Realme Narzo N65: రూ. 10వేలలో 50 ఎంపీ కెమెరా.. రియల్మీ నుంచి కొత్త ఫోన్
చైనాకు చెందిన ప్రముఖ స్మార్ట్ఫోన్ కంపెనీలు వరుసగా భారత మార్కెట్లోకి కొంగొత్త ఫోన్లను తీసుకొస్తున్నాయి. ఇప్పటికే పలు కంపెనీలు బడ్జెట్ ఫోన్లను తీసుకొచ్చాయి. ఈ క్రమంలోనే తాజాగా మరో స్మార్ట్ఫోన్ దిగ్గజం రియల్మీ కొత్త ఫోన్ను తీసుకొస్తోంది. రియ్మీ నార్జో ఎన్65 5జీ ఫోన్ను లాంచ్ చేస్తోంది. ఇంతకీ ఫోన్లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్ దిగ్గజం రియల్మీ భారత మార్కెట్లోకి కొత్త ఫోన్ను లాంచ్ చేస్తోంది. రియల్మీ నార్జో ఎన్65 పేరుతో వచ్చే వారం కొత్త ఫోన్ను తీసుకొస్తోంది. తక్కువ బడ్జెట్లో మంచి ఫీచర్లతో ఈ ఫోన్ను తీసుకొస్తున్నారు.
రియల్మీ నార్జో ఎన్65 స్మార్ట్ ఫోన్ను ఈ నెల 28వ తేదీన మధ్యాహ్నం 12 గంటలకు మార్కెట్లోకి తీసుకొస్తున్నారు. ఈ స్మార్ట్ ఫోన్ ఫీచర్ల విషయానికొస్తే ఇందులో మీడియాటెక్ డైమెన్సిటీ 6300 5జీ చిప్ సెట్ ప్రాసెసర్ను అందించారు.
ఇక ఐపీ 54 రేటింగ్ ఫర్ డస్ట్ అండ్ స్ల్పాష్ రెసిస్టెన్స్, రెయిన్ వాటర్ స్మార్ట్ టచ్ ఫీచర్లను ఈ ఫోన్లో ప్రత్యేకంగా అందించారు. ప్రముఖ ఈ కామర్స్ సంస్థ అమెజాన్లో అమ్మకానికి రానున్నాయి.
ధర విషయానికొస్తే 4జీబీ ర్యామ్ విత్ 64 జీబీ స్టోరేజీ వేరియంట్ రూ.10,499గా ఉండనుంది. అలాగే ఈ ఫోన్లో 6.67 ఇంచెస్తో కూడిన ఫుల్ హెచ్డీ+ డిస్ప్లేను అందించారు. అలాగే బ్యాక్ ప్యానెల్ మీద లార్జ్ సర్క్యూలర్ కెమెరా యూనిట్ను అందించారు.
కెమెరా విషయానికొస్తే ఈ స్మార్ట్ ఫోన్లో 50 మెగాపిక్సెల్స్తో కూడిన రెయిర్ కెమెరాను అందించారు. అలాగే సెల్ఫీలు, వీడియో కాల్స్ కోసం 8 మెగాపిక్సెల్స్తో కూడిన ఫ్రంట్ కెమెరాను అందించారు. 15 వాట్స్ వైర్డ్ ఛార్జింగ్కు సపోర్ట్ చేసే 5000 ఎంఏహెచ్ బ్యాటరీని అందించారు.