మంగళవారం బాధ్యతలు స్వీకరించనున్న సోము వీర్రాజు

Somu Veerraju swearing ceremony: ఏపీ బీజేపీ నూతన అధ్యక్షుడిగా ఇటీవల నియమితులైన సోము వీర్రాజు ఈ నెల 11న(మంగళవారం) బాధ్యతలు స్వీకరించనున్నారు. విజయవాడలోని ఓ ఫంక్షన్ హాల్‌లో ఈ కార్యక్రమం జరుగనుందని పార్లమెంట్ జిల్లా అధ్యక్షులు వామరాజు సత్యమూర్తి వెల్లడించారు. ఇక ఈ పదవీ స్వీకార కార్యక్రమంలో బీజేపీ జాతీయ ప్రధాన కార్యదర్శి వారణాసి రాంమాధవ్‌ ముఖ్య అతిథిగా పాల్గొననున్నారు. ఆయనతో పాటు అఖిల భారత సంఘటన్‌ సహ కార్యదర్శి సతీష్ జీ ఈ కార్యక్రమానికి అతిథిగా రానున్నారు. సోము వీర్రాజు ప్రమాణ స్వీకార ఏర్పాట్లను వామరాజు సత్యమూర్తి, రాష్ట్ర వ్యవహారాల సహా ఇంచార్జి సునీల్ దియోడర్, బీజేపీ సంస్థాగత ప్రధాన కార్యదర్శి మధుకర్ తదితరులు దగ్గరుండి చూసుకుంటున్నారు.

Read This Story Also: మిహీక లెహంగా కోసం ఎన్ని గంటల సమయం పట్టిందంటే