Telangana Congress: రోజు రోజుకు పెరుగుతున్న టీ.కాంగ్రెస్‌లో మంటలు.. కోమటిరెడ్డి ఫ్లెక్సీలను బ్లేడ్‌తో కత్తిరించిన మరో వర్గం..

Congress Flex Banner: తెలంగాణ కాంగ్రెస్‌లో మంటలు రోజు రోజుకు పెరుగుతూనే ఉన్నాయి. మేడ్చల్‌లో వర్గ విభేదాలు భగ్గుమన్నాయి. కోమటిరెడ్డి వెంకటరెడ్డి పేరుతో ఉన్న ఫ్లెక్సీలను బ్లేడ్‌తో కత్తిరించారు గుర్తు తెలియని వ్యక్తులు. పార్టీలోని ఓ వర్గమే ఫ్లెక్సీలు, హోర్డింగ్‌లు, కటౌట్లను కత్తిరించాయన్న అనుమానాలు వ్యక్తమవుతున్నాయి.

కొంపల్లిలో ఫంక్షన్ హాల్‌ రేపు, ఎల్లుండి పార్టీ శిక్షణ తరగతులు, జన జాగరణ యాత్ర పేరిట సదస్సు ఏర్పాటు చేశారు. ఈ క్రమంలో సీనియర్ నేత కోమటిరెడ్డి వెంకటరెడ్డి పేరుతో పెద్ద ఎత్తున భారీ హోర్డింగులు, కటౌట్లు, ఫ్లెక్సీలు ఏర్పాటు చేశారు మైపాల్ రెడ్డి. గుర్తు తెలియని వ్యక్తులు కొన్ని ఫ్లెక్సీలను తొలగించి.. మరికొన్నింటిని బ్లేడ్లతో కత్తిరించారు. ఈ ఘటనతో పార్టీలో ఉన్న రాజకీయ విభేదాలు మరింత భగ్గుమన్నాయి.

కోమటిరెడ్డి వెంకటరెడ్డి అనుచరుడు మైపాల్ రెడ్డి ఏర్పాటుచేసిన ఫ్లెక్సీలను చించడంపై వివాదం రాజుకుంది. దీంతో ఆ వర్గం ఒకింత ఆందోళనలో ఉంది. పార్టీ కార్యక్రమానికి ముందు రోజు ఇలాంటి ఘటన చోటు చేసుకోవడం క్యాడర్‌ను షాక్‌కు గురిచేసింది. మరోవైపు ఘటనపై పోలీసులు ఆరా తీస్తున్నారు.

ఇవి కూడా చదవండి: Chanakya Niti: ఆ నాలుగు విషయాలను అస్సలు ఎవరితో షేర్ చేసుకోకండి.. అవేంటంటే..