Turmeric and Thursday: పసుపుతో గురువారానికి చాలా సంబంధం ఉంది.. గురువారం చిటికెడు పసుపుతో ఇలా చేస్తే..అదృష్టం మీ వెంటే!

Turmeric and Thursday: పసుపును ఆయుర్వేదంలో ఔషధంగా భావిస్తారు. పసుపు తీసుకోవడం అన్ని వ్యాధులను నివారిస్తుంది. అదే సమయంలో, మతపరమైన విషయాలలో కూడా పసుపుకు ప్రత్యేక స్థానం ఉంది. పసుపు ముద్దను పూజ సమయంలో ఉపయోగిస్తారు. వివాహ సమయంలో కూడా, వధూవరులకు పసుపు రాయడం జరుగుతుంది. దీనివలన వారు అన్ని అడ్డంకుల నుండి రక్షించబడతారాని భావిస్తారు.  జ్యోతిషశాస్త్రంలో, పసుపు బృహస్పతి (గురు గ్రహం)తో సంబంధించి ఉంటుందని నమ్ముతారు. బృహస్పతిని భగవంతుడిగా భావిస్తారు. ఒకరి జాతకంలో బృహస్పతి బలమైన స్థితిలో ఉంటే, వారి  జీవితంలో అన్ని సమస్యలు వాటికవే పోతాయని చెబుతారు. మీ గ్రహం బృహస్పతిని బలోపేతం చేయడానికి పసుపు సహాయపడుతుందని అంటారు. అది ఎలానో ఇక్కడ తెలుసుకుందాం.

1. నీటిలో రెండు చిటికెడు పసుపును వేసుకుని గురువారం స్నానం చేస్తే, బృహస్పతి స్థానం బలోపేతం కావడంతో, వివాహానికి ఉన్న అన్ని అడ్డంకులు తొలగిపోతాయి. అలాగే కెరీర్‌లో విజయం సాధించవచ్చు.

2. పూజ సమయంలో మణికట్టు లేదా మెడపై పసుపు చిన్న మోతాదు వేయడం ద్వారా బృహస్పతి బలంగా మారుతుంది. మాట్లాడే నైపుణ్యం వస్తుంది.

3. గురువారం పసుపు దానం చేస్తే ఆరోగ్యానికి సంబంధించిన అన్ని సమస్యలు తొలగిపోతాయి.

4. మీ ఇంట్లో వాస్తు లోపం ఉంటే, ప్రతి గురువారం మీ గదుల మూలల్లో పసుపు చల్లుకోండి. ఇది వాస్తు లోపాలను తొలగిస్తుంది.

5. మీరు ఏదైనా పవిత్రమైన పని కోసం ఇంటి నుండి బయలుదేరుతుంటే, గణపతికి పసుపు పూసిన తరువాత, మీ నుదిటిపై రాయండి. ఇది మీ పనిలో వచ్చే అడ్డంకులను తొలగిస్తుంది.

6. ఇంటి సరిహద్దు గోడపై పసుపు గీత తయారు చేస్తే, ప్రతికూల శక్తులు ఇంట్లోకి ప్రవేశించవు.

7. గురు బలహీనంగా ఉంటే,  బృహస్పతి మంత్రాన్ని లేదా పసుపు దండతో నారాయణ మంత్రాన్ని జపించండి. ఇది ఒక వ్యక్తికి అసాధారణమైన తెలివితేటలను ఇస్తుంది.

8. అదృష్టం అనుకూలంగా లేకపోతే, ప్రతి గురువారం బృహస్పతికి పసుపు వేసి ”ఓం ఎయిమ్ క్లీన్ బృహస్పతి నమ:” అనే మంత్రాన్ని జపించండి. ఇది నిద్ర పోతున్న అదృష్టాన్ని కూడా మేల్కొల్పుతుంది.

(గమనిక: ఇక్కడ ఇచ్చిన సమాచారం మత విశ్వాసాలు, జానపద విశ్వాసాలపై ఆధారపడి ఉంటుంది. దీనికి శాస్త్రీయ ఆధారాలు లేవు. సాధారణ ఆసక్తిని దృష్టిలో ఉంచుకుని ఇక్కడ ఇవ్వడం జరిగింది.)

Also Read: IRCTC Hampi Tour: హైదరాబాద్ నుంచి హంపీ టూర్ ప్యాకేజీని ప్రకటించిన ఐఆర్‌సీటీసీ.. మరిన్ని వివరాల కోసం..

Cloudburst: అమర్‌నాథ్ ఆలయానికి సమీపంలో విరిగిపడిన మంచు చరియలు.. గూడారాలు ధ్వంసం.. వైరల్ వీడియో..