SIM Cards Porting: సిమ్ కార్డ్‌ని ఎన్నిసార్లు పోర్ట్ చేయొచ్చు.. ట్రాయ్ నిబంధనలు ఏం చెబుతున్నాయి.. కీలక వివరాలు మీకోసం..
Tech Tips: మొబైల్ వినియోగించే ప్రతి ఒక్కరికి సిమ్ కార్డ్ తప్పనిసరి. మన దేశంలో ప్రధానంగా జియో, ఎయిర్‌టెల్, ఐడియా నెట్వర్క్స్ ఉన్నాయి. వీటినే జనాలు ఎక్కువగా ఉపయోగిస్తుంటారు. అయితే, కొన్ని సిమ్‌ల నెట్వర్క్స్ కొన్ని ప్రాంతాలలో అస్సలు పని చేయవు. అలాంటి సమయంలో ప్రజలు నెట్‌వర్క్ లభించే సిమ్ కార్డ్స్‌ తీసుకోవాల్సి వస్తుంది. అయితే, నెట్ వర్క్ మారడం కోసం గతంలో కొత్త సిమ్ కార్డ్ తీసుకోవాల్సిన పరిస్థితి ఉండేది. కానీ, ఇప్పుడు ఆ పరిస్థితి లేదు. అదే నెంబర్‌ను వేరే నెట్‌వర్క్‌కు మార్చుకునే వెసులుబాటు కల్పించింది ట్రాయ్. ఇందుకోసం ప్రత్యేక నిబంధనలను..
Tech Tips: మొబైల్ వినియోగించే ప్రతి ఒక్కరికి సిమ్ కార్డ్ తప్పనిసరి. మన దేశంలో ప్రధానంగా జియో, ఎయిర్‌టెల్, ఐడియా నెట్వర్క్స్ ఉన్నాయి. వీటినే జనాలు ఎక్కువగా ఉపయోగిస్తుంటారు. అయితే, కొన్ని సిమ్‌ల నెట్వర్క్స్ కొన్ని ప్రాంతాలలో అస్సలు పని చేయవు. అలాంటి సమయంలో ప్రజలు నెట్‌వర్క్ లభించే సిమ్ కార్డ్స్‌ తీసుకోవాల్సి వస్తుంది. అయితే, నెట్ వర్క్ మారడం కోసం గతంలో కొత్త సిమ్ కార్డ్ తీసుకోవాల్సిన పరిస్థితి ఉండేది. కానీ, ఇప్పుడు ఆ పరిస్థితి లేదు. అదే నెంబర్‌ను వేరే నెట్‌వర్క్‌కు మార్చుకునే వెసులుబాటు కల్పించింది ట్రాయ్. ఇందుకోసం ప్రత్యేక నిబంధనలను రూపొందించింది ట్రాయ్. మరి ఒక నెంబర్/సిమ్ కార్డ్ ను ఎన్నిసార్లు పోర్ట్ చేసుకునే వెసులుబాటు ఉంది? ట్రాయ్ నిబంధనలు ఏం చెబుతున్నాయి? కీలక వివరాలను ఓసారి తెలుసుకుందాం..
MNP - అంటే మొబైల్ నంబర్ పోర్టబిలిటీ. ఈ వెసులుబాటుతో కస్టమర్ ఎలాంటి సమస్యా లేకుండా మొబైల్ నెంబర్‌ను ఇతర నెట్‌వర్క్‌కి ఈజీగా పోర్ట్ చేసుకోవచ్చు. నేటి డిజిటల్ యుగంలో చాలా వరకు పనులు ఫోన్ ద్వారానే జరుగుతున్నాయి. ఇందుకు మొబైల్‌లో సిమ్, నెట్‌వర్క్, డేటా చాలా కీలకం. అయితే, కొన్ని సిమ్ కార్డ్స్‌ స్లో స్పీడ్, కొన్ని ప్రాంతాల్లో నెట్‌వర్క్ కవరేజీ లేకపోవడం, ఇతర కారణాల వల్ల వినియోగదారులు తమ మొబైల్ నెట్‌వర్క్‌ను పోర్ట్ చేయడానికి ఇంట్రస్ట్ చూపిస్తున్నారు.
అంటే.. మొబైల్ నెంబర్‌ను మార్చకుండానే ఒక నెట్‌వర్క్ నుంచి మరొక నెట్‌వర్క్‌కు సేవలను మార్చుకోవడానికి మొబైల్ నంబర్ పోర్టబిలిటీ సౌకర్యాన్ని అందిపుచ్చుకోవడం అన్నమాట.
మరి, ఒక సిమ్ కార్డ్‌ని ఎన్నిసార్లు పోర్ట్ చేయొచ్చు? ఈ విషయంలో ట్రాయ్ నిబంధనలు ఏం చెబుతున్నాయి? పోర్ట్ చేయడానికి సులభమైన మార్గం ఏంటి? ఈ వివరాలపై ఓ లుక్కేసుకోండి.
ట్రాయ్ నిబంధనల ప్రకారం.. మీ మొబైల్ నంబర్‌ను కావలసినన్నిసార్లు పోర్ట్ చేసుకోవచ్చు. దీనికి నిర్దిష్ట పరిమితి అంటూ ఏమీ లేదు. ఇక కస్టమర్ ఎలాంటి సమస్యా లేకుండా మొబైల్ నంబర్‌ను సులభంగా పోర్ట్ చేయొచ్చు.
అయితే, మొబైల్ నెంబర్‌ను పోర్ట్ చేసే విషయంలో కొన్ని విషయాలను తప్పక గుర్తుంచకోవాలి. మొబైల్ నెంబర్‌ను మరొక నెట్‌వర్క్‌కు పోర్ట్ చేయాలనుకుంటే ముందుగా పాత కంపెనీకి బకాయిలు ఏమైనా ఉంటే అవన్నీ క్లియర్ చేయాలి. అ పోస్ట్ పెయిడ్ కస్టమర్లు, నెలవారీ బిల్లు మొత్తం బకాయిలు ఉంటే వాటిని చెల్లించాలి. ఒకవేళ బకాయి అలాగే ఉంటే పోర్ట్ చేయడం సాధ్యం కాదు.
ఏదైనా నెట్‌వర్క్‌కి పోర్ట్ చేయాలంటే ప్రస్తుత నెట్‌వర్క్‌ను కనీసం 90 రోజులు అయినా వినియోగించాలి. దానికంటే ముందు గడువులో మరో నెట్‌వర్క్‌కు పోర్ట్ చేయడం సాధ్యం కాదు. అలాగే సిమ్ కార్డ్ హోల్డర్ యాజమాన్యాన్ని మరొక వ్యక్తికి బదిలీ చేసే ప్రక్రియలో ఉన్న సందర్భంలోనూ ఎంఎన్‌నీ సాధ్యం కాదు.