Lumpfish: ఊసరవెల్లి లాగా రంగులు మార్చే చేప.. దీనికున్న ప్రత్యేకత ఏమిటి? ఇది ఎక్కడ ఉంటుందో తెలుసా..?
Lumpfish: ఊసరవెల్లి రంగు మార్చే జీవిగా మనందరికి తెలిసిందే. చాలా సందర్భాలలో ఈ పదాన్ని వాడుతుంటాము. ఎక్కువగా శత్రువులతో ఎవైనా గొడవలు జరిగినప్పుడు ఈ పదాన్ని ఎక్కువగా వాడుతుంటాము..
Lumpfish: ఊసరవెల్లి రంగు మార్చే జీవిగా మనందరికి తెలిసిందే. చాలా సందర్భాలలో ఈ పదాన్ని వాడుతుంటాము. ఎక్కువగా శత్రువులతో ఎవైనా గొడవలు జరిగినప్పుడు ఈ పదాన్ని ఎక్కువగా వాడుతుంటాము. ఇలా ఉసరవెల్లి లాగా దాని రంగును మార్చే ఒక చేప కూడా ఉంది. ఈ చేప పేరు లంప్ ఫిష్. ఈ చేప ఉత్తర అట్లాంటిక్, ఆర్కిటిక్ మహాసముద్రాలలో చాలా లోతులో కనిపిస్తుంది. అనేక రంగులలో కనిపించే ఈ చేప రంగు వయస్సును బట్టి మారుతుంది.
1 / 5
రంగు మారుతూ మెరుస్తున్న ఈ చేపకు సంబంధించి ఇటీవల జర్నల్ ఆఫ్ ఫిష్ బయాలజీలో పరిశోధనా నివేదిక ప్రచురితమైంది. చాలా చేపల చర్మం మృదువైనదిగా ఉంటుంది. అయితే ఈ చేప ఎగుడుదిగుడుగా ఉంటుంది. దీని అసలు రంగు తెలిసిందని శాస్త్రవేత్తలు భావిస్తున్నారు. లంప్ ఫిష్ నిజమైన రంగు ఫ్లోరోసెంట్ ఆకుపచ్చ అని పేర్కొన్నారు.
2 / 5
లంప్ ఫిష్ మెరుపుకు కారణం UV కాంతి కిరణాలు. పరిశోధన ప్రకారం లంప్ ఫిష్ ఒకదానికొకటి గుర్తించడానికి మాట్లాడటానికి, ఎరను ఆకర్షించడానికి వాటి బయోఫ్లోరోసెంట్ గ్లోను ఉపయోగిస్తుంది. ఈ చేపలు సాధారణ కాంతిలో ఆకుపచ్చగా కనిపిస్తాయని, UV కాంతిలో చూసినప్పుడు వాటి శరీరంపై ప్రకాశవంతమైన నియాన్-ఆకుపచ్చ గ్లో కనిపించిందని పరిశోధనలో వెల్లడైంది.
3 / 5
లంప్ ఫిష్ యవ్వనంగా ఉన్నప్పుడు అవి ఇంద్రధనస్సు ఏడు రంగులలో ఏదైనా కావచ్చు. యుక్తవయస్సులో చుట్టుపక్కల వాతావరణాన్ని బట్టి వాటి రంగు మారుతుంది. ఇలా చేయడం ద్వారా ఆ చేపలు వేటాడే జంతువుల నుండి దాక్కుంటుంది. సంభోగం, సంతానోత్పత్తి కాలంలో మగ లంప్‌ఫిష్ నారింజ రంగు, ఆడ లంప్‌ఫిష్ ఆకుపచ్చగా మారుతుంది. అయితే లంప్ ఫిష్ పెద్దదైనప్పుడు లేత గోధుమరంగు నుండి లేత నీలం రంగులోకి మారుతుంది.
4 / 5
లంప్ ఫిష్ ఒంటరిగా జీవించడానికి ఇష్టపడుతుంది. ఒంటరితనం కోసం ఈ చేపలు ఎక్కువ సమయం సముద్రపు అడుగుభాగంలో గడుపుతాయి. ఈ చేపలు చూడటానికి వింతగా ఉంటాయి. వాటి రెక్కల కారణంగా అవి రాళ్ళు, సముద్రపు పాచికి అతుక్కుంటారు. వాటి రెక్కలు చూషణ కప్పుల వలె పనిచేస్తాయి. ఈ పరిశోధన11 జువెనైల్ లంప్ ఫిష్‌లపై జరిగింది. వాటిని వివిధ రకాల కాంతిలో చూసి చిత్రాలు తీశారు పరిశోధకులు.
