Salaar movie : సెట్స్ పైకి ప్రభాస్ కొత్తసినిమా.. ‘సలార్’కు ముహూర్తం ఫిక్స్ చేసిన ప్రశాంత్ నీల్

రెబల్ స్టార్ ప్రభాస్ వరుస భారీ బడ్జెట్ సినిమాలతో బిజీగా ఉన్న విషయం తెలిసిందే..ప్రస్తుతం రాధే శ్యామ్ సినిమాతో ప్రేక్షకుల ముందుకు రావడానికి సిద్ధంగా ఉన్నాడు డార్లింగ్.

  • Rajeev Rayala
  • Publish Date - 5:27 pm, Thu, 14 January 21

salaar movie : రెబల్ స్టార్ ప్రభాస్ వరుస భారీ బడ్జెట్ సినిమాలతో బిజీగా ఉన్న విషయం తెలిసిందే..ప్రస్తుతం ‘రాధే శ్యామ్’ సినిమాతో ప్రేక్షకుల ముందుకు రావడానికి సిద్ధంగా ఉన్నాడు డార్లింగ్. ఇక ఈ సినిమాతో పాటు నాగ్ అశ్విన్ తెరకెక్కిస్తున్న సినిమాలోనూ నటిస్తున్నాడు. అలాగే బాలీవుడ్ దర్శకుడు ఓం రౌత్ రూపొందిస్తున్న ‘ఆదిపురుష్’ లో నటిస్తున్నాడు. వీటితో పాటు ‘కేజీఎఫ్’ సినిమాతో సంచలనం సృష్టించిన ప్రశాంత్ నీల్ దర్శకత్వంలో సినిమా చేస్తున్నాడు. ఈ సినిమాకు ‘సలార్’ అనే ఇంట్రస్టింగ్ టైటిల్ ను అనౌన్స్ చేసారు. ఇటీవలే ఈ సినిమా ఫస్ట్ లుక్ ను కూడా రిలీజ్ చేశారు. ఈ లుక్ ప్రేక్షకులను ఆకట్టుకుంటుంది.

ఈ సినిమా షూటింగ్ త్వరలోనే ప్రారంభం కానుందని తెలుస్తుంది. ‘స‌లార్’ను జ‌న‌వరి చివ‌రి వారం నుంచి సెట్స్ పైకి తీసుకువెళ్లనున్నారు. ‘స‌లార్’కు జ‌న‌‌వ‌రి 15న ముహూర్తం పూజను నిర్వహించనున్నారు. ఈ కార్యక్రమానికి ముఖ్య అతిధులుగా కన్నడ స్టార్ హీరో యష్, దర్శకధీరుడు రాజమౌళి, అలాగే కర్ణాటక డిప్యూటీ సీఎం డాక్ట‌ర్ అశ్వ‌త్‌నారాయ‌ణ్ సీఎన్ హాజరుకానున్నారు. ఇక ఈ క్రేజీ కాంబినేషన్ కోసం ప్రభాస్ ఫ్యాన్స్ అంతా ఆసక్తిగా ఎదురుచూస్తున్నారు. ఈ సినిమాలో ప్రభాస్ ను ప్రశాంత్ ఎలా చూపిస్తారని అందరిలోనూ ఆసక్తి నెలకొంది.