గుండె ఆరోగ్యంగా ఉండాలంటే తప్పక తినాల్సిన ఫ్రూట్స్ ఇవే!
పండ్లు ఆరోగ్యానికి చాలా మంచిది. అందుకే ప్రతి ఒక్కరూ కనీసం రోజుకు ఒక్క పండైనా తినాలని చెబుతుంటారు. ముఖ్యంగా ఈ రోజుల్లో గుండె సమస్యలు అనేవి ఎక్కువైపోతున్నాయి. తీసుకుంటున్న ఆహారం జీవనశైలి కారణంగా చాలా మంది అనారోగ్యం సమస్య బారినపడి సతమతం అవుతున్నారు. అలాంటి వారి కోసమే ఈ న్యూస్. ప్రతి రోజూ ఈ పండ్లు తీసుకుంటే గుండె ఆరోగ్యం మెరుగుపడుతుందంట. కాగా, హార్ట్ హెల్త్ కోసం ఎలాంటి పండ్లు తీసుకోవాలో చూద్దాం.
యాపిల్ : రోజుకు ఒక యాపిల్ పండు తింటే వైద్యుడే అవసరం లేదు అంటారు. ఎందుకంటే ఇందులో శరీరానికి కావాల్సిన ఫైబర్, విటమిన్స్, యాంటీ ఆక్సిడెంట్స్ పుష్కలంగా ఉంటాయి. అందువలన ఇవి శరీరంలోని చెడు కొలెస్ట్రాల్ను తగ్గించి, గుండె సమస్యలు రాకుండా చేస్తుంది.
ద్రాక్ష : ద్రాక్ష పండ్లు ఆరోగ్యానికి చాలా మేలు చేస్తాయి. వీటిని ప్రతి రోజూ తీసుకోవడం వలన ఇది రక్తం గడ్డకట్టడాన్ని నిరోధించి, చెడు కొలెస్ట్రాల్ను తగ్గిస్తుందంట. అంతే కాకుండా గుండె ఆరోగ్యానికి ఇవి చాలా మంచివని చెబుతున్నారు నిపుణులు.
దానిమ్మ : దానిమ్మ పండులో పాలీఫెనాల్స్, యాంటీ ఆక్సిడెంట్స్ పుష్కలంగా ఉంటాయి. అందువలన ఇవి రక్త ప్రవాహాన్ని మెరుగు పరిచి, గుండెకు చాలా మేలు చేస్తాయి.
అరటి పండ్లు : అరటిపండ్లలు శరీరానికి తక్షణ శక్తిని అందిస్తాయి. ఇందులో పొటాషియం పుష్కలంగా ఉంటుంది. అందువలన ఇవి రక్తపోటును నియంత్రించి, గుండె ఆరోగ్యాన్ని కాపాడుతాయి.
బెర్రీస్ : బెర్రీస్ తినడం వలన చాలా ఆరోగ్య ప్రయోజనాలు ఉన్నాయంట. ఇందులో యాంటీ ఆక్సిడెంట్స్ పుష్కలంగా ఉంటాయి. అందువలన వీటిని ప్రతి రోజూ తినడం వలన గుండె జబ్బుల ప్రమాదం తగ్గుతుందని చెబుతున్నారు ఆరోగ్య నిపుణులు.