ఆరోగ్యంగా, అందంగా ఉండాలంటే.. సరైన ఆహారం తీసుకుంటూ ఉండాలి. అందుకు తగ్గట్టుగా ప్లాన్ చేసుకుంటూ ఉండాలి. మీరు తీసుకునే ఆహారం కూడా ఎలాంటిదో చూసుకోవాలి. అప్పుడే మీకు ప్రయోజనాలు ఉంటాయి. కేవలం శరీరం పైనే కాకుండా లోపల నుంచి కూడా క్లీన్ చేసుకుంటూ ఉండాలి.
చాలా మందికి ఉదయం లేవగానే కాఫీ, టీలు తాగే అలవాటు ఉంటుంది. కానీ వాటికి బదులు మంచి నీళ్లు, బాడీని క్లీన్ చేసే డ్రింక్స్ తాగడం వల్ల ఎంతో మంచిది. శరీరంలో లోపల ఉన్న మలిన పదార్థాలు, విష పదార్థాలు బయటకు వస్తాయి.
ఈ డ్రింక్స్లో రోగ నిరోధక శక్తిని పెంచే పోషకాలు, యాంటీ ఆక్సిడెంట్లు ఉంటాయి. ఇవి ఇమ్యూనిటీ వ్యవస్థను బలంగా మార్చుతాయి. అంతే కాకుండా మెటబాలిజాన్ని పెంచి అధిక బరువు, ఊబకాయాన్ని తగ్గిస్తాయి. మరి ఆ హెల్త్ డ్రింక్స్ ఏంటో ఇప్పుడు చూద్దాం.
తేనె - నిమ్మరసం, గ్రీన్ టీ, దాల్చిన చెక్క వాటర్, మెంతుల నీరు, కొత్తిమీర రసం, జీరా వాటర్, ధనియాల వాటర్, ఏబీసీ జ్యూస్ వీటిల్లో ఏదో ఒకటి ఉదయం పరగడుపున తాగినా మంచి ఫలితాలు ఉంటాయి.
ముఖ్యంగా ఏబీసీ జ్యూస్ తాగడం వల్ల బాడీకి కావాల్సిన పోషకాలు అన్నీ అందుతాయి. చర్మం, జుట్టు ఎంతో ఆరోగ్యంగా ఉంటాయి. బీపీ, షుగర్, గుండె జబ్బులు రాకుండా ఉంటాయి.