Mystery Temple: ఈ ఆలయంలో దీపం నెయ్యి, నూనెతోనో కాదు నీళ్లతో వెలుగుతుంది.. అద్భుతం చూసేందుకు పోటెత్తే భక్తులు
భారతదేశంలోని అనేక దేవాలయాలు వాటి రహస్యాలు, అద్భుతాల కారణంగా ప్రపంచవ్యాప్తంగా ప్రసిద్ధి చెందాయి. అందులో నెయ్యి, నూనె లేకుండా నీళ్లతో మాత్రమే దీపం వెలిగించే ఆలయం ఒకటి. ఈ అద్భుత ఆలయం ఎక్కడ ఉందో తెలుసుకుందాం.
భారతదేశంలో అనేక పురాతన, రహస్యాలు దాచుకున్న దేవాలయాలు ఉన్నాయి. అందుకే భారతదేశాన్ని దేవాలయాల దేశం అని కూడా అంటారు. ఈ ఆలయాలలని రహస్య సంఘటనల మిస్టరీని ఇప్పటి వరకు ఎవరూ ఛేదించలేకపోయారు. అయితే ఈ ప్రత్యేకమైన రహస్యాల కారణంగా ఈ ఆలయం ప్రపంచవ్యాప్తంగా ప్రసిద్ధి చెందింది. దేశ, విదేశాల నుంచి అనేక మంది ఇక్కడకు వస్తూ ఉంటారు. అటువంటి అద్భుత, రహస్యమైన ఆలయం ఒకటి మధ్య ప్రదేశ్ లో ఉంది. ఇక్కడ ఉన్న ఓ ఆలయంలో ఏళ్ల తరబడి నీళ్లతోనే దీపాలు వెలుగుతున్నాయి. ఇది ఎలా సాధ్యమవుతుంది అనే ప్రశ్న అందరి మనసులో తలెత్తి ఉండవచ్చు. అయితే ఈ నీటి దీపాలు వెళుతూనే ఉంటాయి.. ఈ అద్భుత సంఘటనను చూడటానికి ప్రతిరోజూ చాలా మంది భక్తులు ఈ ఆలయానికి వస్తుంటారు.
ఈ ఆలయం ఎక్కడ ఉంది?
ఈ ఆలయం మధ్యప్రదేశ్‌లోని షాజాపూర్ జిల్లాలో కలిసింద నది ఒడ్డున అగర్-మాల్వాలోని నల్ఖేడా గ్రామానికి 15 కిలోమీటర్ల దూరంలో గడియా గ్రామానికి సమీపంలో ఉంది. ఈ ఆలయాన్ని గడియాఘాట్ వలీ మాతాజీ అని పిలుస్తారు.
నీరు దీపం మండుతుంది
ఏళ్ల తరబడి ఈ ఆలయంలో మహా జ్యోతి మండుతున్నదని చెబుతారు. మాతృ దేవత ముందు వెలిగే ఈ దీపం నూనె, నెయ్యి, ఇంధనం లేకుండా వెలిగుతూ ఉంది. ఆశ్చర్యకరమైన విషయమేమిటంటే, ఈ దీపం ఆలయం సమీపంలోని నది కలిసింద నీటితో మండుతుంది. ఈ ఆలయంలో ఉంచిన దీపంలో నీరు పోస్తే.. అది జిగట ద్రవంగా మారి దీపం వెలుగుతుందని చెబుతారు.
అమ్మవారి ఆదేశంతో నీటి దీపాలు
మొదట్లో ఈ ఆలయంలోని దీపం ఇతర దేవాలయాల మాదిరిగా నూనె, నెయ్యితో వెలిగించే వారు అని స్థానికులు చెప్పారు. అయితే ఇక్కడ అమ్మవారు గుడిలోని పూజారి కలలో కనిపించి నది నీటి దీపాలు వెలిగించమని ఆదేశించింది. ఆ తర్వాత పూజారి కూడా అలాగే చేశాడు. ఒక రోజు దీపంలో నది నీటిని నింపి వత్తిని వెలిగించిన వెంటనే దీపం వెలగడం మొదలు పెట్టింది. అప్పటి నుంచి ఆలయంలోని దీపాలు నది నీటితోనే వెలిగించబడుతున్నాయి. ప్రజలు ఈ అద్భుతం గురించి తెలుసుకున్నప్పటి నుంచి.. ఈ అద్భుతాన్ని చూడటానికి ప్రతిరోజూ చాలా మంది ఈ ఆలయానికి వస్తుంటారు.
వర్షంలో దీపం వెలగలేదు
వర్షాకాలంలో ఈ ఆలయంలో దీపం వెలగదు. వాస్తవానికి వర్షాకాలంలో కలిసింద నది నీటి మట్టం పెరగడం వల్ల ఈ ఆలయం నీటిలో మునిగిపోతుంది. అందుకే ఇక్కడ పూజలు చేయడం సాధ్యం కాదు. దీని తరువాత ఆలయం నీరు నుంచి బయటకు వచ్చిన వెంటనే శారదీయ నవరాత్రులు ప్రారంభమవుతాయి. అప్పుడే ఆలయంలో మళ్లీ అఖండ జ్యోతి వెలిగిస్తారు. ఇది వచ్చే ఏడాది వర్షాకాలం వరకు ఈ దీపం వెలుగుతూనే ఉంటుంది.
మరిన్ని ఆధ్మాతిక వార్తల కోసం క్లిక్ చేయండి..
నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి.