వార ఫలాలు (ఆగస్టు 25 నుంచి ఆగస్టు 31, 2024 వరకు): మేష రాశి వారు ఈ వారం ఉద్యోగంలో ఉన్నత పదవులు లభించే అవకాశం ఎక్కువగా ఉంది. వృషభ రాశి వారికి ఆదాయం బాగా వృద్ధి చెందుతుంది. కొన్ని ముఖ్యమైన ఆర్థిక సమస్యలకు పరిష్కారం లభిస్తుంది. మిథున రాశి వారి కుటుంబంలో కొన్ని శుభ పరిణామాలు చోటు చేసుకునే అవకాశం కూడా ఉంది. మేష రాశి మొదలు మీన రాశి వరకు 12 రాశుల వారికి ఆదివారం (ఆగస్టు 25) నుంచి శనివారం (ఆగస్టు 31) వరకు వారఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1): శని, గురు, కుజ గ్రహాల అనుకూల సంచారం వల్ల ఉద్యోగంలో ఉన్నత పదవులు లభించే అవకాశం ఎక్కువగా ఉంది. ఊహించని పురోగతి ఉంటుంది.వృత్తి, వ్యాపారాల్లో కూడా ధనపరంగా ఎత్తులకు వెళ్లడం జరుగుతుంది. రాశ్యధిపతి కుజుడు తృతీయ స్థానంలో ఉన్నందువల్ల సాధా రణంగా ఏ ప్రయత్నమైనా సత్ఫలి తాలనిస్తుంది. సమాజంలో పలుకుబడి, గౌరవ మర్యాదలు పెరుగుతాయి. సంపాదనకు లోటుండదు కానీ, కుటుంబం మీద ఖర్చు పెరుగుతుంది. అనేక మార్గాల్లో ఆదాయాన్ని పెంచుకుంటారు. ప్రయాణాల వల్ల కూడా ఆర్థికంగా లాభాలుంటాయి. ప్రముఖులతో సన్నిహిత సంబంధాలు ఏర్పడతాయి. వ్యక్తిగత సమస్య ఒకటి పరిష్కారం అవు తుంది. తరచూ సుబ్రహ్మణ్యాష్టకం చదవడం వల్ల పెళ్లి, ఉద్యోగ ప్రయత్నాలు సానుకూలపడతాయి.
వృషభం (కృత్తిక 2,3,4, రోహిణి, మృగశిర 1,2): రాశ్యథిపతి శుక్రుడు పంచమ కోణంలోనూ, రాహువు లాభ స్థానంలోనూ ఉండడం వల్ల ఆదాయం బాగా వృద్ధి చెందుతుంది. కొన్ని ముఖ్యమైన ఆర్థిక సమస్యలకు పరిష్కారం లభిస్తుంది. గృహ, వాహన సంబంధమైన ప్రయత్నాలు విజయవంతం అవుతాయి. శత్రు, రోగ, రుణ బాధలు చాలా వరకు తగ్గి ఉంటాయి. ఆదాయ మార్గాలు సత్ఫలితాలనిస్తాయి. ముఖ్యమైన వ్యవహారాల్లో జీవిత భాగస్వామి సలహాలు, సూచనలు తీసుకోవడం వల్ల ఉపయోగం ఉంటుంది. నిరుద్యోగులకు దూర ప్రాంత కంపెనీల నుంచి ఆఫర్లు అందుతాయి. పిల్లల నుంచి ఆశించిన శుభవార్తలు వింటారు. దశమంలో శని సంచారం వల్ల వృత్తి, ఉద్యోగాలే కాక, వ్యాపారాలు కూడా నిలకడగా సాగిపో తాయి. తరచూ శివార్చన చేయించడం వల్ల ప్రతి పనిలోనూ, ప్రతి ప్రయత్నంలోనూ విజయం లభిస్తుంది.
మిథునం (మృగశిర 3,4, ఆర్ద్ర, పునర్వసు 1,2,3): రాశ్యదిపతి బుధుడు ధన స్థానంలో ఉన్న కారణంగా ఆదాయానికి లోటుండదు. ఆదాయం దిన దినాభివృద్ధి చెందడానికి ఎక్కువ అవకాశాలున్నాయి. కుటుంబ జీవితం హ్యాపీగా గడిచిపోతుంది. కుటుంబంలో కొన్ని శుభ పరిణామాలు చోటు చేసుకునే అవకాశం కూడా ఉంది. బంధుమిత్రుల నుంచి శుభ కార్యాలకు ఆహ్వానాలు అందుతాయి. వృత్తి, ఉద్యోగాల్లో ప్రాభవం పెరుగుతుంది. రావలసిన సొమ్ము సకాలంలో చేతికి అందుతుంది. వ్యాపారాలు నల్లేరు మీద బండిలా సాగిపో తాయి. ఇంటా బయటా పనిగా ఒత్తిడి ఎక్కువగానే ఉంటుంది. నిరుద్యోగులకు మంచి ఉద్యోగం లభించే అవకాశం ఉంది. పిల్లలు చదువుల్లో పురోగతి సాధిస్తారు. పరిచయస్థులలో మంచి పెళ్లి సంబంధం కుదరవచ్చు. సుందరకాండ పారాయణం వల్ల ఆశించిన శుభవార్తలు వింటారు.
కర్కాటకం (పునర్వసు 4, పుష్యమి, ఆశ్లేష): లాభ స్థానంలో ఉన్న గురువు వల్ల జీవితంలో సానుకూల మార్పులు చోటు చేసుకుంటాయి. ఏ ప్రయత్నం తలపెట్టినా తప్పకుండా నెరవేరుతుంది. ముఖ్యంగా పెళ్లి, ఉద్యోగ ప్రయత్నాల్లో శుభ వార్తలు వింటారు. ఉద్యోగ జీవితం ఉత్సాహంగా సాగిపోతుంది. వృత్తి రంగం బాగా బిజీ అయిపో తుంది. వ్యాపారాల్లో కార్యకలాపాలు బాగా పెరుగుతాయి. ఇష్టమైన బంధుమిత్రులతో ఎంజాయ్ చేస్తారు. ముఖ్యమైన వ్యవహారాల్లో కుటుంబ సభ్యుల తోడ్పాటు ఉంటుంది. అష్టమ శని వల్ల కొన్ని పనులు ఆలస్యంగా పూర్తి కావడం, కొద్దిపాటి అనారోగ్యాలు ఉండడం జరుగుతుంది. ధన స్థానంలో ఉన్న ధనాధిపతి రవి కారణంగా ధనానికి లోటుండదు. ఒక వ్యక్తిగత సమస్యకు పరి ష్కారం లభిస్తుంది. ప్రముఖులతో స్నేహాలు బాగా బలపడతాయి. ఆరోగ్యం నిలకడగా ఉంటుంది. పిల్లలు ఆశించిన పురోగతి సాధిస్తారు. కాలభైరవాష్టక పఠనం వల్ల ఆర్థిక సమస్యలు తగ్గుతాయి.
సింహం (మఖ, పుబ్బ, ఉత్తర 1): రాశ్యధిపతి రవి రాశిలోనే ఉండడం వల్ల వృత్తి, ఉద్యోగాలతో పాటు సామాజికంగా కూడా ప్రాధాన్యం పెరుగుతుంది. రాజకీయ ప్రముఖులతో పరిచయాలు పెరుగుతాయి. నిరుద్యోగులకు ప్రభుత్వ ఉద్యోగాలు లభించే అవకాశం కూడా ఉంది. కొద్ది ప్రయత్నంతో వ్యక్తిగత సమస్యలను పరిష్కరించు కుంటారు. ప్రణాళికాబద్ధంగా వ్యవహరించి ఆర్థిక సమస్యల నుంచి కూడా చాలావరకు బయటపడ తారు. కొత్త ప్రయత్నాల్లో కూడా విజయం సాధిస్తారు. పెండింగులో ఉన్న పను లను కొద్ది శ్రమతో పూర్తి చేస్తారు. కుటుంబ పరిస్థితులు అనుకూలంగా మారుతాయి. ఆర్థిక వ్యవ హారాల్లో జాగ్రత్తగా ఉండడం మంచిది. మిత్రుల వల్ల నష్టపోయే అవకాశం ఉంది. రావలసిన డబ్బు చేతికి అందడంలో ఆలస్యం అవుతుంది. వృత్తి, ఉద్యోగాల్లో సొంత ఆలోచనలు కలిసి వస్తాయి. వ్యాపారాల్లో కార్యకలా పాలు పెరుగుతాయి. ఆరోగ్యం నిలకడగా ఉంటుంది. ఆదిత్య హృదయం చదువుకోవడం మంచిది.
కన్య (ఉత్తర 2,3,4, హస్త, చిత్త 1,2): షష్ట స్థానంలో శనీశ్వరుడు సంచరిస్తున్నందువల్ల ఆరోగ్యం, ఆదాయం సవ్యంగా సాగిపోతాయి. భాగ్య స్థానంలో ఉన్న గురువు కారణంగా ఆర్థిక పరిస్థితి చాలావరకు మెరుగుపడుతుంది. ఆర్థి కంగా ఏ ప్రయత్నం తలపెట్టినా అది తప్పకుండా సఫలం అవుతుంది. కుటుంబ జీవితం హ్యాపీగా సాగిపోతుంది. నిరుద్యోగులకు మంచి ఆఫర్ అందుతుంది. బంధుమిత్రుల వల్ల కొద్దిగా ఇబ్బం దులు పడతారు. ఎవరినీ గుడ్డిగా నమ్మకపోవడం చాలా మంచిది. వృత్తి, ఉద్యోగాల్లో అధికారులు బాగా ప్రాధాన్యమిచ్చి, కొత్త బాధ్యదలు అప్పగిస్తారు. సామాజికంగా మంచి గుర్తింపు లభించడంతో పాటు గౌరవమర్యాదలు లభిస్తాయి. వ్యాపారాలు బాగా కలిసి వస్తాయి. ప్రభుత్వ మూలక ధన లాభం ఉంటుంది. దుర్గాదేవి స్తోత్ర పఠనం వల్ల పోటీదార్లు, ప్రత్యర్థుల మీద విజయాలు సాధిస్తారు.
తుల (చిత్త 3,4, స్వాతి, విశాఖ 1,2,3): ధనాధిపతి కుజుడు భాగ్య స్థానంలో ఉండడం, భాగ్యాధిపతి బుధుడు దశమ స్థానంలో ఉండడం వల్ల ఉద్యోగంలో జీతభత్యాలు పెరగడానికి, వృత్తి, వ్యాపారాల్లో రాబడి పెరగడానికి అవకాశం ఉంది. అయితే, రాశ్యధిపతి శుక్రుడు వ్యయ స్థానంలో నీచబడడం వల్ల చేతిలో డబ్బు నిలవని పరిస్థితి ఏర్పడుతుంది. వైద్య ఖర్చులు కూడా పెరిగే అవకాశం ఉంది. అనుకున్న పనులు అనుకున్నట్టు పూర్తవుతాయి. ప్రతి ప్రయత్నమూ నెరవేరుతుంది. ఆస్తి వ్యవహారాన్ని రాజీ మార్గంలో పరిష్కరిం చుకుంటారు. వ్యాపారాల్లో కొన్ని ఆర్థిక సమస్యల నుంచి బయటపడతారు. ఆర్థిక లావాదేవీలు సజావుగా సాగుతాయి. నిరుద్యోగులకు మంచి అవకాశాలు లభిస్తాయి. కుటుంబ జీవితం హ్యాపీగా సాగిపోతుంది. తరచూ శివార్చన చేయించడం వల్ల మనసులోని కోరికలు, ఆశయాలు నెరవేరుతాయి.
వృశ్చికం (విశాఖ 4, అనూరాధ, జ్యేష్ట): సప్తమంలో గురువు అనుకూలంగా ఉన్నందువల్ల ఆదాయానికి, ఆరోగ్యానికి లోటుండదు. అయితే, రాశ్యధిపతి కుజుడు అష్టమ స్థానంలో ఉన్నందువల్ల ఏ ప్రయత్నమూ కలిసి రాక ఇబ్బంది పడతారు. రావలసిన డబ్బు సకాలంలో చేతికి అందదు. ఆర్థికంగా ఒత్తిడి ఉంటుంది. వ్యక్తిగత సమస్యలకు కొద్ది ప్రయత్నంతో పరిష్కారం లభిస్తుంది. అనుకున్న పనులు వాయిదా పడే అవకాశం ఉంది. కుటుంబ వ్యవహారాలను చక్కబెడతారు. ఆస్తి వివాదాల్లో బంధువులతో జాగ్రత్తగా ఉండడం మంచిది. వృత్తి, ఉద్యోగాలలో ఊహించని సమస్యలు తలెత్తే అవకాశం ఉంది. వ్యాపారాలు నిలకడగా సాగిపోతాయి. ఆర్థిక లావాదేవీల విషయంలో జాగ్రత్తగా ఉండడం మంచిది. తరచూ సుబ్రహ్మణ్యాష్టకం చదువుకోవడం మంచిది. నిరుద్యోగులకు ఉద్యోగ యోగం పడుతుంది.
ధనుస్సు (మూల, పూర్వాషాఢ, ఉత్తరాషాడ 1): దాదాపు అన్ని గ్రహాలు అనుకూలంగా ఉన్నప్పటికీ, రాశ్యధిపతి గురువు షష్ట స్థానంలో ఉన్నం దువల్ల ఆరోగ్య సమస్యలు, పోటీదార్ల సమస్యలు ఎక్కువగా ఉంటాయి. ఆదాయం బాగా పెరిగినా అనవసర ఖర్చులతో ఇబ్బంది పడతారు. చేతిలో డబ్బు నిలవని పరిస్థితి ఉంటుంది. రుణ సమ స్యల నుంచి బయటపడతారు. వృత్తి, వ్యాపారాలలో ఇప్పుడు తీసుకునే నిర్ణయాలు తప్పకుండా ఫలవంతం అవుతాయి. చిన్ననాటి మిత్రులతో విందులో పాల్గొంటారు. ఆస్తి వివాదాల్లో చిక్కులు ఎదురయ్యే అవకాశం ఉంది. చేపట్టిన పనుల్లో శ్రమ ఎక్కువగా ఉంటుంది. నిరుద్యోగులకు సొంత ఊర్లోనే ఉద్యోగం లభిస్తుంది. ఆర్థిక ప్రయత్నాలు కొద్దిగా కలిసి వస్తాయి. విదేశాల నుంచి ఆశించిన సమాచారం అందుతుంది. సుబ్రహ్మణ్యాష్టకం పఠించడం వల్ల వ్యక్తిగత సమస్యలు తొలగిపోతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2): ధన స్థానంలో ధనాధిపతి శని, తృతీయంలో రాహువు, పంచమంలో గురువు సంచారం చేస్తు న్నందువల్ల ఆదాయం దిన దినాభివృద్ధి చెందుతుంది. ఉద్యోగంలో ఆశించిన పురోగతి ఉంటుంది. జీతభత్యాలు పెరిగే అవకాశం ఉంది. వృత్తి, వ్యాపారాల్లో కూడా లాభాలు నిలకడగా సాగిపోతాయి. సేవా కార్యాక్రమాలతో మంచి పేరు తెచ్చుకుంటారు. ఆర్థిక ప్రయత్నాలు బాగా కలిసి వస్తాయి. కుటుంబంలో ఒకటి రెండు శుభ పరిణామాలు చోటు చేసుకుంటాయి. ధనపరంగా ఎవరికీ వాగ్దానాలు చేయకపోవడం మంచిది. ఆహార, విహారాల్లో జాగ్రత్తగా ఉండాల్సిన అవసరం ఉంది. దాంపత్యంలో అన్యోన్యత పెరుగుతుంది. పిల్లల నుంచి శుభవార్తలు వింటారు. ఆకస్మిక ధన లాభా నికి అవకాశం ఉంది. ప్రతి రోజూ లలితా సహస్ర నామం పఠించడం వల్ల వ్యక్తిగత సమస్యలు తగ్గు తాయి.
కుంభం (ధనిష్ట 3,4, శతభిషం, పూర్వాభాద్ర 1,2,3): ఏలిన్నాటి శని ప్రభావం వల్ల ప్రతి పనీ ఆలస్యం అయ్యే అవకాశం ఉంటుంది. మధ్య మధ్య ధన నష్టం కూడా తప్పకపోవచ్చు. ఆరోగ్యం మీద శ్రద్ధ పెట్టడం మంచిది. వృత్తి జీవితం బాగా బిజీ అయిపోతుంది. ఉద్యోగంలో పని భారం కాస్తంత ఎక్కువగానే ఉంటుంది. అధికారులు బరువు బాధ్యతలను పెంచుతారు. పంచమ స్థానంలో ఉన్న కుజుడి కారణంగా ఆర్థిక పరిస్థితి మెరుగ్గా ఉంటుంది. రావలసిన డబ్బును, బకాయిలను వసూలు చేసుకుంటారు. చిన్ననాటి స్నేహితు లతో ఎంజాయ్ చేస్తారు. తలపెట్టిన పనుల్ని అనుకున్న సమయానికి పూర్తి చేస్తారు. కుటుంబ సమస్యలు చాలావరకు సద్దుమణుగుతాయి. ఆరోగ్యం పరవాలేదనిపిస్తుంది. తరచూ శివార్చన చేయడం వల్ల అనుకూలతలు పెరుగుతాయి. అనారోగ్యం నుంచి కొద్దిగా ఉపశమనం లభిస్తుంది.
మీనం (పూర్వాభాద్ర 4, ఉత్తరాభాద్ర, రేవతి): రాశ్యధిపతి గురువు తృతీయ స్థానంలో, బుధుడు పంచమ స్థానంలో ఉన్నందువల్ల ఏ ప్రయత్నం తలపెట్టినా విజయం సాధిస్తారు. గృహ, వాహన సౌకర్యాల మీద దృష్టి పెడతారు. చిన్నా చితకా వ్యక్తిగత సమస్యలున్నా అధిగమిస్తారు. ఎంత సానుకూల దృక్పథంతో వ్యవహరిస్తే అంత మంచిది. వ్యాపారాల్లో మీ ఆలోచనలు ఫలించి ఆశించిన స్థాయిలో లాభాలు కనిపిస్తాయి. డాక్టర్లు, లాయర్లు తదితర వృత్తి నిపుణులకు డిమాండ్ పెరుగుతుంది. ఉద్యోగంలో అధికారులకు నమ్మకం పెరిగి ప్రత్యేక బాధ్యతలను అప్పగిస్తారు. అదనపు ఆదాయ ప్రయత్నాలు సత్ఫలితాలనిస్తాయి. మిత్రుల సహాయంతో ముఖ్యమైన పనులు పూర్తి చేస్తారు. దైవ కార్యాల్లో పాల్గొంటారు. ఆర్థిక లావాదేవీలు, స్పెక్యులేషన్ లాభిస్తాయి. దత్తాత్రేయ స్తోత్రాన్ని పఠించడం వల్ల మనసులోని కోరికలు నెరవేరుతాయి.