Wimbledon 2021: వింబుల్డన్ ‘స్పైడర్ మ్యాన్’ ని చూశారా..? నెటిజన్ల రియాక్షన్ మాములుగా లేదుగా!
ప్రపంచంలోని టాప్ టెన్నిస్ ఆటగాడు నోవాక్ జొకోవిచ్.. ప్రస్తుతం వింబుల్డన్ 2021 లో వరుస మ్యాచ్‌ల్లో విజయాలు సాధిస్తూ.. పురుషుల సింగిల్స్‌ లో ట్రోఫీ కోసం ముందుకు సాగుతున్నాడు.
Wimbledon 2021: వింబుల్డన్ ఓపెన్ టెన్నిస్ టోర్నమెంట్ (వింబుల్డన్ 2021) గత సోమవారం నుంచి ఇంగ్లాండ్‌లో ప్రారంభమైంది. సెర్బియాకు చెందిన నోవాక్ జొకోవిచ్.. మూడో రౌండ్లోకి ప్రవేశించాడు. 19 గ్రాండ్‌స్లామ్‌లను ఇప్పటికే తన ఖాతాలోవేసుకున్న నోవాక్.. ప్రస్తుతం తన 20 వ గ్రాండ్‌స్లామ్‌ కోసం వేటను కొనసాగిస్తున్నాడు. ప్రత్యర్థులపై ఏస్‌ల వర్షం కురిపిస్తూ.. చాలా ఏకాగ్రతగా కనిపిస్తుంటాడు. అలాగే మైదానంలో చాలా ఉల్లాసంగా కదులుతుంటాడు. వింబుల్డన్‌లో బుధవారం జరిగిన మ్యాచ్‌తో నోవాక్ జొకోవిచ్ 15 వ సారి మూడో రౌండ్‌కు దూసుకెళ్లాడు. జొకోవిచ్ దక్షిణాఫ్రికాకు చెందిన కె. అండర్సన్ 6-3, 6-3, 6-3తో వరుస సెట్లలో విజయం సాధించి తరువాతి రౌండ్లోకి ఎంటర్ అయ్యాడు. నోవాక్ ఇటీవల ఆస్ట్రేలియన్ ఓపెన్‌తో పాటు ఫ్రెంచ్ ఓపెన్‌ను కూడా గెలుచుకున్నాడు. ప్రస్తుతం వింబుల్డన్ లో గ్రాండ్ స్లామ్ గెలిచేందుకు తీవ్రంగా కృషి చేస్తున్నాడు. తాజాగా ఓ నోవాక్ జకోవిచ్ ఫొటో ఒకటి నెట్టింట్లో చక్కర్లు కొడుతోంది. దీనిపై సోషల్ మీడియాలో మీమ్స్ ఫెస్ట్ నడుస్తోంది. నోవాక్ జకోవిచ్ ను ఏకంగా స్పైడర్ మ్యాన్‌తో పోల్చుతూ కామెంట్లు చేస్తున్నారు.
ఈ ఫొటోను ట్విట్టర్లో నోవాక్ జకోవిచ్ తన ఖాతాలో షేర్ చేశాడు. దీనికి ‘ స్పైడర్ మ్యాన్ రిటర్న్స్ హా..హా..హా.. మీమ్స్ ఫెస్ట్ మొదలుపెట్టండి అంటూ’ క్యాప్షన్ చేర్చాడు. ఈ ఫొటో లో అచ్చం స్పైడర్ లాగే పాకుతున్నట్లుగా షాట్ ఆడాడు. ఈ సూపర్ స్టార్ ప్లయరే అలా క్యాప్షన్ ఇస్తే.. నెటిజన్లు ఊరుకుంటారా..! మీమ్స్ తో వాళ్ల క్రియోటివిటీకి పదును పెట్టి మరీ మీమ్స్ తయారు చేసి సోషల్ మీడియాలో వదిలారు.
Also Read:
Michael Vaughan: ఇంగ్లండ్ మాజీ కెప్టెన్ వాన్ వక్రబుద్ధి; కోహ్లీపై మరోసారి..! ఫైర్ అవుతోన్న ఫ్యాన్స్
World Test Championship: రెండవ ప్రపంచ టెస్టు ఛాంపియన్ షిప్ షురూ.. ఈ సారి మార్పులు ఇవే..!
Lords Cricket Stadium: టెస్టు మ్యాచ్ లో టీ20 సునామీ.. ఒక్కరోజులో 3 సెంచరీలు, 500 పరుగులతో సంచలనం..!