Dasara 2024: శరన్నవరాత్రి ఉత్సవాలు ఎప్పుడు ప్రారంభం? కలశ స్థాపన, పూజ శుభ సమయం ఎప్పుడంటే

Shardiya Navratri

హిందూ మతంలో శరన్నవరాత్రి పండుగకు ప్రత్యేక ప్రాముఖ్యత ఉంది. ఈ పండుగ దుర్గాదేవికి అంకితం చేయబడింది. ఒక సంవత్సరంలో రెండు ప్రధాన నవరాత్రులు ఉన్నాయి.. ఒకటి చైత్ర నవరాత్రులు.. మరొకటి శారదీయ నవరాత్రులు అంతేకాదు ఏడాదిలో రెండు రహస్య నవరాత్రులు కూడా జరుపుకుంటారు. శారదీయ నవరాత్రులు లేదా శరన్నవరాత్రులను ఆశ్వయుజ మాసంలోని శుక్ల పక్షం ప్రతిపాద తేదీ రోజు నుంచి ప్రారంభమవుతాయి. ఈ పండుగ 9 రోజుల పాటు జరుగుతుంది. ఈ పండుగ 9 రోజులు నవదుర్గ అని పిలువబడే దుర్గాదేవికి చెందిన తొమ్మిది విభిన్న రూపాలకు అంకితం చేయబడింది.

ఈ తొమ్మిది రోజులు భక్తులు ఉపవాసం ఉండి, ఆలయాలను సందర్శించి దుర్గమ్మకి ప్రత్యేక పూజలు చేస్తారు. దుర్గా అష్టమి, నవమి రోజున కన్యా పూజ నిర్వహిస్తారు, దీనితో నవరాత్రి ఉత్సవాలు ముగుస్తాయి. మర్నాడు దశమి తిథి రోజున దసరా ఉత్సవాన్ని జరుపుకుంటారు. నవరాత్రులలో దుర్గాదేవి తన భక్తులపై కరుణ కలిగి ఉంటుందని.. విశేషమైన ఆశీస్సులు ఇస్తుందని నమ్ముతారు. ఇది చెడుపై మంచి సాధించిన విజయానికి చిహ్నంగా కూడా పరిగణించబడుతుంది.

శరన్నవరాత్రి ఉత్సవాలు 2024 ఎప్పుడు?

పంచాంగం ప్రకారం ఆశ్వయుజ మాసంలోని శుక్ల పక్షం ప్రతిపద తిథి అక్టోబర్ 3న అర్ధరాత్రి 12.19 గంటలకు ప్రారంభమై.. మర్నాడు అంటే అక్టోబర్ 4న తెల్లవారుజామున 2.58 గంటలకు ముగుస్తుంది. ఉదయ తిథి ప్రకారం ఈ శారదీయ నవరాత్రులు గురువారం అక్టోబర్ 3, 2024 నుంచి ప్రారంభమవుతాయి. ఈ పండుగ అక్టోబర్ 12, 2024 శనివారం ముగుస్తుంది.

కలశ స్థాపన ముహూర్తం 2024

నవరాత్రులలో మొదటి రోజు అంటే అక్టోబర్ 3న కలశ స్థాపనతో పాటు దుర్గామాత దేవి మొదటి రూపమైన శైలపుత్రిని పూజించి ఉపవాసం ఉంటారు. ఈ సంవత్సరం ఘట స్థాపన అంటే కలశ స్థాపన శుభ సమయం అక్టోబర్ 3వ తేదీ ఉదయం 6:15 నుండి 7:22 వరకు ఉంటుంది. దీనితో పాటు కలశ స్థాపనకు మరొక శుభ సమయం ఉంది. అది అభిజిత్ ముహూర్తం. ఇది ఉదయం 11:46 నుంచి మధ్యాహ్నం 12:47 వరకు ఉంటుంది. ఈ సమయంలో దసరా నవరాత్రి ఉత్సవాళ కోసం కలశాన్ని ప్రతిష్టించ వచ్చు.

దుర్గా అష్టమి 2024 ఎప్పుడు?

ఆశ్వీయుజ మాసంలోని శుక్ల పక్షం అష్టమి తిథి రోజున దుర్గాష్టమి జరుపుకుంటారు. ఈ సంవత్సరం దుర్గాష్టమి అక్టోబర్ 11 శుక్రవారం వచ్చింది. ఈ రోజున కన్యా పూజ నిర్వహిస్తారు.

2024 మహానవమి ఎప్పుడు? (మహా నవమి 2024 తేదీ)

హిందూ క్యాలెండర్ ప్రకారం ఈ సంవత్సరం మహానవమి కూడా అక్టోబర్ 11 న జరుపుకుంటారు. అయితే నవమి హవనం అక్టోబర్ 12, శనివారం జరుగుతుంది.

శరన్నవరాత్రులు 2024 తేదీలు, అమ్మవారి అలంకారం

1. నవరాత్రి మొదటి రోజు: 3 అక్టోబర్ 2024 శైలపుత్రి అవతారం, పూజ .. ఘటస్థాపన రోజు.
2. నవరాత్రి రెండవ రోజు: 4 అక్టోబర్ 2024 అమ్మవారి బ్రహ్మచారిణి ఆరాధన రోజు.
3. నవరాత్రి మూడవ రోజు: 5 అక్టోబర్ 2024, చంద్రఘంట మాత ఆరాధన రోజు.
4. నవరాత్రి నాల్గవ రోజు: 6 అక్టోబర్ 2024, తల్లి కూష్మాండ ఆరాధన రోజు.
5. నవరాత్రి ఐదవ రోజు: 7 అక్టోబర్ 2024, అమ్మవారి స్కందమాత ఆరాధన రోజు.
6. నవరాత్రి ఆరవ రోజు: 8 అక్టోబర్ 2024, కాత్యాయని దేవి ఆరాధన రోజు.
7. నవరాత్రి ఏడవ రోజు: 9 అక్టోబర్ 2024, సరస్వతీ ఆవాహనం కాళరాత్రి ఆరాధన రోజు.
8. నవరాత్రి ఎనిమిదవ రోజు: 10 అక్టోబర్ 2024, సిద్ధిదాత్రి , దుర్గాష్టమి మహా గౌరీ ఆరాధన రోజు.
9. నవరాత్రి తొమ్మిదవ రోజు: 11 అక్టోబర్ 2024, ఆయుధ పూజ సిద్ధిదాత్రి, మహాగౌరీ ఆరాధన రోజు.
10. విజయదశమి: 12 అక్టోబర్ 2024, విజయ దశమి వేడుక, దుర్గా నిమజ్జనం

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

Note: ఈ కథనంలో అందించిన సమాచారం పూర్తిగా నిజం, ఖచ్చితమైనది అని మేము ధృవీకరించడం లేదు. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోండి