లోకేశ్ ప్రచారంపై విజయ సాయి రెడ్డి వ్యంగ్యాస్త్రాలు
ఏపీ ముఖ్యమంత్రి చంద్రబాబు, మంత్రి లోకేశ్‍పై, వైసీపీ నేత విజయసాయి రెడ్డి తాజాగా మరోసారి విరుచుకుపడ్డారు. ఈసారి లోకేశ్ ప్రచారంపై ట్విట్టర్ వేదికగా వ్యంగ్యాస్త్రాలు సంధించారు. లోకేశ్ ప్రచారానికి వెళ్తుంటే టీడీపీ అభ్యర్థులు ఎవరూ సహకరించడంలేదని, మీ నియోజకవర్గాన్ని చూసుకోండని చెబుతున్నారని విజయసాయి ఎద్దేవా చేశారు. టీడీపీ నేతలకు అధిష్ఠానం పంపుతోన్న నిధులు అదృశ్యమవుతున్నాయని, డబ్బు తీసుకెళ్లిన‌వారు పరారవుతున్నారనే అర్థం వచ్చేలా మరో ట్వీట్ చేశారు. ‘వచ్చే నాలుగు రోజుల్లో 20 నియోజకవర్గాల్లో సుడిగాలి ప్రచారం నిర్వహించాలని […]
ఏపీ ముఖ్యమంత్రి చంద్రబాబు, మంత్రి లోకేశ్‍పై, వైసీపీ నేత విజయసాయి రెడ్డి తాజాగా మరోసారి విరుచుకుపడ్డారు. ఈసారి లోకేశ్ ప్రచారంపై ట్విట్టర్ వేదికగా వ్యంగ్యాస్త్రాలు సంధించారు. లోకేశ్ ప్రచారానికి వెళ్తుంటే టీడీపీ అభ్యర్థులు ఎవరూ సహకరించడంలేదని, మీ నియోజకవర్గాన్ని చూసుకోండని చెబుతున్నారని విజయసాయి ఎద్దేవా చేశారు. టీడీపీ నేతలకు అధిష్ఠానం పంపుతోన్న నిధులు అదృశ్యమవుతున్నాయని, డబ్బు తీసుకెళ్లిన‌వారు పరారవుతున్నారనే అర్థం వచ్చేలా మరో ట్వీట్ చేశారు.
‘వచ్చే నాలుగు రోజుల్లో 20 నియోజకవర్గాల్లో సుడిగాలి ప్రచారం నిర్వహించాలని ఉబలాటపడ్డ లోకేశ్‌కు అభ్యర్థుల నుంచి సహాయ నిరాకరణ ఎదురవుతోంది. మా తిప్పలేవో మేం పడతాం. మీరు మంగళగిరి చూసుకోండి చాలు అని చెబుతున్నారట’ పాపం చిట్టినాయుడు పసి మెదడుకు లాజిక్ అర్థం కావడం లేదు!’ అంటూ ట్వీట్ చేశారు.
వచ్చే నాలుగు రోజుల్లో 20 నియోజకవర్గాల్లో సుడిగాలి ప్రచారం నిర్వహించాలని ఉబలాటపడ్డ లోకేశ్‌కు అభ్యర్థుల నుంచి సహాయ నిరాకరణ ఎదురవుతోంది. మా తిప్పలేవో మేం పడతాం. మీరు మంగళగిరి చూసుకోండి చాలు అని చెబుతున్నారట. పాపం చిట్టినాయుడు పసి మెదడుకు లాజిక్ అర్థం కావడం లేదు!
— Vijayasai Reddy V (@VSReddy_MP) March 29, 2019
‘తెలుగుదేశం అభ్యర్థులకు కొత్త చిక్కు వచ్చి పడింది. ఫలానా వ్యక్తి ద్వారా నిధులు పంపిస్తున్నట్టు అభ్యర్థులకు పార్టీ అధిష్టానం సమాచారం అందిస్తోంది. హవాలా ఏజెంట్లు, కొన్ని విద్యా సంస్థల నుంచి నిధులు తీసుకెళ్లిన వ్యక్తులు డబ్బు మూటలతో అదృశ్యమవుతున్నారట. అభ్యర్థులు లబోదిబో అంటున్నారు.’అనిమరో ట్వీట్ వదిలారు విజయసాయి రెడ్డి.
తెలుగుదేశం అభ్యర్థులకు కొత్త చిక్కు వచ్చి పడింది. ఫలానా వ్యక్తి ద్వారా నిధులు పంపిస్తున్నట్టు అభ్యర్థులకు పార్టీ అధిష్టానం సమాచారం అందిస్తోంది. హవాలా ఏజెంట్లు, కొన్ని విద్యా సంస్థల నుంచి నిధులు తీసుకెళ్లిన వ్యక్తులు డబ్బు మూటలతో అదృశ్యమవుతున్నారట. అభ్యర్థులు లబోదిబో అంటున్నారు.
— Vijayasai Reddy V (@VSReddy_MP) March 29, 2019
‘కడుపుబ్బే కామెడీ ఉపన్యాసాలతో లోకేశ్ చులకన అవుతున్నారని కొందరు సీనియర్లు చంద్రబాబు దృష్టికి తీసుకెళ్లారట. మంగళగిరిలోనే ఉంటే మంచిదని చెప్పారట. ఏప్రిల్ 9న పోలింగు ఉంటుందని, బందరు పోర్టును ఎత్తుకుపోతారని అనడం చంద్రబాబు దృష్టికి తెచ్చినా పట్టించుకోలేదట. పుత్ర వాత్సల్యం కాబోలు!’ అంటూ గురువారం వ్యంగ్యంగా ట్వీట్ చేయడం విశేషం.
మచిలీపట్నం పోర్టును తెలంగాణాకు తీసుకెళ్లాలని కేసీఆర్ అహర్నిశలు కృషి చేస్తున్నారన్న లోకేశ్ వ్యాఖ్యలు యూట్యూబ్, సోషల్‌ మీడియాలో వైరల్ అయ్యాయి. యూట్యూబ్‌లో ఈ వీడియోలను రెండు కోట్ల మంది చూశారు. వాట్సాప్, ఫేస్బుక్, ట్విట్టర్లలో లక్షకు పైగా షేర్ అయ్యాయి. చిట్టి నాయుడా మజాకా?
— Vijayasai Reddy V (@VSReddy_MP) March 29, 2019
