Video: పురుషుల క్రికెట్లో కొత్త రకం స్టంప్స్.. బంతితోపాటే వెలుగులు.. ఏ మ్యాచ్తో ప్రారంభమంటే?
Big Bash League 2023-24, Electra Stumps: పురుషుల బిగ్ బాష్ లీగ్లో 'ఎలెక్ట్రా స్టంప్స్' మొదటిసారి ఉపయోగించనున్నారు. 'ఎలక్ట్రా స్టంప్స్'లో పలు సందర్భాలను బట్టి లైట్లు వెలుగుతాయి. ఉదాహరణకు, అవుట్, ఫోర్-సిక్స్, నో బాల్, ఓవర్ల మధ్య వేర్వేరు లైట్లు వెలుగుతుంటాయి. కాబట్టి, ఏ సమయంలో ఎలాంటి లైట్లు వెలుగుతాయో ఇప్పుడు తెలుసుకుందాం..
Updated on: Dec 26, 2023 | 6:56 PM
Big Bash League 2023-24, Electra Stumps: క్రికెట్ ఆట పురోగమిస్తున్న కొద్దీ, సాంకేతికత కూడా అభివృద్ధి చెందుతున్నట్లు కనిపిస్తోంది. ఇంతకు ముందు క్రికెట్ ఆటలో చెక్కతో చేసిన సాధారణ స్టంప్లను ఉపయోగించేవారు. ఆ తర్వాత లైట్లతో స్టంప్లు వచ్చాయి. అందులో బంతి తగిలిన వెంటనే లైట్లు వెలుగుతాయి. అయితే, ఇప్పుడు పురుషుల క్రికెట్లో కొత్త రకం ‘ఎలక్ట్రానిక్ స్టంప్స్’ వచ్చేశాయి. ఇందులో ఒకటి కాదు అనేక రకాల లైట్లు వెలుగుతున్నట్లు వీడియోలో చూడొచ్చు.
‘ఎలక్ట్రా స్టంప్స్’లో పలు సందర్భాలను బట్టి లైట్లు వెలుగుతాయి. ఉదాహరణకు, అవుట్, ఫోర్-సిక్స్, నో బాల్, ఓవర్ల మధ్య వేర్వేరు లైట్లు వెలుగుతుంటాయి. కాబట్టి, ఏ సమయంలో ఎలాంటి లైట్లు వెలుగుతాయో ఇప్పుడు తెలుసుకుందాం..
‘ఎలక్ట్రానిక్ స్టంప్స్’ విశేషాలు..
బంతి వైడ్ వెళ్లినప్పుడు మొదట రెడ్ లైట్ మెరుస్తుంది. ఆ తర్వాత ఫైర్ ఎఫెక్ట్ కనిపిస్తుంది.
ఫోర్ కొట్టినప్పుడు స్టంప్ల రంగు మారిపోతుంది.
ఒక సిక్స్ కొట్టినప్పుడు, స్టంప్ల రంగు స్క్రోల్ అవుతుంది.
నో బాల్ లేనప్పుడు, స్టంప్లపై ఎరుపు, తెలుపు లైట్లు స్క్రోల్ అవుతుంటాయి.
పర్పుల్, బ్లూ లైట్లు ఓవర్ మధ్యలో స్టంప్లపై స్క్రోల్ చేస్తుంటాయి.
బిగ్ బాష్ లీగ్తో ప్రారంభం..
For the first time in the BBL…
The electra stumps are on show 🪩 #BBL13 pic.twitter.com/A6KTcKg7Yg
— KFC Big Bash League (@BBL) December 22, 2023
మహిళల బిగ్ బాష్ లీగ్లో ‘ఎలక్ట్రా స్టంప్స్’ ఉపయోగించారు. అదే సమయంలో పురుషుల బిగ్ బాష్ లీగ్లో తొలిసారిగా ‘ఎలక్ట్రా స్టంప్స్’ను ఉపయోగిస్తున్నారు. అంతర్జాతీయ క్రికెట్లో ఈ ‘ఎలక్ట్రా స్టంప్స్’ ఎప్పుడు ఉపయోగిస్తారోనని ఫ్యాన్స్ అంతా ఇప్పుడు ఆసక్తికరంగా ఉంటుంది. ఈ రోజుల్లో కొనసాగుతున్న బిగ్ బాష్ లీగ్ 2023-24 సీజన్లో 11వ మ్యాచ్ నుంచి ఈ స్టంప్లు ప్రారంభమయ్యాయి. డిసెంబర్ 22న, బిగ్ బాష్ లీగ్ అధికారిక సోషల్ మీడియా ద్వారా ఒక వీడియో సోషల్ మీడియాలో పంచుకున్నారు. దీనిలో ‘ఎలక్ట్రా స్టంప్స్’ గురించి సమాచారం అందించింది. మార్క్ వా, మైఖేల్ వాన్ ‘ఎలెక్ట్రా స్టంప్స్’ గురించి సమాచారాన్ని అందించారు. దీనిలో స్టంప్స్ ఏ సమయంలో వెలుగుతాయో చూపించారు. గతంలో బంతి తగిలినప్పుడే స్టంప్పై రంగులు, లైట్లు కనిపించేవి. కానీ, ఇప్పుడు ఇందులో ఎన్నో మార్పులు వచ్చాయి.
మరిన్ని క్రీడా వార్తల కోసం ఇక్కడ క్లిక్ చేయండి..
