Skin Care Tips: మెడ, మోచేయి, ముఖంపై నల్లగా పేరుకుపోయిన ట్యాన్‌ తొలగించాలంటే.. ఈ ప్యాక్ ట్రై చేయండి
శీతాకాలం ముగింపుకొచ్చింది. ఈ సమయంలో రుతువులు మారుతున్నందున వాతావరణ ప్రభావం చర్మంపై ఉంటుంది. దీని వల్ల ముఖం నల్లబడటం, చర్మం ముడతలు పడటంతోపాటు అనేక చర్మ సమస్యలు తలెత్తుతాయి. ఈ సమయంలో ఎక్కువగా చెమట పడుతుంది. క్రీమ్ రాసుకుని ఎండలో బయటకు వెళ్తే చర్మం నల్లబడిపోతుంది. చాలా మంది చర్మంపై సరైన జాగ్రత్తలు తీసుకోరు. అందుకే దుమ్ము ఎక్కువగా పేరుకుపోతుంది..
శీతాకాలం ముగింపుకొచ్చింది. ఈ సమయంలో రుతువులు మారుతున్నందున వాతావరణ ప్రభావం చర్మంపై ఉంటుంది. దీని వల్ల ముఖం నల్లబడటం, చర్మం ముడతలు పడటంతోపాటు అనేక చర్మ సమస్యలు తలెత్తుతాయి. ఈ సమయంలో ఎక్కువగా చెమట పడుతుంది. క్రీమ్ రాసుకుని ఎండలో బయటకు వెళ్తే చర్మం నల్లబడిపోతుంది. చాలా మంది చర్మంపై సరైన జాగ్రత్తలు తీసుకోరు. అందుకే దుమ్ము ఎక్కువగా పేరుకుపోతుంది.
ముఖం చర్మంపై పేరుకుపోయిన మురికి తొలగించడాని ఫేషియల్‌ చక్కని పరిష్కారం. ఇంట్లోనే తయారు చేసుకున్న ఫేస్‌ ప్యాక్ వినియోగించడం వల్ల ఎలాంటి సైడ్‌ ఎఫెక్ట్స్‌ లేకుండా ముఖంపై టాన్, మురికిని సులభంగా తొలగించుకోవచ్చు. దీన్ని ఎలా తయారు చేయాలో ఇప్పుడు తెలుసుకుందాం..
ఏదైనా తెల్లటి టూత్‌పేస్ట్‌ అర చెంచా తీసుకోవాలి. ఇందులో క్లోరైడ్ ఉండటం వల్ల మచ్చలు సులువుగా పోతాయి. బ్లాక్ హెడ్స్ తొలగిస్తుంది. టాన్‌ని కూడా తొలగిస్తుంది. ఈ పేస్ట్‌లో ఒక చెంచా పాలు కలపాలి. ఈ పాలు, పేస్ట్ బాగా మిక్స్ చేయాలి. ఇప్పుడు దీన్ని ముఖానికి పట్టించాలి.
30 సెకన్ల పాటు ముఖాన్ని బాగా మసాజ్ చేసుకుని, 5 నిమిషాల తర్వాత ముఖాన్ని కడిగేస్తే సరి. ఇప్పుడు ఒక ఫేస్‌ మాస్క్ తయారు చేసుకోవాలి. 1 చెంచా శనగపిండి, 1 చెంచా పాలు బాగా కలుపుకోవాలి. దీనికి కొద్దిగా కొబ్బరి నూనె జోడించాలి. ఈ మూడు పదార్థాలను బాగా కలిపి, ముఖానికి పట్టించాలి. ఈ మాస్క్ వల్ల చర్మానికి మెరుపు వస్తుంది. 5 నిమిషాల తర్వాత ముఖాన్ని కడిగేయాలి.
ఇలా చేయడం వల్ల సన్‌టాన్, ముఖంపై ఉన్న మచ్చలు తొలగిపోతాయి. స్నానానికి ముందు ఈ ప్యాక్ వేసుకుంటే మంచి లాభాలు వస్తాయి. దీన్ని వారానికి ఒకసారి అప్లై చేయడం వల్ల ముఖం క్లియర్ అవుతుంది. ఈ ప్యాక్ వేసుకునే ముందు ముఖాన్ని శుభ్రంగా కడగాలి. బయటకు వెళ్ళే ముందు ముఖానికి కొద్దిగా సన్‌స్క్రీన్ అప్లై చేయడం మర్చిపోకూడదు.