Rhinoceros Horn: ఖడ్గ మృగాల కొమ్ములకు లక్షల్లో ధర.. వాటి ప్రత్యేకత ఏమిటి? తెలిస్తే ఆశ్చర్యపోతారు!
ఖడ్గ మృగాల గురించి చాలాసార్లు వినే ఉంటారు. చదువుకున్న రోజుల్లో బుక్స్‌లో ఖడ్గ మృగాల గురించి ప్రత్యేక పాఠమే ఉండేది. అయితే వీటి కొమ్ముల గురించి ప్రత్యేకంగా తెలుసుకోవాల్సిందే..
ఖడ్గ మృగాల గురించి చాలాసార్లు వినే ఉంటారు. చదువుకున్న రోజుల్లో బుక్స్‌లో ఖడ్గ మృగాల గురించి ప్రత్యేక పాఠమే ఉండేది. అయితే వీటి కొమ్ముల గురించి ప్రత్యేకంగా తెలుసుకోవాల్సిందే. ఒక కొమ్ము విలువ చాలా ఖరీదైనది ఉంటుంది. దీని రేటు బంగారం కంటే ఎక్కువగా ఉంటుందట. మరి ఖడ్గ మృగాల కొమ్ములు ఎందుకంట ఖరీదైనవిగా ఉంటాయి. ఎందుకంత ప్రాధాన్యత ఇస్తుంటారు. వీటి ధర లక్షల్లో పలుకుతుంటుంది.
1 / 5
ఖడ్గ మృగం కొమ్ములో కెరాటిన్: ఖడ్గ మృగం కొమ్ములో కెరాటిన్ ఉంటుంది. ఈ కెరాటిన్ ధర చాలా ఎక్కువ. ఇది బంగారం కంటే చాలా ఎక్కువ విలువ కలిగి ఉంటుంది. ఈ కెరాటిన్ కారణంగా ఖడ్గమృగాల కొమ్ములు చాలా ధరకు అమ్ముడుపోతాయి. దీని కోసం చాలా మంది వేటగాళ్లు ఖడ్గ మృగాలను వేటాడుతుంటారు. దీన్ని చైనాలో మ్యాజికల్ మెడిసిన్ అంటారు. దీని కొమ్ములో ఉండే కెరాటిన్ జట్టుకు సంబంధించిన చికిత్సలో వాడుతుంటారు. ఖడ్గమృగాల కొమ్ముల వ్యాపారం చేసుకుని కొందరు గుట్టుచప్పుడు కాకుండా వాటి కొమ్ములను నరికి వేస్తున్నారు.
2 / 5
కొమ్ములు ఔషధాలలో వినియోగం: ఖడ్గ మృగాల కొమ్ములు వివిధ ఔషధాలలో వినియోగిస్తారట. ఈ ఖడ్గ మృగం కొమ్ములను కత్తిరించి భారీ ధరలకు అమ్ముతుంటారు. ఈ కొమ్ములను పొడిగా తయారు చేసి వివిధ రకాల ఔషధాల్లో ఉపయోగిస్తారు. ఇందులో ఉండే కెరాటిన్ ఔషధాలకు, ఇతర వాటికి ఉపయోగపడతాయి. క్యాన్సర్‌ వ్యాధి నుంచి హ్యాంగోవర్‌ వరకు, వివిధ రకాల మందుల తయారీలో ఈ ఖడ్గ మృగం కొమ్ములను ఉపయోగిస్తారని జంతు పరిశోధకులు చెబుతున్నారు. చైనాలో తయారు చేసే ఔషధాల్లో ఈ కొమ్ములను అధికంగా వాడుతారు. వీటిని ఔషధాలలో వాడటం వల్ల వీటికి అంత డిమాండ్ ఉంటుంది. అందుకే స్మగ్లర్లు వీటి గురించి తెలుసుకుని ఖడ్గ మృగాలను వేటాడుతున్నారు.
3 / 5
ప్రతి కిలో గ్రాము లక్షల్లో ధర: ఈ ఖడ్గ మృగాల కొమ్ములకు ఆయా దేశాల్లో కూడా చాలా డిమాండ్ ఉంటుంది. అందుకే ఇవి లక్షల్లో ధర పలుకుతాయి. ఖడ్గ మృగం కొమ్ము కోసినా తిరిగి మళ్లీ పెరుగుతుంది. ఈ కొమ్ము ప్రతి కిలోగ్రాము లక్షల్లో ధర ఉంటుంది. ఖడ్గమృగాల కొమ్ములో లభించే కెరాటిన్ ఆసియాలో బంగారం కంటే ఎక్కువ ధరకు అమ్ముడవుతోంది. భారతదేశంలో ఒక కొమ్ము ధర లక్ష రూపాయల పలుకుతున్నట్లు సమాచారం.
4 / 5
2020 నివేదికల ప్రకారం.. వేటగాళ్ల చేతిలో ఖడ్గ మృగాలు బలవుతున్నాయి. గత పదేళ్లలో దేశవ్యాప్తంగా వందలాది ఖడ్గ మృగాలు వేటాడినట్లు నివేదికలు చెబుతున్నాయి. నేడు ఈ మృగాలు అంతరించిపోతున్నాయి. ప్రస్తుతం కేవలం మూడు వేలకు పైగా భారతీయ ఖడ్గమృగాలు అడవిలో సజీవంగా ఉన్నట్లు నివేదికలు వెల్లడిస్తున్నాయి. వీటిలో దాదాపు 2000 భారతదేశంలోని అస్సాంలో మాత్రమే కనిపిస్తాయి.
