U19 AsiaCup :19ఫోర్లు, 7 సిక్సులు 125 బంతుల్లో 209 పరుగులు.. ఏంది బ్రో ఇది..టీ20 అనుకున్నావా..ఇలా ఉతికారేశావు
U19 AsiaCup : దుబాయ్లోని ది సెవెన్స్ స్టేడియంలో మంగళవారం, డిసెంబర్ 16, 2025న జరిగిన అండర్-19 పురుషుల ఆసియా కప్ మ్యాచ్లో అభిజ్ఞాన్ కుండు చారిత్రక ప్రదర్శన కనబరిచాడు. 17 ఏళ్ల ఈ వికెట్ కీపర్-బ్యాటర్, మలేషియాపై జరిగిన మ్యాచ్లో అజేయంగా 209 పరుగులు చేసి యూత్ వన్డేల్లో డబుల్ సెంచరీ చేసిన తొలి భారతీయ ఆటగాడిగా రికార్డు సృష్టించాడు.
U19 AsiaCup : దుబాయ్లోని ది సెవెన్స్ స్టేడియంలో మంగళవారం, డిసెంబర్ 16, 2025న జరిగిన అండర్-19 పురుషుల ఆసియా కప్ మ్యాచ్లో అభిజ్ఞాన్ కుండు చారిత్రక ప్రదర్శన కనబరిచాడు. 17 ఏళ్ల ఈ వికెట్ కీపర్-బ్యాటర్, మలేషియాపై జరిగిన మ్యాచ్లో అజేయంగా 209 పరుగులు చేసి యూత్ వన్డేల్లో డబుల్ సెంచరీ చేసిన తొలి భారతీయ ఆటగాడిగా రికార్డు సృష్టించాడు.
కుండు తన డబుల్ సెంచరీని కేవలం 125 బంతుల్లో పూర్తి చేయడం విశేషం. సంయమనం, దూకుడు కలగలిసిన అతని ఇన్నింగ్స్లో 19 ఫోర్లు, ఏడు భారీ సిక్స్లు ఉన్నాయి. ఈ మెరుపు ఇన్నింగ్స్తో భారత్ అండర్-19 జట్టు నిర్ణీత 50 ఓవర్లలో 7 వికెట్ల నష్టానికి 408 పరుగుల భారీ స్కోరు సాధించింది.
ఈ అద్భుత ప్రదర్శనతో కుండు రెండు దశాబ్దాల క్రితం నెలకొల్పబడిన భారతీయ రికార్డును బద్దలు కొట్టాడు. 2002లో అంబటి రాయుడు ఇంగ్లాండ్పై చేసిన అజేయ 177 పరుగుల రికార్డును కుండు 209 పరుగులతో* అధిగమించాడు. ఇప్పుడు యూత్ వన్డేల్లో అత్యధిక వ్యక్తిగత స్కోరు సాధించిన ఆల్టైమ్ జాబితాలో సౌతాఫ్రికాకు చెందిన జోరిచ్ వాన్ స్కాక్విక్(215 పరుగులు) మాత్రమే అభిజ్ఞాన్ కుండు కంటే ముందు ఉన్నాడు.
తన రికార్డు ఇన్నింగ్స్ తర్వాత కూడా అభిజ్ఞాన్ కుండు చాలా వినయంగా మాట్లాడాడు. అతను తన దృష్టిని వెంటనే మున్ముందు రాబోయే మ్యాచ్లు, నాకౌట్ దశలో ఇన్నింగ్స్లను భారీ స్కోర్లుగా మలచడంపై పెట్టాడు. రికార్డు సాధించినందుకు సంతోషంగా ఉన్నప్పటికీ, మెరుగుదల తన లక్ష్యంగా ఉంటుందని నొక్కి చెప్పాడు.
పిచ్ పరిస్థితులు నిలకడగా ఉన్నాయని, అందుకే తాను తొందరపడకుండా, బంతిని బాగా అర్థం చేసుకుంటూ బ్యాటింగ్ చేయాలని అనుకున్నానని వివరించాడు. జట్టులోని ఇతర యువ ఆటగాళ్ల ప్రదర్శన కూడా మెరుగ్గా ఉంది. ఇంతకుముందు వైభవ్ సూర్యవంశీ యూఏఈపై చేసిన మెరుపు 171 పరుగులు కూడా భారత్ బ్యాటింగ్ బలాన్ని చాటి చెప్పింది.
మరిన్ని క్రీడా వార్తల కోసం ఇక్కడ క్లిక్ చేయండి..