Apple Vinegar: వెనిగర్‌తో ఎన్ని లాభాలో..! వంట, వాషింగ్‌కేకాదు జుట్టు, చర్మం కూడా మెరిపోతాయ్..
వంటగదిలో వెనిగర్ వినియోగం గురించి ప్రత్యేకంగా చెప్పనక్కర్లేదు. ఆహారానికి మంచి రుచినే కాకుండా వంటగదిని శుభ్రం చేయడంలో, బట్టలపై మరకలను తొలగించడంలో బలేగా పనిచేస్తుంది. అలాగే వెనిగర్ జుట్టు సమస్యలను వదిలించడంతో కూడా ఉపయోగపడుతుంది. చలికాలంలో చుండ్రు సమస్యను ఇట్టే వదలగొడుతుంది..
వెనిగర్‌ను రకరకాల వంటలలో ఉపయోగిస్తారనే విషయం తెలిసిందే. దీనిని సలాడ్ డ్రెస్సింగ్, marinades, ఊరగాయలతో సహా అనేక వంటలలో ఉపయోగిస్తారు. ఇది వంటలో రుచిని మాత్రమే కాకుండా సౌందర్య పోషణకు కూడా బలేగా ఉపయోగపడుతుంది.
కెమికల్ క్లీనర్‌ వెనిగర్ ఉపయోగపడుతుంది. వెనిగర్ సులభంగా గ్రీజు, గ్రిమ్ వంటి మరకలను త్వరగా శుభ్రపరుస్తుంది. ఓ సీసాలో సమాన భాగాలు వెనిగర్, నీరు కలిపి.. వంటగది, బాత్రూమ్, కిటికీలను శుభ్రం చేయవచ్చు.
వంటగదిలోని చెడు వాసనలను వెనిగర్ తొలగిస్తుంది. రాత్రి పడుకునేటప్పుడు ఒక గిన్నెలో కొద్దిగా వెనిగర్ వేసుకుని గదిలోని ఓ మూల పెడితే దుర్వాసన పోతుంది. ఇలా ఫ్రిజ్, చెత్త డబ్బాలో కూడా ఉపయోగించవచ్చు. బట్టలలోని చెమట వాసన కూడా మసకబారుతుంది. వాషింగ్ మెషీన్‌లో కూడా కొన్ని చుక్కలు వేయవచ్చు.
ముఖ్యంగా చలికాలంలో బట్టలను మృదువుగా చేయడానికి వెనిగర్ మంచి ఎంపిక. ఇది వాసనలు, మరకలను తొలగించడమే కాకుండా సున్నితమైన చర్మం ఉన్నవారికి ప్రత్యేకంగా ఉపయోగపడుతుంది. అలాగే ఇంటి గార్డెన్‌లో బుష్ కిల్లర్‌గా కూడా పనిచేస్తుంది.
ముఖ్యంగా ఆపిల్ సైడర్ వెనిగర్.. గొప్ప సహజ హెయిర్ కండీషనర్‌గా ఉపయోగపడుతుంది. వెనిగర్‌లో కొంచెం నీరు వేసి, షాంపూ వేసి తలస్నానం చేయాలి. ఈ మిశ్రమం మీ స్కాల్ప్ ను బ్యాలెన్స్ చేసి, చుండ్రుని తగ్గిస్తుంది.