హోటల్ రూమ్ లో వైట్ బెడ్ షీట్స్, టవల్స్ కనిపిస్తాయి.. ఇలా ఎందుకు తెల్లని బట్టలు యూజ్ చేస్తారో తెలుసా..
వ్యాపారం కోసం లేదా పర్యాటకం కోసం ఇతర ప్రాంతాలకు వెళ్ళినప్పుడు ఉండడం కోసం హోటల్స్ ను ఆశ్రయిస్తారు. ఇలా హోటల్ రూమ్ లోకి అడుగు పెట్టిన వెంటనే అందంగా మల్లెపువ్వులా తెల్లగా కనిపించే బెడ్ షీట్, దానితో పాటు తెల్లటి కవర్లు ఉన్న దిండు, టవల్స్, చేతి రుమాళ్లు కనిపిస్తాయి. అయితే ఇలా రూమ్ లో ఉన్న క్లోత్స్ తెల్లగా ఉండడం గమనించి ఉంటారు. అయితే ఇలా అన్నీ తెలుపు రంగులోనే లోనే ఎందుకు ఉంటాయనే విషయాన్ని ఎప్పుడైనా ఆలోచించారా..
హోటళ్లలో తెల్లటి బెడ్షీట్లను ఎందుకు వాడతారు. అంటే హోటల్ గదిల్లో ఉపయోగించే అన్ని బెడ్ షీట్లను ఒకేసారి కలిపి ఉతుకుతారు. ఆ సమయంలో బెడ్ షీట్లు వివిధ రంగులలో ఉంటే.. ఏవి ఎక్కువగా మురికిగా ఉన్నాయో గుర్తించడం అన్నా, మరకలు ఉన్నా గుర్తించడం కష్టం.
రగ్గులు తెల్లగా ఉండడం వలన సులభంగా ఉతకడం.. వాటి మీద ఉన్న మరకలు, ధూళిని గుర్తించడం సులభం అవుతుంది.
అంతే కాకుండా తెల్లటి బెడ్ షీట్లు పర్యాటకులకు ఎలాంటి మురికి లేకుండా శుభ్రంగా ఉన్నాయని స్పష్టంగా తెలియజేస్తాయి. అందువలన హోటల్ రూమ్ లో అతిథులు ప్రశాంతంగా నిద్రపోతారు. అలాగే తెలుపు రంగు అన్ని ఇతర రంగుల కంటే బాగా కనిపిస్తుంది.
హోటల్ గదిలోని ఫర్నీచర్ , వాల్ కలర్ వేర్వేరు రంగులలో ఉన్నప్పటికీ తెల్లటి బెడ్ షీట్లు ప్రత్యేకంగా కనిపిస్తూ ఉంటాయి. అలాగే హోటల్ లో బస చేసే అతిథులకు హోటల్ యాజమాన్యం గదులల్లోని పరిశుభ్రత గురించి తెలియజేస్తుంది.
1980ల ప్రారంభంలో తెల్లటి బెడ్ షీట్స్ ఫ్యాషన్ వెలుగులోకి వచ్చాయి. అంతకు ముందు రంగుల బెడ్ షీట్లు వాడేవారు. అయితే 1990 తర్వాత ఇంటీరియర్ డిజైనర్ల సలహా మేరకు హోటల్ గదులలో తెల్లటి బెడ్స్ప్రెడ్లు ఉపయోగించడం మొదలు పెట్టారు. వెస్టిన్ బ్రాండ్ 1990లలో హోటళ్ల కోసం తెల్లటి వస్త్రాలను ప్రాచుర్యంలోకి తెచ్చింది.