర్యలు!
భారత్ ఏ జట్టు ప్రస్తుతం ఆస్ట్రేలియా పర్యటనలో ఉంది. అయితే ఈ టూర్ లో భారత జట్టు ప్లేయర్లపై సంచలన ఆరోపణలు వెల్లువెత్తుతున్నాయి. భారత క్రికెటర్లు బాల్ ట్యాంపరింగ్ చేశారని అంపైర్లు ఫిర్యాదు చేశారు. ఇది నిజమని తేలితే భారత ప్లేయర్లపై కఠిన చర్యలు తీసుకునే అవకాశం ఉంది.
ఆస్ట్రేలియా పర్యటనలో ఉన్న భారత్ ఎ జట్టు ప్లేయర్లపై బాల్ ట్యాంపరింగ్ ఆరోపణలు వచ్చాయి. ఫీల్డ్ అంపైర్ షాన్ క్రెయిగ్ భారత ఆటగాళ్లపై ఈ సంచలన ఆరోపణలు చేశాడు. మెక్‌కాయ్‌లో జరుగుతున్న మ్యాచ్‌లో నాల్గవ రోజు, మ్యాచ్ బంతిని మార్చడం పట్ల ఇండియా ఎ జట్టు ప్లేయర్లు అసంతృప్తి వ్యక్తం చేశారు. అంపైర్ షాన్ క్రెయిగ్‌తో చాలాసేపు గొడవ పడ్డారు. ఈ క్రమంలోనే అంపైర్లు భారత ప్లేయర్లపై బాల్ ట్యాంపరింగ్ ఆరోపణలు చేశారు. ఈ చర్చ కారణంగా నాలుగో రోజు ఆట ఆలస్యంగా ప్రారంభమైంది. బంతిపై స్క్రాచ్ మార్క్స్ ఉన్నందున అంపైర్ బంతిని మార్చాలని నిర్ణయించుకున్నాడు. ఇదే చర్చ సందర్భంగా అంపైర్ షాన్ క్రెయిగ్‌తో ఇషాన్ కిషన్ వివాదం కూడా కాస్త హీటెక్కింది. ఇకపై చర్చ జరగబోదని అంపైర్ క్రెయిగ్ స్టంప్ మైక్‌లో చెప్పడం వినిపించింది. ఆట ప్రారంభించనివ్వండి. అంపైర్ ప్రకటనకు ఇషాన్ కిషన్ సమాధానమిచ్చాడు. ‘ కాబట్టి మనం మారిన బంతితో ఆడబోతున్నామా? ఇది చర్చ కాదు. ఇది మూర్ఖపు నిర్ణయం’ అంటూ భారత వికెట్ కీపర్ చేసిన ఈ ప్రకటన అంపైర్ షాన్ క్రెయిగ్‌కు నచ్చలేదని, అతని ప్రవర్తనపై ఫిర్యాదు చేస్తానని తెలిపాడు.
చర్చ ఇక్కడితో ముగియలేదు. అంపైర్ షాన్ క్రెయిగ్ కూడా భారత ఆటగాళ్లు బాల్ ట్యాంపరింగ్ చేశారని సంచలన ఆరోపణలు చేశాడు. ‘ మీరు బంతిని గీసారు, అందుకే మేము దానిని మార్చాం’ అని అతను భారత ఆటగాళ్లతో చెప్పాడు. ఒక వేళ ఇదే నిజమైతే భారత ఆటగాళ్లపై కూడా కఠిన చర్యలు తీసుకునే అవకాశముంది. క్రికెట్ ఆస్ట్రేలియా ప్రవర్తనా నియమావళి ప్రకారం, ఇండియా ఎ ఆటగాళ్లు ఉద్దేశ్యపూర్వకంగా బాల్ టాంపరింగ్ చేసినట్లు తేలితే, అందులో పాల్గొన్న ఆటగాళ్లపై నిషేధం విధించవచ్చు.
మళ్లీ చిక్కుల్లో ఇషాన్ కిషన్..
మరిన్ని క్రీడా వార్తల కోసం ఇక్కడ క్లిక్ చేయండి..