Yearly Horoscope 2024: 12 రాశుల వారికి కొత్త సంవత్సరం ఎలా ఉండబోతుంది..?
2024 సంవత్సర ఫలాలు (జనవరి 1, 2024 నుంచి డిసెంబర్ 31, 2024 వరకు): మేష రాశి వారికి ఈ ఏడాదంతా గురువు, శనీశ్వరుడు అనుకూల సంచారం చేస్తున్నందువల్ల తప్పకుండా అనేక అంశాలలో సానుకూలతలు పెరుగుతాయి. ఏ ప్రయత్నం తలపెట్టినా విజయవంతం అవుతుంది. వృషభ రాశి వారికి ప్రస్తుతం వ్యయ స్థానంలో గురు సంచారం వల్ల ముఖ్యమైన ఆర్థిక ప్రయత్నాలు, అదనపు ఆదాయ ప్రయత్నాలు ఆశించినంతగా సత్ఫలితాలు ఇచ్చే అవకాశం ఉండదు కానీ, ఏప్రిల్ తర్వాత మాత్రం దాదాపు ప్రతి ప్రయత్నమూ ఆశించిన ఫలితం ఇవ్వడం జరుగుతుంది. మేష రాశి మొదలు మీన రాశి వరకు 12 రాశుల వారికి ఈ సంవత్సర ఫలాలు ఇలా ఉన్నాయి.
మేషం (అశ్విని, భరణి, కృత్తిక 1): ఈ ఏడాదంతా గురువు, శనీశ్వరుడు అనుకూల సంచారం చేస్తున్నందువల్ల తప్పకుండా అనేక అంశాలలో సానుకూలతలు పెరుగుతాయి. ఏ ప్రయత్నం తలపెట్టినా విజయవంతం అవుతుంది. అనుకున్న పనులు అనుకున్నట్టు పూర్తవుతాయి. వృత్తి, ఉద్యోగ, వ్యాపారాలపరంగా ఆదాయ వృద్ధితో పాటు, ప్రాధాన్యం, ప్రాభవం కూడా బాగా పెరుగుతాయి. ఉద్యోగంలో అధికారం చేపట్టే సూచనలున్నాయి. డాక్టర్లు, లాయర్లు వంటి వృత్తుల వారికి ఏమాత్రం తీరిక ఉండని పరిస్థితి ఏర్పడుతుంది. ప్రధాన గ్రహాలైన గురు, శని గ్రహాల శుభ సంచారం వల్ల ముఖ్యమైన ప్రయత్నాలు, ముఖ్యమైన వ్యవహారాలు ఎటువంటి ఇబ్బందులూ లేకుండా నెరవేరి, ఆశించిన ఫలితాలను ఇస్తాయి. కొత్త కార్యక్రమాలు, కొత్త ప్రాజెక్టులు విజయవంతంగా పూర్తవుతాయి. ఆదాయానికి, ఆరోగ్యానికి ఎటువంటి సమస్యా ఉండకపోవచ్చు. ఏడాదంతా శుక్రుడి అనుకూల సంచారం వల్ల వృత్తి, ఉద్యోగాలు సాఫీగా సాగిపోతాయి. గౌరవమర్యాదలు పెరుగుతాయి. రాజకీయంగా, సామాజి కంగా ఉన్నత స్థానాల్లో ఉన్న వ్యక్తులతో సన్నిహిత పరిచయాలు ఏర్పడతాయి. ముఖ్యంగా ఏప్రిల్ 30న గురువు ధన స్థానంలో సంచారం ప్రారంభిస్తున్నందువల్ల మే నెల నుంచి ఈ జాతకుల జీవితంలో కీలకమైన ఘట్టాలు, శుభ పరిణామాలు చోటు చేసుకుంటాయి. విద్యార్థులు చదువుల్లోనూ, పోటీ పరీక్షల్లోనూ సునాయాసంగా విజయాలు సాధిస్తారు. దాంపత్య జీవితం సుఖమయంగా సాగిపోతుంది. ప్రేమ వ్యవహారాలు చాలావరకు హ్యాపీగా, సాఫీగా సాగిపోతాయి.
1 / 12
వృషభం (కృత్తిక 2,3,4, రోహిణి, మృగశిర 1,2): ప్రస్తుతం వ్యయ స్థానంలో గురు సంచారం వల్ల ముఖ్యమైన ఆర్థిక ప్రయత్నాలు, అదనపు ఆదాయ ప్రయత్నాలు ఆశించినంతగా సత్ఫలితాలు ఇచ్చే అవకాశం ఉండదు కానీ, ఏప్రిల్ తర్వాత మాత్రం దాదాపు ప్రతి ప్రయత్నమూ ఆశించిన ఫలితం ఇవ్వడం జరుగుతుంది. దశమంలో శనీశ్వరుడు, లాభస్థానంలో రాహువు సంచారం వల్ల వృత్తి, ఉద్యోగాల్లో ప్రతిభా పాటవాలు వెలుగులోకి రావడం, సర్వత్రా మంచి గుర్తింపు రావడం, వ్యాపారాల్లో లాభాలు నిల కడగా ముందుకు సాగడం వంటివి చోటు చేసుకుంటాయి. అనుకోకుండా కొన్ని శుభ పరిణా మాలు సంభవిస్తాయి. విదేశీ సంబంధమైన ఉద్యోగాలకు, చదువులకు అవకాశం ఉంది. ఆకస్మిక ధన లాభ సూచనలున్నాయి. ఆదాయానికి సంబంధించి ఎటువంటి ప్రయత్నమైనా చాలావరకు సఫలం అవుతుంది. తీర్థయాత్రలు, విహార యాత్రలకు కూడా అవకాశం ఉంది. ఆస్తి వ్యవహారాలు చక్కబడతాయి. తండ్రి వైపు నుంచి ఆస్తి కలిసి వస్తుంది. కొన్ని శుభవార్తలు వినే అవకాశం ఉంది. బంధువుల ఆరోగ్యానికి, ఆయుర్దాయానికి సంబంధించి ఒకటి రెండు దుర్వార్తలు వినడం కూడా జరుగుతుంది. ముఖ్యమైన వ్యవహారాల్లో ఆటంకాలు ఏర్పడతాయి. స్వల్ప అనా రోగ్యాలకు అవకాశం ఉంది. ప్రయాణాల్లో ఇబ్బందులుంటాయి. తోబుట్టువులతో ఆస్తి వివాదం పరి ష్కారం అవుతుంది. విద్యార్థులు కొద్ది ప్రయత్నంతో ఉత్తమ ఫలితాలు పొందుతారు. ప్రేమ వ్యవ హారాలు చాలావరకు సంతృప్తికరంగా సాగిపోతాయి. దాంపత్య జీవితం కొత్త పుంతలు తొక్కుతుంది.
2 / 12
మిథునం (మృగశిర 3,4, ఆర్ద్ర, పునర్వసు 1,2,3): దశమంలో రాహువు, భాగ్య స్థానంలో భాగ్యాధిపతి శనీశ్వరుడు అనుకూలంగా ఉన్నప్పటికీ, ఏప్రిల్ 30 తర్వాత నుంచి గురువు వ్యయస్థానంలోకి ప్రవేశించడం వల్ల అనుకోని ఆర్థిక సమస్యలు తలెత్తే అవకాశం ఉంటుంది. ఏప్రిల్ 30 వరకు గురువు పూర్తి స్థాయిలో అనుకూలంగా ఉన్నందువల్ల ఈ రాశివారికి అన్ని విధాలుగానూ కలిసి వస్తుంది. ఏ రంగానికి చెందినవారికైనా శుభ ఫలితాలు అనుభవానికి వస్తాయి. ముఖ్యమైన ప్రయత్నాలు విజయవంతం అవుతాయి. వీరి ఆలోచనలకు, నిర్ణయాలకు విలువ ఉంటుంది. వృత్తి, ఉద్యోగాల్లోనే కాక, బంధుమిత్రులు కూడా వీరి సలహాలు, సూచనల వల్ల లబ్ధి పొందుతారు. ప్రముఖ వ్యక్తులతో పరిచయాలు విస్తరిస్తాయి. ఆదాయానికి, ఆరోగ్యానికి లోటు ఉండదు. బంధువుల నుంచే కాక, స్నేహితుల నుంచి కూడా సహాయ సహకారాలు లభిస్తాయి. దశమ, భాగ్య స్థానాలు శుభప్రదంగా ఉన్నందు వల్ల ఏడాదంతా ఈ రాశివారి అభివృద్ధికి అవకాశాలు కలిసి వస్తూనే ఉంటాయి. వృత్తి, ఉద్యోగాల్లో అందలాలు ఎక్కడానికి, వ్యాపారాల్లో లాభాలు గడించడానికి అవకాశం ఉంది. జీవిత భాగస్వామికి, తండ్రికి కూడా అదృష్టం పట్టే సూచనలున్నాయి. వృత్తి, ఉద్యోగ, వ్యాపారాల పరంగా తప్పకుండా శుభవార్తలు వింటారు. ఉద్యోగ సంబంధమైన ఎటువంటి ప్రయత్నమైనా సఫలం అవుతుంది. అనుకోకుండా బంధువర్గంలో పెళ్లి సంబంధం కుదిరే అవకాశం ఉంది. విద్యార్థులకు సమయం అనుకూలంగా ఉంది. దాంపత్య జీవితం సుఖప్రదంగా సాగిపోతుంది. ప్రేమ వ్యవహారాల్లో దూకుడు పెరుగుతుంది.
3 / 12
కర్కాటకం (పునర్వసు 4, పుష్యమి, ఆశ్లేష): ప్రస్తుతానికి అష్టమ శని ప్రభావం ఎక్కువగానే ఉంటుంది. అయితే, ఏప్రిల్ 30న గురువు లాభ స్థానంలో ప్రవేశించిన దగ్గర నుంచి అష్టమ శని ప్రభావం చాలావరకు తగ్గిపోతుంది. ఏడాదంతా దాదాపు అనుకూలంగానే సాగిపోతుందని చెప్పవచ్చు. ప్రస్తుతం దశమ స్థానంలో ఉన్న గురువు వృత్తి, ఉద్యోగాలపరంగా అప్పుడప్పుడు సమస్యలు, ఇబ్బందులు సృష్టించే అవకాశం ఉంది. అయితే, ఏడాదంతా కుజ, శుక్రులు అనుకూలంగా ఉన్నందువల్ల ఆర్థిక స్థిరత్వం కలుగుతుంది. మాటకు, చేతకు విలువ పెరుగుతుంది. వీరి సలహాల వల్ల బంధుమిత్రులు ప్రయోజనం పొందు తారు. భాగ్య స్థానంలో సంచరిస్తున్న రాహువు కారణంగా, చదువులు, ఉద్యోగాల విషయంలో విదేశీ అవకాశాలు మీ ముందుకు వస్తాయి. గృహ, వాహన సౌకర్యాల మీద దృష్టి పెడతారు. తల్లి ఆరోగ్యం మెరుగుపడుతుంది. అష్టమంలో శనీశ్వరుడి సంచారం కారణంగా మధ్య మధ్య స్వల్ప అనారోగ్యాలకు గురి కావడం జరుగుతుంది. గురువు లాభస్థానంలో ప్రవేశించిన దగ్గర నుంచి వృత్తి, ఉద్యోగ, వ్యాపారాల పరంగా అదృష్టం కలిసి వస్తుంది. ఆశించిన పురోగతి చోటు చేసు కుంటుంది. భాగ్య స్థానంలో ఉన్న రాహువు కారణంగా ఆదాయం బాగానే ఉన్నప్పటికీ, డబ్బు వృథా కావడం, ఖర్చులు పెరగడం, ఇతరుల కోసం అప్పులు చేయడం వంటివి జరుగుతాయి. వైవాహిక జీవితంలో తరచూ అపార్థాలు చోటు చేసుకునే సూచనలున్నాయి. ఉద్యోగ, పెళ్లి ప్రయత్నాలకు సానుకూల స్పందన లభిస్తుంది. ప్రేమ వ్యవహారాలు మందకొడిగా సాగుతాయి.
4 / 12
సింహం (మఖ, పుబ్బ, ఉత్తర 1): ఈ ఏడాది ఏప్రిల్ 30 వరకు ఈ జాతకులకు పట్టపగ్గాలుండవు. ఆ తర్వాత నుంచి ఏడాదంతా చిన్నా చితకా ఆర్థిక సమస్యలు, ఉద్యోగ సమస్యలు ఉంటూనే ఉంటాయి. మొత్తం మీద ఈ రాశివారికి గ్రహ సంచారం ఏమంత అనుకూలంగా లేదు. వృత్తి, ఉద్యోగాల్లో పనిభారం పెరుగు తుంది. వ్యాపారాలు నిలకడగా సాగిపోతాయి. అదనపు బాధ్యతల వల్ల విశ్రాంతి కరువవుతుంది. ఆదాయం బాగానే ఉంటుంది కానీ, వృథా ఖర్చులు ఇబ్బంది పెడతాయి. ఇతరులకు ఇచ్చిన డబ్బు సకాలంలో చేతికి అందక పోవచ్చు. ఆరోగ్యం మీద శ్రద్ధ పెట్టాల్సిన అవసరం ఉంటుంది. ప్రయాణాల వల్ల నష్టపోవడం జరుగుతుంది. సప్తమ స్థానంలో సంచారం చేస్తున్న శనీశ్వరుడి కార ణంగా ఆలస్యంగానైనా వృత్తి, ఉద్యోగాల్లో పురోగతి ఉంటుంది. ఒకటి రెండు శుభపరిణామాలు కూడా చోటు చేసుకుంటాయి. జీవిత భాగస్వామి వైపు నుంచి శుభవార్తలు వింటారు. ఆస్తి వివాదం ఒకటి తండ్రి జోక్యంతో అనుకూలంగా పరిష్కారం అవుతుంది. అధికారులు ప్రత్యక్షంగా కంటే పరోక్షంగా ఎక్కువ సహాయం చేస్తారు. వ్యాపారంలో భాగస్వాములతో వివాదాలు సమసి పోతాయి. ఒకటి రెండు వ్యక్తిగత సమస్యలు పరిష్కారమవుతాయి. పిల్లల నుంచి శుభవార్తలు వింటారు. రాజకీయ వర్గాలకు సమయం చాలావరకు అనుకూలంగా ఉంది. మంచి పరిచయాలు ఏర్పడతాయి. విద్యార్థులు శ్రమపడాల్సి వస్తుంది. దాంపత్య జీవితం సజావుగా సాగిపోతుంది. ఉద్యోగ, పెళ్లి సంబంధాలు సానుకూలపడతాయి. ప్రేమ వ్యవహారాల్లో కొద్దిపాటి ఇబ్బందులు తప్పకపోవచ్చు.
5 / 12
కన్య (ఉత్తర 2,3,4, హస్త, చిత్త 1,2): ఆరవ స్థానంలో శనీశ్వరుడు, ఏప్రిల్ తర్వాత నుంచి భాగ్య స్థానంలో గురువు కారణంగా ఈ ఏడాదంతా దాదాపు సంతృప్తికరంగా, సానుకూలంగా సాగిపోతుంది. ఏప్రిల్ తర్వాత నుంచి జీవితంలో అనేక శుభ పరిణామాలు చోటు చేసుకుంటాయి. ఆర్థిక పరిస్థితి గణనీయంగా మెరుగుపడుతుంది. ప్రతిభా పాటవాలు వెలుగులోకి వస్తాయి. వృత్తి, ఉద్యోగాల్లో అందలాలు ఎక్కడం జరుగుతుంది. ఈ రాశివారికి గురువు అనుగ్రహం బాగా అనుభవానికి వస్తుంది. ఆర్థిక సమస్యలు, ఆరోగ్య సమస్యలు బాగా తగ్గుముఖం పడతాయి. సమాజంలో గౌరవమర్యాదలు పెరుగుతాయి. ఉద్యోగ స్థిరత్వం, ఆర్థిక స్థిరత్వం లభిస్తాయి. అయితే, సప్తమంలో రాహువు సంచారం వల్ల శుభ కార్యాల మీదా, దైవ కార్యాల మీదా ఖర్చులు పెరుగుతాయి. బుధ, శుక్రులు అనుకూలంగా సంచారం చేస్తున్నందువల్ల మీ మాటకు, చేతకు విలువను పెరుగుతుంది. మీ సలహాలు, సూచనలు, ఆలోచనలు వృత్తి, ఉద్యోగ, వ్యాపారాల్లో ఆశించిన ప్రయోజనం కలిగిస్తాయి. వృత్తి, ఉద్యోగాల్లోనే కాకుండా బంధుమిత్రుల్లో కూడా ఆదరణ పెరుగుతుంది. సప్తమ రాహువుల వల్ల సంసార జీవితంలో కొద్దిగా అపార్థాలు చోటు చేసుకునే సూచనలున్నాయి. ముఖ్యమైన కుటుంబ వ్యవహారాల్లో జీవిత భాగస్వామి సలహాలకు, అభిప్రాయాలకు విలువ నివ్వడం మంచిది. విదేశాల్లో స్థిరపడిన పిల్లల నుంచి శుభవార్తలు వింటారు. సంతానం లేని వారికి సంతాన యోగం ఉంది. విద్యార్థులు చదువుల్లో బాగా రాణిస్తారు. ప్రేమ వ్యవహారాలు హ్యాపీగా సాగి పోతాయి.
6 / 12
తుల (చిత్త 3,4, స్వాతి, విశాఖ 1,2,3): ఏప్రిల్ వరకు గురువు బాగా అనుకూలంగా ఉన్నాడు. శని, రాహువులు కూడా ఏడాదంతా అనుకూలంగా ఉన్నందువల్ల ఈ ఏడాది చాలావరకు జీవితం సానుకూలంగానే గడిచిపోతుంది. ఏప్రిల్ తర్వాత నుంచి గురువు అష్టమ స్థానంలో ప్రవేశిస్తున్నందువల్ల ఆర్థికంగా కొన్ని ప్రతికూల పరిస్థితులు ఎదురయ్యే అవకాశం ఉంది. మొత్తం మీద ఈ ఏడాది ముఖ్యమైన ప్రయత్నాలు, వ్యవహారాలు చాలావరకు సంతృప్తికరంగా పూర్వవుతాయి. రాహు, శని, బుధ, శుక్ర గ్రహాలు పూర్తి స్థాయిలో అనుకూలంగా ఉన్నందువల్ల వ్యక్తిగత, కుటుంబ సమస్యలు కొద్ది ప్రయత్నంతో పరిష్కారం కావడం, మనసులోని కోరికల్లో ఒకటి రెండు నెరవేరడం వంటివి జరుగుతాయి. వృత్తి, ఉద్యోగాల్లో ప్రాధాన్యం, ప్రాభవం పెరుగుతాయి. మరింత మంచి ఉద్యోగంలోకి మారే అవకాశం కూడా ఉంది. నిరుద్యోగులకు సమయం అనుకూలంగా ఉంది. ఈ ఏడాదంతా రాహువు ఆరవ స్థానంలో సంచారం చేస్తున్నందువల్ల ఉద్యోగ స్థిరత్వం లభిస్తుంది. శత్రు, రోగ, రుణ బాధల నుంచి చాలావరకు ఉపశమనం లభిస్తుంది. సొంత పనుల మీదా, కుటుంబ వ్యవహారాల మీదా శ్రద్ధ పెట్టడం మంచిది. వృత్తి, ఉద్యోగాల రీత్యా దూర ప్రయాణాలు చేసే అవకాశం ఉంది. వ్యాపారాలు లాభదాయకంగా ముందుకు సాగుతాయి. పిల్లలు వృద్ధిలోకి వస్తారు. దాంపత్య జీవితం చాలా వరకు అనుకూలంగానే సాగిపోతుంది. పెళ్లి ప్రయత్నాలు అనుకూల ఫలితాలనిస్తాయి. విద్యార్థులు కొద్ది ప్రయత్నంతో మంచి ఫలితాలు సాధిస్తారు. ప్రేమ వ్యవహారాలు ఉత్సాహంగా సాగిపోతాయి.
7 / 12
వృశ్చికం (విశాఖ 4, అనూరాధ, జ్యేష్ట): అర్ధాష్టమ శని, పంచమంలో రాహువు, ఆరవ స్థానంలో గురువు ఏప్రిల్ నెలాఖరు వరకు ప్రతికూల ఫలితాలను ఇచ్చే అవకాశం ఉంది. ఏప్రిల్ తర్వాత గురువు సప్తమ స్థానంలోకి ప్రవేశిస్తున్నందువల్ల అర్ధాష్టమ శని, పంచమంలో రాహువుల ప్రతికూల ఫలితాలు చాలావరకు తగ్గే అవకాశం ఉంది. ప్రతి వ్యవహారమూ సానుకూలపడుతుంది. ముఖ్యంగా కొద్ది ప్రయత్నంతో, కొద్ది శ్రమతో ప్రతి పనీ నెరవేరుతుంది. సమయం చాలావరకు అనుకూలంగా ఉంటుంది. ఏప్రిల్ నెలాఖరు వరకూ కొద్దిగా ఓర్పు, సహనాలతో వ్యవహరించడం మంచిది. ఆ తర్వాత ఎటువంటి ప్రయత్నమైనా శుభ ఫలితాలను ఇస్తుంది. కుటుంబంలో సుఖ సంతోషాలు వెల్లివిరుస్తాయి. జీవిత భాగస్వామితో అన్యోన్యత పెరుగుతుంది. మీ ఆలోచనలు, నిర్ణయాలు ఆశించిన విజయా లను ఇస్తాయి. అధికారుల నుంచి సానుకూల స్పందన లభిస్తుంది. వృత్తి, ఉద్యోగాల్లో ప్రోత్సాహ కాలు లభిస్తాయి. చతుర్థ స్థానంలో శనీశ్వరుడు సంచరిస్తున్నందువల్ల ఇంటా బయటా బరువు బాధ్యతలు బాగా పెరుగుతాయి. వృత్తి, వ్యాపారాల్లో కార్యకలాపాలు, లావాదేవీలు అధికమయ్యే అవకాశం ఉంది. శుక్ర గ్రహం అనుకూలంగా లేనందువల్ల అనవసర వ్యయానికి, అనవసర పరిచ యాలకు, వ్యసనాలకు అవకాశం ఉంది. ఎంత జాగ్రత్తగా ఉంటే అంత మంచిది. కుటుంబ జీవితం సాధారణంగా సాగిపోతుంది. దాంపత్య సంబంధమైన విషయాల్లో సర్దుకుపోవాల్సి వస్తుంది. విద్యార్థులు బాగా కష్టపడాల్సి వస్తుంది. ప్రేమ వ్యవహారాల్లో మధ్య మధ్య చికాకులు తలెత్తవచ్చు.
8 / 12
ధనుస్సు (మూల, పూర్వాషాఢ, ఉత్తరాషాఢ 1): ఏప్రిల్ నెలాఖరు వరకు ఈ రాశివారికి ఆడింది ఆట పాడింది పాట అన్నట్టుగా సాగిపోతుంది. ఆ తర్వాత నుంచి ఆర్థికంగా ఇబ్బందులు మొదలయ్యే అవకాశం ఉంది. ఆర్థిక విషయాల్లో ఇప్పటి నుంచే జాగ్రత్తలు పాటించడం చాలా మంచిది. తృతీయంలో శనీశ్వరుడి సంచారం కారణంగా ఈ ఏడాది కొన్ని ముఖ్యమైన ప్రయత్నాలు సఫలం అవుతాయి. ముఖ్యమైన వ్యవహారాలు, కార్య కలాపాలు, పెండింగ్ పనులు పూర్తి చేయడానికి ఇది వీలైన కాలం. వృత్తి, ఉద్యోగాల్లో ఆశించిన పురోగతి ఉంటుంది. కొద్ది ప్రయత్నంతో ఆదాయం పెరగడం, రావలసిన డబ్బు చేతికి అందడం వంటివి జరుగుతాయి. వ్యాపారాల్లో రాబడి అంచనాలకు మించి పెరుగుతుంది. రాశినాథుడైన గురువు షష్ట స్థానంలో ప్రవేశించడం వల్ల ఆస్తి వ్యవహారాలు చక్కబడడం, తల్లితండ్రులతో, తోబుట్టువులతో సాన్నిహిత్యం పెరగడం, ప్రయాణాలు లాభించడం వంటివి జరుగుతాయి. అయితే, కుటుంబ వ్యవహారాల్లో తప్పకుండా మానసిక ఒత్తిళ్లు ఉంటాయి. టెన్షన్లు పెరిగే అవకాశం ఉంది. కుటుంబ వ్యవహారాలను ముందుగా చక్కబెట్టడం మంచిది. సొంత పనులకు ప్రాధాన్యం ఇవ్వా ల్సిన అవసరం ఉంది. ఆరోగ్య సమస్యలు ఉండకపోవచ్చు. ఎవరికీ హామీలు ఉండవద్దు. దాంపత్య జీవితంలో కొద్దిపాటి ఒడిదుడుకులు తప్పకపోవచ్చు. విద్యార్థులు కొద్ది ప్రయత్నంతో ఆశించిన ఫలితాలను సాధిస్తారు. ఉద్యోగం మారడానికి చేసే ప్రయత్నాలు అనుకూలిస్తాయి. ప్రేమ వ్యవహారాలు రొటీన్ గా సాగిపోతాయి. ఉద్యోగ, పెళ్లి ప్రయత్నాలు సఫలం అయ్యే అవకాశం ఉంది.
9 / 12
మకరం (ఉత్తరాషాఢ 2,3,4, శ్రవణం, ధనిష్ట 1,2): ధన స్థానంలో ధనాధిపతి శనీశ్వరుడు, తృతీయ స్థానంలో రాహువు బాగా అనుకూలంగా ఉండడం వల్ల ఎటువంటి ఆర్థిక సమస్య అయినా దాదాపు వెనువెంటనే పరిష్కారం అవుతుంది. ఆదాయం స్థిరంగా ముందుకు వెడుతుంది. ఆదాయ ప్రయత్నాలు బాగా కలిసి వస్తాయి. మొత్తం మీద ఈ ఏడాదంతా ఆదాయానికి, ఆరోగ్యానికి లోటుండదు. ప్రస్తుతం నాలుగవ స్థానంలో సంచరిస్తున్న గురువు ఏప్రిల్ ఆఖరు వరకు వృత్తి, ఉద్యోగాల్లో ఒత్తిడి, సమస్యలు కలుగజేసే అవకాశం ఉంది. ఏప్రిల్ తర్వాత నుంచి వృత్తి, ఉద్యోగాలపరంగానే కాకుండా, కుటుంబ పరంగా కూడా జీవితంలో సానుకూలంగా పెను మార్పులు చోటు చేసుకుంటాయి. మొదటి నాలుగు నెలలు వృత్తి, ఉద్యోగాల్లో అదనపు బాధ్యతలు మీద పడే అవకాశం ఉంది. వ్యాపారాలు సజావుగా సాగి పోతాయి. సమాజంలో గౌరవ మర్యాదలు పెరుగుతాయి. రాజకీయ ప్రముఖులతో పరిచ యాలు విస్తరిస్తాయి. ఆదాయం నిలకడగా ఉంటుంది. కుటుంబ స్థానంలో శనీ శ్వరుడి సంచారం కారణంగా ఆర్థికంగా, కుటుంబపరంగా సానుకూలతలు చోటు చేసుకుంటాయి. కొత్త ఉద్యోగ ప్రయ త్నాలు సఫలం అవుతాయి. నిరుద్యోగులకు బాగా దూర ప్రాంతంలో ఉద్యోగం లభించే అవకాశం ఉంది. దీర్ఘకాలిక అనారోగ్యాల నుంచి కూడా చాలావరకు ఉపశమనం లభిస్తుంది. ఎంతో ఉత్సా హంగా ముఖ్యమైన వ్యవహారాలను పూర్తి చేస్తారు. దాంపత్య జీవితం ఉత్సాహంగా సాగిపోతుంది. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ప్రేమ వ్యవహారాల్లో దూసుకుపోతారు.
10 / 12
కుంభం (ధనిష్ట 3,4, శతభిషం, పూర్వాభాద్ర 1,2,3): ఏలిన్నాటి శనికి తోడు, ధన స్థానంలో రాహువు, తృతీయ స్థానంలో గురువు సంచారం చేస్తున్నందువల్ల ఏడాదంతా ఆర్థికంగా, వృత్తి, ఉద్యోగాలపరంగా కొద్దిపాటి ఒడిదుడుకులు తప్పకపోవచ్చు. ఏప్రిల్ 30 తర్వాత గురువు నాలుగవ స్థానంలో ప్రవేశించినప్పటికీ, పరిస్థితిలో పెద్దగా మార్పు ఉండకపోవచ్చు. అయితే, శుక్ర కుజ గ్రహాల అనుకూలత కారణంగా చెడు ఫలితాలు ఎక్కువగా అనుభవానికి రాకపోవచ్చు. ఈ ఏడాదంతా మిశ్రమ ఫలితాలతో సాగిపోతుంది. మధ్య మధ్య ఒకటి రెండు శుభ పరిణామాలు చోటు చేసుకుంటాయి. ఈ రాశిలో సంచారం చేస్తున్న రాశ్యధిపతి శనీశ్వరుడి వల్ల కొన్ని పనులు ఆలస్యమైనా చివరికి సంతృప్తికరంగా పూర్తవుతాయి. ఎటువంటి ప్రయత్నం అయినా కొద్ది ఆలస్యంగా అనుకూల ఫలితాలను ఇస్తుంది. ఉద్యోగంలో అధికారులు మీ మీద ఎక్కువగా ఆధారపడడం వల్ల పనిభారం, బరువు బాధ్యతలు బాగా పెరుగుతాయి. ఉద్యోగంలో పనిభారం పెరిగినప్పటికీ ఆశించిన ప్రతిఫలం ఉంటుంది. వృత్తి, వ్యాపారాలు నిలకడగా ముందుకు సాగుతాయి. ఒకటి రెండు సార్లు కొద్దిపాటి ధన యోగం పట్టడం, ఆర్థిక సమస్యలు పరిష్కారం కావడం జరుగుతుంది. విదేశాల నుంచి ఆశిం చిన సమాచారం అందుతుంది. ఒకటి రెండు శుభ వార్తలు వింటారు. ఆరోగ్యం సజావుగా సాగిపో తుంది. అనవసర ఖర్చులు, అనవసర పరిచయాలు పెరుగుతాయి. విద్యార్థులకు శ్రమ తప్పకపో వచ్చు. దాంపత్య జీవితం ఒక మోస్తరుగా సాగిపోతుంది. ప్రేమ వ్యవహారాలు నత్తనడక నడు స్తాయి.
11 / 12
మీనం (పూర్వాభాద్ర 4, ఉత్తరాభాద్ర, రేవతి): ఈ ఏడాది ఏప్రిల్ వరకు ద్వితీయ స్థానంలో సంచరిస్తున్న రాశ్యధిపతి గురువు కారణంగా ఏలిన్నాటి శని ప్రభావం, రాశిలో రాహువు సంచార ప్రభావం తగ్గి ఉంటాయి. ఏప్రిల్ తర్వాత నుంచి గురువు తృతీయ స్థానంలోకి రాశి మారుతున్నందువల్ల కొన్ని ఇబ్బందులు, సమస్యలు, ఒత్తిళ్లు తప్పకపోవచ్చు. ముఖ్యంగా ప్రయాణాల వల్ల సుఖం తగ్గుతుంది. వృత్తి, ఉద్యోగ, వ్యాపారాల రీత్యా ఎక్కువగా ప్రయాణాలు చేయాల్సి వస్తుంది. కొందరు మిత్రులు, ఇష్టమైన బంధువులు దూరమవు తారు. అనవసర పరిచయాలకు అవకాశం ఉంటుంది. ఖర్చులు పెరిగి రుణాలు చేయాల్సి వస్తుంది. బుధ, శుక్రుల అనుకూల సంచారం మనసులోని కోరికలు కొంత వరకు నెరవేరుతాయి. వ్యక్తిగత సమస్యలు ఒత్తిడి తీసుకు వస్తాయి. అయితే, ఉద్యోగంలో స్థిరత్వం లభిస్తుంది. వృత్తి, వ్యాపా రాలకు సంబంధించి అనుకోకుండా కొన్ని మార్పులు, చేర్పులు చోటు చేసుకుంటాయి. నిరుద్యోగుల ప్రయత్నాలకు కొద్దిగా ఆలస్యంగానైనా సానుకూల స్పందన లభిస్తుంది. ఆదాయా నికి సంబంధించి మెరుగుదల, ఎదుగుదల ఉంటాయి కానీ, వృథా ఖర్చులు, విందులు, విలాసాల మీద ఖర్చులు బాగా పెరుగుతాయి. ఆరోగ్యానికి ఇబ్బందేమీ ఉండకపోవచ్చు. మిత్రులు మోస గించే అవకాశం ఉంది. సప్తమంలో సంచరిస్తున్న కేతువు కారణంగా దాంపత్య జీవితంలో పొర పచ్చాలకు, ఎడబాట్లకు అవకాశం ఉంటుంది. ఆధ్యాత్మిక చింతన పెరిగి దైవ కార్యాల్లో ఎక్కువగా పాల్గొంటారు. విద్యార్థులకు విజయాలు సిద్ధిస్తాయి. ప్రేమ వ్యవహారాలు సంతృప్తికరంగా సాగిపో తాయి.
