Diwali 2023: దీపావళి ఈ ప్రదేశాల్లో అత్యంత ఘనంగా జరుపుకుంటారు.. దేశ, విదేశాల్లో సెలబ్రేషన్ ఏ విధంగా ఉంటాయంటే..
దీపావళి పండుగ హిందూ మతంలో ఎంతో ముఖ్యమైనది. ఎందుకంటే దీపావళి రోజున సంపదలకు దేవత అయిన లక్ష్మీ దేవిని, ఐశ్వర్యం లాభదాయకమైన శ్రీ గణపతితో పాటు నియమాలతో పూజిస్తారు, తద్వారా లక్ష్మీదేవి చాలా సంతోషం ఉంటుంది.. ఏడాది పొడవునా ఆ ఇల్లు సిరి సంపదలతో ఉంటుంది. మన దేశంలో వలెనే ఇతర దేశాల్లో నివసించే హిందూ మతానికి సంబంధించిన వ్యక్తులుకూడా ఆయా ప్రాంతాల్లో దీపావళిని చాలా ఉత్సాహంగా జరుపుకుంటారు.
ఈ సంవత్సరం దీపావళి పండుగను 12 నవంబర్ 2023 న దేశ విదేశాల్లో జరుపుకుంటారు. చీకటిపై వెలుగు సాధించిన విజయానికి ప్రతీకగా భావించే దీపావళి పండుగను దేశంలోని వివిధ ప్రాంతాల్లో వివిధ పద్ధతులు, నమ్మకాల ఆధారంగా జరుపుకుంటారు. భారతదేశంలో విదేశాల్లో దీపావళికి సంబంధించిన ఆసక్తికరమైన విషయాల గురించి ఈ రోజు వివరంగా తెలుసుకుందాం.
1 / 5
దీపావళి రోజున భువికి దిగి వచ్చే దేవతలు: దీపావళి వారణాసి నగరం చాలా ప్రసిద్ధి చెందింది. ఇక్కడ దీపావళి కంటే నరక చతుర్దశి రోజున మరింత శోభ కనిపిస్తుంది. ఈ రోజున ఘాట్‌లను వేలాది దీపాలతో అలంకరిస్తారు. హిందూ విశ్వాసం ప్రకారం ఈ రోజున దీపావళిని జరుపుకోవడానికి స్వర్గం నుండి దేవతలు భూమికి వస్తారు. నరక చతుర్దశి రోజున వారణాసిలో దీపావళిని చూసేందుకు దేశం నుండే కాకుండా విదేశాల నుండి కూడా ప్రజలు వస్తుంటారు.
2 / 5
పంజాబ్ లో దీపావళి : ఉత్తర భారతదేశంలోని పంజాబ్‌లో కూడా దీపావళికి భిన్నమైన ఆకర్షణ ఉంది. పంజాబ్‌లో.. సిక్కు సంప్రదాయానికి చెందిన ప్రజలు ఈ పండుగను బండి చోడ్ డేగా జరుపుకుంటారు. ఈ రోజున సిక్కుల ఆరవ గురువు గురు హరగోవింద్ సింగ్ జైలు నుండి విడుదలయ్యారని వారి విశ్వాసం. ఈ రోజున, అమృత్‌సర్‌లోని గోల్డెన్ టెంపుల్‌లోని లైట్లు, బాణసంచా చూడదగ్గవి.
3 / 5
గుజరాత్‌లో దీపావళి : గుజరాత్‌లో దీపావళి పండుగను అత్యంత వైభవంగా జరుపుకుంటారు. గుజరాత్‌లో దీపావళిని ఘనంగా జరుపుకోవడానికి, ప్రజలు 15 రోజుల ముందుగానే సన్నాహాలు ప్రారంభిస్తారు. గుజరాత్‌లో దీపావళి రోజున కొత్త బట్టలు ధరిస్తారు. ఈ రోజు ఇంటిని శుభ్రం చేసేటరు. అంతేకాదు ప్రత్యేక అలంకరణ చేస్తారు. దీపావళి మరుసటి రోజున గుజరాతీ ప్రజలకు కొత్త సంవత్సరం ప్రారంభమవుతుంది. ఈ రోజున ప్రజలు ఒకరికొకరు శుభాకాంక్షలు తెలుపుతారు. ఒకరికొకరు స్వీట్లను ఇచ్చిపుచ్చుకుంటారు.
4 / 5
విదేశాలలో కూడా దీపావళి : మన దేశంలో వలెనే ఇతర దేశాల్లో నివసించే హిందూ మతానికి సంబంధించిన వ్యక్తులుకూడా ఆయా ప్రాంతాల్లో దీపావళిని చాలా ఉత్సాహంగా జరుపుకుంటారు. ఉదాహరణకు నేపాల్‌లో దీపావళిని స్వాంతి అంటారు. ఇక్కడ కూడా ఈ పవిత్ర పండుగ ఐదు రోజుల పాటు జరుపుకుంటారు. శ్రీలంకలోని తమిళ ప్రజలు ఈ పవిత్ర పండుగను పూర్తి ఆచారాలతో జరుపుకుంటారు. అదేవిధంగా అమెరికా, లండన్, థాయ్‌లాండ్, మలేషియా తదితర దేశాల్లో దీపావళి సందర్భంగా సంబరాలు అంబరాన్ని తాకుతాయి. ఆయా దేశాల్లో నివసించే ప్రజలు దీపావళి పండుగను సంప్రదాయ పద్ధతిలో పూజలు చేస్తూ జరుపుకుంటారు.
