Cumin- Fennel Water: జీలకర్ర, సోంపు రెండూ కలిపి ఇలా తీసుకుంటే.. శరీరంలో జరిగేది ఇదే..!
జీర్ణ సమస్యలు ఉండేవారు రెగ్యులర్ గా జీలకర్ర తింటూ ఉంటారు. మరికొందరు జీలకర్ర ను నీటిలో మరిగించి ఆ వాటర్ తాగుతుంటారు. అలాగే, చాలా మంది భోజనం చేసిన తరువాత తిన్న ఆహారం అరగడానికి సోంపు తింటుంటారు. ఈ లెక్కన సోంపు, జీలకర్ర రెండూ జీర్ణ సమస్యలను తగ్గించేవిగా పనిచేస్తాయి. అయితే, మరీ ఈ రెండింటినీ కలిపి హెర్బల్ టీ లా తయారు చేసుకొని తాగితే ఏమవుతుందో ఎప్పుడైనా ఆలోచించారా..? ఏమౌతుందో ఇక్కడ తెలుసుకుందాం..
భోజనం తర్వాత సోంపు తినే అలవాటు జీర్ణక్రియను మెరుగుపడుతుంది. అదే విధంగా రాత్రంతా నానబెట్టిన సోంపు నీటిని ఉదయాన్నే ఖాళీ కడుపుతో తాగినా ఎన్నో ప్రయోజనాలు ఉంటాయట. సోంపు నీళ్లు తాగడం వల్ల జీర్ణక్రియను మెరుగుపరచడంతోపాటు నోటి దుర్వాసన తగ్గుతుంది. బరువు తగ్గడంలో సహాయపడతాయి. కొలెస్ట్రాల్ స్థాయిలను తగ్గించడంలో కూడా సహాయపడుతుంది.
ఇది రక్తపోటును నియంత్రిస్తుంది. శరీరం నుండి చెడు కొలెస్ట్రాల్ను తొలగిస్తుంది. శరీరంలో వాపు లేదా రక్తం తక్కువగా ఉన్నవారు కూడా జీలకర్ర నీరు తాగాలని నిపుణులు సూచిస్తున్నారు. జీలకర్ర నీరు బహిష్టు సమయంలో నొప్పి, అసౌకర్యాన్ని తగ్గిస్తుంది. జీలకర్ర నీటిని క్రమం తప్పకుండా ఒక నెలరోజుల పాటు తాగటం వల్ల శరీరంలో మ్యాజిక్లాంటి ప్రయోజనాలు కనిపిస్తాయి.
cumin water
జీలకర్ర నీరు బరువు తగ్గడంలో సహాయపడుతుంది. జీలకర్ర నీరు జీవక్రియను పెంచుతుంది. తద్వారా కొవ్వును కాల్చే ప్రక్రియను వేగవంతం చేస్తుంది. జీలకర్ర నీటిని తరచుగా తాగడం వల్ల ఆకలిని నియంత్రించవచ్చు. జీలకర్ర నీటి యాంటీఆక్సిడెంట్ లక్షణాలు శరీరం నుండి విషాన్ని తొలగించడంలో సహాయపడతాయి.
జీలకర్ర నీటిలో యాంటీఆక్సిడెంట్లు పుష్కలంగా ఉంటాయి. ఇవి చర్మాన్ని ఫ్రీ రాడికల్ కణాల నుండి రక్షించి ఆరోగ్యంగా ఉంచుతాయి. చర్మ కాంతిని పెంచుతాయి. మొటిమలు, నల్ల మచ్చలను తగ్గిస్తాయి. జుట్టును బలపరుస్తుంది. జుట్టు రాలడాన్ని తగ్గిస్తుంది.