Smart Phones: ప్రేమికుల రోజు ప్రియమైన వారికి ఇచ్చే బెస్ట్‌ బహుమతి ఇదే.. గంటల కొద్దీ మాట్లాడేసుకోవచ్చు మరి..!
వాలెంటైన్స్ డే తమ ప్రేమ వ్యక్తపరిచేందుకు చాలా మంది గుర్తుగా బహుమతి ఇవ్వడం పరిపాటి. ఈ నేపథ్యంలో తమ ప్రియమైన వారితో చాలా సేవపు మాట్లాడడానికి వారికి స్మార్ట్‌ఫోన్ మంచి ఎంపికగా ఉంటుంది. ఆధునిక స్మార్ట్‌ఫోన్‌లు సాధారణంగా మంచి కెమెరాతో వస్తాయి. అలాగే సెల్ఫీ కెమెరా కూడా శక్తివంతమైన చిత్రాలను అందించడానికి తగినంతగా ఉండాలి. ఎమోఎల్‌ఈడీ డిస్‌ప్లేతో పాటు అధిక రిఫ్రెష్ రేట్ డిస్ప్లే కూడా మొబైల్‌ కొనుగోలు చేసే ముందు చూసుకోవాలి. ఈ నేపథ్యంలో వాలెంటైన్స్ డేకు బహుమతిగా అందించే మంచి ఫోన్ల గురించి ఓ సారి తెలుసుకుందాం.
లావా స్టార్మ్ 5జీ స్మార్ట్‌ఫోన్ ఘన పనితీరు కోసం శక్తివంతమైన 2.4 జీహెచ్‌జెడ్‌ ఆక్టా కోర్ మీడియాటెక్ డైమెన్సిటీ 6080 ప్రాసెసర్‌ను కలిగి ఉంది. దీని 6.78 అంగుళాల ఫుల్‌ హెచ్‌డీ ప్లస్‌ డిస్ప్లే, 120 హెచ్‌జెడ్‌రిఫ్రెష్ రేట్‌తో శక్తివంతమైన వీక్షణ అనుభవాన్ని అందిస్తుంది. ఆకట్టుకునే ఫోటోగ్రఫీ కోసం పరికరం 50ఎంపీ+8 ఎంపీ అల్ట్రావైడ్ డ్యూయల్ కెమెరా సెటప్‌ను కలిగి ఉంది. ఈఐఎస్‌తో 2కే వీడియో రికార్డింగ్‌కు మద్దతు ఇస్తుంది. 8 జీబీ + 128 జీబీ ర్యామ్‌తో ఇది మృదువైన మల్టీ టాస్కింగ్ విధులను నిర్వర్తిస్తుంది. 33 ఫాస్ట్ ఛార్జింగ్‌తో కూడిన 5000 ఎంఏహెచ్‌ బ్యాటరీ ఈ ఫోన్‌ ప్రత్యేకత.
ఆర్కిటిక్ వైట్‌లోని రెడ్‌మి నోట్ 13 5 జీ సొగసైన 7.6 ఎంఎం ప్రొఫైల్‌ను కలిగి ఉంది. ఇది మీడియాటెక్ డైమెన్సిటీ 6080 5జీ ప్రాసెసర్‌తో వేగంగా పనితీరును అందిస్తుంది. దీని 6.67 ఫుల్‌ హెచ్‌డీ ప్లస్‌ పోలెడ్ డిస్ప్లే అల్ట్రా-నారో బెజెల్స్‌తో 120 హెచ్‌జెడ్‌రిఫ్రెష్ రేట్, 1000నిట్స్ పీక్ బ్రైట్‌నెస్‌తో అబ్బురపరుస్తుంది. 108 ఎంపీ ఏఐ ట్రిపుల్ కెమెరాతో ఈ ఫోన్‌ అందరినీ ఆకర్షిస్తుంది. 5000 ఎంఏహెచ్‌ బ్యాటరీ ఈ ఫోన్‌ను రోజంతా ఆన్‌లో ఉండేలా చేస్తుంది.
సామ్‌సంగ్‌ గెలాక్సీ ఎం 34 5జీ ఫోన్‌ 6.5 అంగుళాల ఎమోఎల్‌ఈడీ డిస్‌ప్లేతో అందరినీ ఆకట్టుకుంటుంది. 50 ఎంపీ ట్రిపుల్ నో షేక్ కెమెరాతో పాటు శక్తివంతమైన 6000 ఎంఏహెచ్‌ బ్యాటరీ ఈ ఫోన్‌ ప్రత్యేకతలుగా ఉన్నాయి. ఆండ్రాయిడ్ 13 ద్వారా పని చేసే ఈ ఫోన్‌లో 50 ఎంపీ +8 ఎంపీ +2 ఎంపీ ట్రిపుల్ కెమెరా సెటప్, 13 ఎంపీ ఫ్రంట్ కెమెరా ఆకట్టుకుంటాయి. అలాగే సామ్‌సంగ్‌కు మాత్రమే ప్రత్యేకమై ఎక్సినోస్‌ 1280 ఆక్టా-కోర్ ప్రాసెసర్‌తో ఈ ఫోన్‌ వినియోగదారుడికి మంచి అనుభవాన్ని అందిస్తుంది.
వన్‌ప్లస్‌ నార్డ్‌ సీఈ2 లైట్‌ 5జీ బ్లాక్ డస్క్‌లో, స్మూత్ 120 హెచ్‌జెడ్‌రిఫ్రెష్ రేట్‌తో 6.59 అంగుళాల డిస్‌ప్లేను కలిగి ఉంది. దీని 64 ఎంపీ ప్రధాన కెమెరా, ఏఐ మెరుగుదలలతో పాటు, డ్యూయల్-వ్యూ వీడియో మరియు నైట్ పోర్ట్రెయిట్‌తో సహా వివిధ మోడ్‌లకు మద్దతు ఇస్తుంది. 16 ఎంపీ ఫ్రంట్ కెమెరాతో మంచి సెల్ఫీలు తీసుకోవచ్చు. స్నాప్‌డ్రాగన్‌ 695 5జీ ప్రాసెసర్‌తో పని చేస్తుంది. ఆండ్రాయిడ్ 12 ఆధారంగా ఆక్సిజన్ ఓఎస్‌ నడుస్తుంది. 6 జీబీ + 128 జీబీ వెర్షన్‌లో ఉంటుంది. 33 వాట్స్‌ ఫాస్ట్ చార్జింగ్‌ సపోర్ట్‌తో 5000 ఎంఏహెచ్‌ బ్యాటరీతో వస్తుంది.
రెడ్‌మీ 13 సీ స్మార్ట్‌ఫోన్ 1జీహెచ్‌జెడ్‌ జీపీయూతో మెరుగైన గేమింగ్ కోసం శక్తివంతమైన మీడియా టెక్‌ ప్రాసెసర్‌తో పని చేస్తుంది. 8 జీబీ + 256 జీబీ వేరియంట్‌లో అందుబాటులో ఉండే ఈ ఫోన్‌ మల్టీ టాస్కింగ్‌ని నిర్ధారిస్తుంది. కార్నింగ్ గొరిల్లా గ్లాస్ 3 ద్వారా 6.74 అంగుళాల హెచ్‌డీ ప్లస్‌ 90 హెచ్‌జెడ్‌ డిస్ప్లే, శక్తివంతమైన విజువల్స్‌ను అందిస్తుంది.50 ఎంపీ ఏఐ ట్రిపుల్ కెమెరా ఈ ఫోన్‌ ప్రత్యేకతలుగా ఉన్నాయి. అలాగే సైడ్ ఫింగర్‌ప్రింట్, బలమైన 5000 ఎంఏహెచ్‌ బ్యాటరీతో ఈ ఫోన్‌ అందరనీ ఆకర్షిస్తుంది.