Most Beautiful Building: దుబాయ్ సిగలో మరో కలికితురాయి.. బుర్జ్ ఖలీఫాకు సమీపంలో ‘వరల్డ్స్ మోస్ట్ బ్యూటిఫుల్ బిల్డింగ్’..
ప్రపంచంలోనే అత్యంత అందమైన భవనాలు దుబాయ్లో ఉన్నాయన్న సంగతి మీకు తెలుసా. ఆ భవనాలను మీరు చూస్తే మీరు కూడా అదే అంటారు.. ఇవి నిజంగా భవనాలేనా అనే ఆశ్చర్యం కూడా కలుగుతుంది. అంతటి అద్భుమైన కట్టడాలు అక్కడ ఉన్నాయి. అందులోని కొన్నింటిని మనం ఓ సారి చూద్దాం..
దుబాయ్లో జరిగిన మ్యూజియం ఆఫ్ ది ఫ్యూచర్ వేడుకల్లో 'వరల్డ్స్ మోస్ట్ బ్యూటిఫుల్ బిల్డింగ్'గా పేరొందిన అందమైన భవనం ప్రారంభమైంది. ఈ భవన నిర్మాణానికి తొమ్మిదేళ్లు పట్టింది.
ఇది ఏడు అంతస్తుల భవనం.. 77 మీటర్ల ఎత్తు, 30 వేల చదరపు మీటర్లలో ఈ భవనం నిర్మించబడింది. ఇది ప్రపంచంలోనే అత్యంత ఎత్తైన భవనం అయిన బుర్జ్ ఖలీఫాకు సమీపంలో ఉంది.
దుబాయ్లో నిర్మించిన ఈ ఆర్కిటెక్చరల్ మాస్టర్పీస్కు 'మ్యూజియం ఆఫ్ ది ఫ్యూచర్'లో చోటు దక్కించుకుంది. ఈ మ్యూజియం మానవాళి భవిష్యత్తును వివరిస్తుందని ఒక పత్రికా అభివర్ణించింది.
అదనంగా, మ్యూజియం మానవ అభివృద్ధిలో సవాళ్లు, అవకాశాలకు వినూత్న పరిష్కారాలకు తెరలేపింది. భవనం చాలా అందంగా ఉంది. ప్రపంచ వ్యాప్తంగా దీనిపై ప్రశంసలు కురిపిస్తున్నారు.
"మ్యూజియం ఆఫ్ ది ఫ్యూచర్ ఒక సజీవ మ్యూజియం" అని యుఎఇ క్యాబినెట్ మంత్రి, దుబాయ్ ఫ్యూచర్ ఫౌండేషన్ ప్రెసిడెంట్ మహ్మద్ అల్ గెర్గావి మంగళవారం ప్రారంభోత్సవ కార్యక్రమంలో అన్నారు.
ఈ భవనాన్ని కాజిల్ డిజైన్ ఆర్కిటెక్ట్ అయిన సీన్ కాజిల్ రూపొందించారు. ఇంజనీరింగ్, కంప్యూటర్-సహాయక డిజైన్లో అద్భుతంగా మారింది.
ఈ భవనం స్టెయిన్లెస్ స్టీల్తో నిర్మించారు. నిర్మాణ సమయంలో అత్యధికంగా రోబోలను ఉపయోగించారు. రాత్రి సమయంలో ఇది మిరుమిట్లు గొలిపే కాంతులతో ప్రకాశిస్తుంది.