రాత్రి నిద్రపోయే ముందు ఈ జ్యూస్ తాగండి.. లాభాలు చూసి ఆశ్చర్యపోతారు
ప్రస్తుత కాలంలో ప్రతి ఒక్కరిలో గ్యాస్, ఎసిడిటీ సమస్య సర్వసాధారణమైపోయింది. మారుతున్న ఆహారపు అలవాట్లు దీనికి ప్రధాన కారణంగా చెప్పవచ్చు. దీని వల్ల గుండెల్లో మంట, నెర్వస్ నెస్, విశ్రాంతి లేకపోవడం వంటి సమస్యలు పెరుగుతున్నాయి. దీంతో రాత్రంతా నిద్రలేమి సమస్య చాలా మందిని వేధిస్తుంది. ఇలాంటి పరిస్థితుల్లో ప్రజలు ఆందోళనకు గురవుతుంటారు. దీనిని నివారించడానికి తక్షణ చికిత్స చాలా ముఖ్యం. ఇలాంటి వారు రాత్రివేళ నిద్రకు ఉపక్రమించే ముందు ఒకగ్లాసు సెలరీ జ్యూస్ను తాగితే చాలా సమస్యల నుంచి బయటపడొచ్చు.
ప్రస్తుత కాలంలో ప్రతి ఒక్కరిలో గ్యాస్, ఎసిడిటీ సమస్య సర్వసాధారణమైపోయింది. మారుతున్న ఆహారపు అలవాట్లు దీనికి ప్రధాన కారణంగా చెప్పవచ్చు. దీని వల్ల గుండెల్లో మంట, నెర్వస్ నెస్, విశ్రాంతి లేకపోవడం వంటి సమస్యలు పెరుగుతున్నాయి. దీంతో రాత్రంతా నిద్రలేమి సమస్య చాలా మందిని వేధిస్తుంది. ఇలాంటి పరిస్థితుల్లో ప్రజలు ఆందోళనకు గురవుతుంటారు.
దీనిని నివారించడానికి తక్షణ చికిత్స చాలా ముఖ్యం. ఇలాంటి వారు రాత్రివేళ నిద్రకు ఉపక్రమించే ముందు ఒకగ్లాసు సెలరీ జ్యూస్ను తాగితే చాలా సమస్యల నుంచి బయటపడొచ్చు. అసలు సెలరీ అంటే ఏమిటి..? ఈ జ్యూస్ తాగటం వల్ల కలిగే లాభాలు ఏంటో ఇప్పుడు తెలుసుకుందాం..
సెలరీ అనేది అపియాసి కుటుంబానికి చెందిన ఆకు కూర. ఇది చూడడానికి కొత్తిమీరలా ఉంటుంది. సెలరీలో పోషకాలు అధికంగా ఉంటాయి. దీనిలో ఫైబర్ కంటెంట్ సమృద్ధిగా ఉంటుంది. విటమిన్ కె, సి, పొటాషియం, ఫోలేట్ వంటి పోషకాలు మెండుగా ఉంటాయి. సెలరీ జ్యూస్ తరచూ తీసుకుంటే అనేక ఆరోగ్య ప్రయోజనాలు పొందవచ్చని, శరీరానికి కావలసిన పోషకాలు అందించవచ్చని నిపుణులు అంటున్నారు.
దీన్ని తగిన మోతాదులో తీసుకోవడం వల్ల పొట్ట సంబంధిత సమస్యల నుంచి ఉపశమనం లభిస్తుంది. ఇది జీర్ణక్రియను మెరుగుపరచడంలో సహాయపడుతుంది. ఆహారాన్ని సులభంగా జీర్ణం చేస్తుంది. ఇది గుండెల్లో మంట, అసిడిటీ వంటి సమస్యల నుండి ఉపశమనం కలిగిస్తుంది. జీర్ణక్రియను ప్రోత్సహిస్తుంది. అల్సర్, జీర్ణ సమస్యల వంటి కడుపు సమస్యలను నివారిస్తుంది.
అంతేకాదు, ఊబకాయంతో బాధపడేవారికి కూడా సెలెరీ చాలా బాగా ఉపయోగపడుతుంది. ఫంగల్ ఇన్ఫెక్షన్ల నుండి రక్షిస్తుంది. సెలెరీ మహిళలకు కూడా చాలా ఉపయోగకరం. ఇది పీరియడ్స్ సమయంలో కడుపు నొప్పి నుండి ఉపశమనం కలిగిస్తుంది. పురుషులు, స్త్రీలలో సంతానోత్పత్తిని పెంచుతాయి. ఈ ఆకు కూరను తినడం వలన జుట్టు ఆరోగ్యంగా పెరిగేలా దోహదపడుతుంది.
అధ్యయనాల ప్రకారం, సెలెరీ రక్తపోటు స్థాయిలను తగ్గించడానికి సహాయపడుతుంది. సెలెరీ హృదయ సంబంధ వ్యాధులకు దారితీసే కొలెస్ట్రాల్, ట్రైగ్లిజరైడ్ స్థాయిలను తగ్గించడంలో సహాయపడుతుంది. ఇది గుండె ఆరోగ్యాన్ని కాపాడుతుంది. దీనిలో తక్కువ కేలరీలు ఉండటంతో బరువు తగ్గాలనుకునేవారికి మంచి ఆప్షన్గా చెప్పవచ్చు. సెలరీలో ఫైబర్ పుష్కలంగా ఉంటుంది. ఇది ఆకలిని తగ్గిస్తుంది. ఇందులో క్యాన్సర్ కణాలతో పోరాడే లక్షణాలు ఉన్నాయి. ఈ జ్యూస్ తరచూ తాగితే.. క్యాన్సర్ ముప్పును దూరం చేస్తుంది.
మీరు ఈ ఆకుకూరను నేరుగా నమిలి తినొచ్చు. లేదంటే జ్యూస్గా కూగా చేసుకుని తీసుకోవచ్చు. అంతే కాదు, దీంతో మీరు రోటీ, పరాటా పిండిలో కూడా కలుపుకుని తీసుకొవచ్చు. దీనిని పప్పులో కూడా వేసుకుని వండుకోవచ్చు. అయితే దీనిని తగిన మోతాదులో మాత్రమే తీసుకోవాలి. అధికంగా తీసుకుంటే హాని కలుగుంది. గర్భిణిలు దీనిని ఉపయోగించాలనుకుంటే వైద్యులను సంప్రదించిన తరువాతే తినాలని నిపుణులు సూచిస్తున్నారు.