Mercury Transit: మిధున రాశిలోకి బుధ గ్రహ సంచారం.. ఆ రాశుల వారి క్లిష్ట సమస్యలకు పరిష్కారం పక్కా..! మీకు ఎలా ఉంటుందంటే..
Budha Gochar: ఈ నెల 25వ తేదీ నుంచి బుధ గ్రహం తన స్వక్షేత్రమైన మిధున రాశిలో సంచరించబోతోంది. ఈ సంచారం జూలై 8వ తేదీ వరకు కొనసాగుతుంది. మిధున రాశిలో ఇప్పటికే సంచారం చేస్తూ ఉన్న రవి గ్రహంతో బుధ గ్రహం కలవడం జరుగుతుంది. ఈ రెండు గ్రహాలు మిధున రాశిలో యుతి చెందడం అనేది ఒక శుభయోగం అని చెప్ప వచ్చు.
ఈనెల 25వ తేదీ నుంచి బుధ గ్రహం తన స్వక్షేత్రమైన మిధున రాశిలో సంచరించబోతోంది. ఈ సంచారం జూలై 8వ తేదీ వరకు కొనసాగుతుంది. మిధున రాశిలో ఇప్పటికే సంచారం చేస్తూ ఉన్న రవి గ్రహంతో బుధ గ్రహం కలవడం జరుగుతుంది. ఈ రెండు గ్రహాలు మిధున రాశిలో యుతి చెందడం అనేది ఒక శుభయోగం అని చెప్ప వచ్చు. కొన్ని ముఖ్యమైన సమస్యల పరిష్కారానికి దారి దొరకటం, కొత్త ప్రయత్నాలకు అవకాశం ఏర్పడటం వంటివి జరిగే అవకాశం ఉంటుంది. వ్యక్తిగత, కుటుంబ, ఆర్థిక, ఉద్యోగ, సంతాన సమస్యలకు అన్నిటికీ ఏదో ఒక పరిష్కారం తప్పకుండా అందుబాటులోకి రావటమో లేదా సరైన మార్గం స్ఫురించటమో జరుగుతుంది. వివిధ రాశుల వారికి ఈ రవి, బుధ గ్రహాల కలయిక ఏ విధంగా ఉపయోగపడుతుందో ఇక్కడ పరిశీలిద్దాం.
1 / 13
మేష రాశి: ఈ రాశి వారికి తృతీయ స్థానంలో రవి బుధులు కలవడం వల్ల వ్యక్తిగత పురోగతికి సంబంధించిన ఆటంకాలు తొలగిపోతాయి. కొద్ది ప్రయత్నంతో ఉద్యోగ, ప్రేమ ప్రయత్నాలు సఫలం అవుతాయి. సంతాన సంబంధమైన సమస్యలు పరిష్కారం అవుతాయి. సంతాన యోగానికి కూడా అవకాశం ఉంది. ఉద్యోగంలో ప్రమోషన్ రావటం అధికారం చేపట్టడం వంటివి జరగవచ్చు. ఆర్థికంగా స్థిరత్వం లభిస్తుంది. వృత్తి వ్యాపారాలలో ఏవైనా చిక్కులు, ఆటంకాలు ఉన్న పక్షంలో అవి దూరం కావటానికి అవకాశం ఉంది.
2 / 13
వృషభ రాశి: ఈ రాశి వారికి ధనస్థానంలో రవి బుధ గ్రహాల సంయోగం జరుగుతున్నందువల్ల ఆర్థిక సంబంధ మైన సమస్యలు తప్పకుండా పరిష్కారం అవుతాయి. ఆర్థిక పరిస్థితి మెరుగవుతుంది. ఏ విధంగా అయినప్పటికీ మీకు రావలసిన డబ్బు చేతికి అందుతుంది. మీ మాట చెల్లుబాటు అవు తుంది. కుటుంబ పరిస్థితుల్లో కూడా సాను కూలంగా మార్పులు చోటు చేసుకుంటాయి. దంపతుల మధ్య అభిప్రాయ భేదాలు ఉన్న పక్షంలో చెప్పకుండా మాయం అవుతాయి. కుటుంబంలో ఏదైనా శుభకార్యం జరిగే సూచనలు ఉన్నాయి.
3 / 13
మిథున రాశి: మిధున రాశి లోనే రవి బుధ గ్రహాలు కలుస్తున్నందువల్ల వ్యక్తిగత సమస్యలు పరిష్కారం కావడం, వ్యక్తిగత పురోగతి సాధ్యం కావడం, అధికారం చేపట్టడం, ఆరోగ్యం మెరుగుపడటం, మనసులోని కోరికలు నెరవేరటం వంటివి తప్పకుండా జరుగుతాయని చెప్పవచ్చు. ఎటువంటి సమస్యనైనా పరిష్కరించగల సామర్థ్యం ఏర్పడుతుంది. కొన్ని సమస్యల విషయంలో ఆలోచన ధోరణి మారుతుంది. ఆత్మవిశ్వాసం బాగా పెరుగుతుంది. ఉద్యోగం మారటానికి చేస్తున్న ప్రయత్నాలు తప్పకుండా నెరవేరుతాయి. నిరుద్యోగులకు మంచి సంస్థలో ఉద్యోగం లభిస్తుంది.
4 / 13
కర్కాటక రాశి: ఈ రాశి వారికి విదేశీయానానికి విదేశాలలో స్థిర పడటానికి మార్గం సుగమం అవుతుంది. ఎంతో కాలంగా చేయాలనుకుంటున్న తీర్థ యాత్రలు చేయడం జరుగుతుంది. కుటుంబంలో ఒకటి రెండు శుభకార్యాలు జరిగే అవకాశం ఉంది. వృత్తి, ఉద్యోగ, వ్యాపారాల్లో క్రియేటివిటీ పెరుగుతుంది. చురుకుగా, తెలివితేటలతో వ్యవహరించటం ప్రారంభం అవుతుంది. ఉద్యోగపరంగా, కుటుంబపరంగా మీ మీద పడిన అదనపు భారాలు వైదొలగే సూచనలు ఉన్నాయి. వైద్య ఖర్చులు గణనీయంగా తగ్గిపోవడం జరుగుతుంది. ఆహార విహారాల్లో మార్పులు చోటు చేసుకుంటాయి.
5 / 13
సింహ రాశి: ఈ రాశి వారికి లాభ స్థానంలో రవి బుధులు కలుస్తున్నందువల్ల అతి వేగంగా వ్యక్తిగత పురోగతి చోటు చేసుకునే అవకాశం ఉంది. ఆదాయ ప్రయత్నాలు తప్పకుండా ఆశించిన ఫలితాలను ఇస్తాయి. ప్రముఖులతో పరిచయాలు ఏర్పడతాయి. అన్నలు, అక్కలతో సయోధ్య ఏర్పడు తుంది. ఆస్తి సంబంధమైన వివాదాలు సానుకూలంగా పరిష్కారం అవుతాయి. కొద్ది ప్రయత్నంతో అనారోగ్యం నుంచి బయటపడే అవకాశం కూడా ఉంది. వ్యక్తిగత సమస్యల నుంచి విముక్తి కలుగుతుంది. సమాజంలో గౌరవ మర్యాదలు పెరుగుతాయి. వృత్తి వ్యాపారాలు చక్కని మలుపు తిరుగుతాయి.
6 / 13
కన్యా రాశి: దశమ స్థానంలో రవి బుధుల కలయిక చోటు చేసుకుంటున్నందువల్ల ఉద్యోగపరంగా ఉన్న సమస్యలు త్వరగా, సానుకూలంగా పరిష్కార మయ్యే అవకాశం ఉంది. నిరుద్యోగ సమస్య వదిలిపోతుంది. ఉద్యోగంలో స్థిరత్వం లభిస్తుంది. వృత్తి వ్యాపారాలు కూడా చకచక అభివృద్ధి చెందడం ప్రారంభిస్తాయి. డాక్టర్లు లాయర్లు తదితర వృత్తి నిపుణులకు డిమాండ్ పెరుగుతుంది. తల్లిదండ్రుల నుంచి ఆశించిన స్థాయిలో సహాయ సహకారాలు లభిస్తాయి. శుభవార్తలు వినడం జరుగుతుంది. కొన్ని ఊహించని శుభ పరిణామాలు చోటు చేసుకుంటాయి. జీవితం పట్ల ఆలోచనల్లో మార్పు వస్తుంది.
7 / 13
తులా రాశి: తులా రాశి వారికి భాగ్యస్థానంలో ఈ శుభగ్రహాల కలయిక జరగటం అనేది ఉత్తమోత్తమ ఫలితా లను ఇస్తుంది. దాదాపు ప్రతి ప్రయత్నమూ సఫలం అవుతుంది. కొత్త నిర్ణయాలు కొత్త ప్రయత్నాలు సఫలం అవుతాయి. తెలివితేటలు, దూర దృష్టి బాగా రాణిస్తాయి. వృత్తి ఉద్యోగ వ్యాపార జీవితాలు ఆశాజనకంగా మారుతాయి. గృహ వాహన సంబంధమైన సమస్యలు ఆస్తి సంబంధమైన వివాదాలు ఒక కొలిక్కి వస్తాయి. విదేశీ యానానికి విదేశాల్లో ఉద్యోగ స్థిరత్వానికి ఇది చాలావరకు అనుకూలమైన సమయం. ఎంత ప్రయత్నం చేస్తే అంత మంచిది.
8 / 13
వృశ్చిక రాశి: ఈ రాశికి అష్టమ స్థానంలో రవి బుధులు కలుస్తున్నప్పటికీ కొన్ని శుభ ఫలితాలు తప్పకుండా అనుభవానికి వస్తాయి. ఒకటి రెండు వ్యక్తిగత సమస్యల పరిష్కారానికి మార్గం దొరుకుతుంది. ఆర్థిక సమస్యలు, దాంపత్య సమస్యలు కూడా పరిష్కారం కాగల సూచనలు ఉన్నాయి. జీవిత భాగస్వామి తరుపు నుంచి ఆస్తి కలిసి రావడానికి అవకాశం ఉంది. కొద్దిపాటి ప్రయత్నంతో పెళ్లి సంబంధం నిశ్చయం అవుతుంది. విదేశీ సంబంధాలకు ప్రయత్నిస్తున్న వారికి సమయం అనుకూలంగా ఉంది. దీర్ఘకాలిక అనారోగ్యం నుంచి కూడా బయటపడటానికి అవకాశం ఉంది.
9 / 13
ధనూ రాశి: ఈ రాశి వారికి సప్తమ స్థానంలో రవి బుధ గ్రహాలు కలవడం వల్ల కుటుంబం అభివృద్ధి చెందటానికి మార్గం సుగమం అవుతుంది. ఆర్థికంగా, సామాజికంగా, ఉద్యోగ పరంగా కుటుంబం అభివృద్ధి చెందటానికి గట్టి ప్రయత్నాలను చేపట్టడం జరుగుతుంది. ప్రస్తుత సామాజిక స్థాయి నుంచి పురోగతి సాధించడానికి ప్రణాళికలు రూపొందించడం జరుగుతుంది. తెలివితేటలకు ప్రజ్ఞా పాటవాలకు గుర్తింపు లభిస్తుంది. ఆర్థిక పరిస్థితి చాలా వరకు మారిపోతుంది. ఉద్యోగ జీవితం లో సానుకూల పరిణామాలు చోటుచేసుకుంటాయి. వృత్తి వ్యాపారాలలో స్థిరత్వం లభిస్తుంది.
10 / 13
మకర రాశి: ఈ రాశి వారికి ఆరవ స్థానంలో రవి బుధులు యుతి చెందటం వల్ల ఆర్థిక సమస్యలు చాలా వరకు పరిష్కారం అయ్యే అవకాశం ఉంది. కొన్ని వ్యక్తిగత, ఉద్యోగ సమస్యల పరిష్కారానికి మార్గం సుగమం అవుతుంది. ఒకటి రెండు కుటుంబ సమస్యల పరిష్కారానికి నడుం బిగించడం జరుగుతుంది. చిన్న ప్రయత్నంతో అనారోగ్యం నుంచి ఉపశమనం పొందటానికి కూడా వీలుంది. పెద్దల జోక్యంతో వివాహ, దాంపత్య సంబంధమైన వివాదాలు కూడా తగ్గిపోయే సూచనలు ఉన్నాయి. వృత్తి, ఉద్యోగాలలో ప్రత్యర్థుల బెడద నుంచి బయటపడటం జరుగుతుంది. వ్యాపారాలు నిలకడగా ముందుకు సాగుతాయి.
11 / 13
కుంభ రాశి: ఈ రాశి వారికి పంచమ స్థానంలో ఈ రెండు గ్రహాల కలయిక వల్ల తెలివితేటలు బాగా వికసించడం, క్రియేటివిటీ పెరగటం, సమస్యల మీద దాడి చేయడం, సంతానం అభివృద్ధి చెందటం వంటివి జరిగే అవకాశం ఉంది. వృత్తి ఉద్యోగాలలో మంచి అభివృద్ధి కనిపిస్తుంది. ప్రేమ వ్యవహారాలు విజయవంతం అవుతాయి. వైవాహిక లేదా కుటుంబ జీవితంలో సామరస్యం అన్యోన్యత పెరుగుతాయి. ఆత్మవిశ్వాసం, గుండె ధైర్యం ఇనుమడిస్తాయి. పాజిటివ్గా వ్యవహరించి వ్యక్తిగత కుటుంబ సమస్యలను కొద్దికొద్దిగా ఒక్కటొక్కటిగా పరిష్కరించుకోవడం జరుగుతుంది.
12 / 13
మీన రాశి: మీనరాశి వారికి చతుర్ధ స్థానంలో ఈ రెండు శుభగ్రహాల కలయిక జరుగుతున్నందువల్ల ముఖ్యమైన కుటుంబ సమస్యలు పరిష్కారం కావడం, కుటుంబంలో సుఖసంతోషాలు ఏర్పడటం, మనశ్శాంతి కలగటం, గృహ, వాహన సంబంధమైన సమస్యలు పరిష్కారం కావడం వంటివి తప్పకుండా చోటుచేసుకుంటాయి. ఇంటిని ఏర్పాటు చేసుకోవాలన్న కోరిక కొద్ది ప్రయత్నంతో నెరవేరుతుంది. ఇంట్లో శుభ కార్యాలు జరగడానికి అవకాశం ఉంది. పిల్లలు ఆశించిన దాని కంటే ఎక్కువగా పురోగతి చెందే సూచనలు ఉన్నాయి. పిల్లలకు మంచి ఉద్యోగాలు లభించడం మంచి పెళ్లిళ్లు కావడం వంటివి జరిగే అవకాశం ఉంది.
