డైలీ రెండే రెండు చెంచాల నెయ్యి తింటే ఏమవుతుందో తెలుసా..? అమేజింగ్ అంతే..
నెయ్యి.. అనేది అనేక పోషక విలువలు కలిగిన పదార్థం. అందుకే.. నెయ్యి తినాలని సూచిస్తుంటారు.. అయితే.. నెయ్యిలో కొవ్వు ఎక్కువగా ఉంటుందని, దీన్ని ఆహారంగా తీసుకోవడంవల్ల బరువు పెరుగుతామని.. నెయ్యి ఎక్కువగా తీసుకుంటే దుష్ప్రభావాలు కలుగుతాయని భావిస్తుంటారు.
నెయ్యి మన శరీరంలోని మలినాలను తొలగించి శక్తిని అందిస్తుంది. ఇందులో బ్యూట్రిక్ యాసిడ్, విటమిన్ ఎ, డి, ఇ, కె కలయిక రోగనిరోధక శక్తిని పెంచుతుంది. జీర్ణ పనితీరును మెరుగుపరుస్తుంది. ప్రేగుల్లో కదలికను మెరుగుపరచడానికి నెయ్యి తినవచ్చు. మలబద్ధకం ఉన్నవారు తప్పనిసరిగా ఉదయాన్నే ఖాళీ కడుపుతో నెయ్యి తినాలి.
అయితే, ప్రతిరోజూ రెండు చెంచాల ఆవు నెయ్యి తినడం వల్ల అనేక ఆరోగ్య ప్రయోజనాలు చేకూరుతాయి.. భోజనం చేసేటప్పుడు నెయ్యిలో రెండు చెంచాల నెయ్యి కలుపుకుంటే ఆహారం త్వరగా జీర్ణమవుతుంది. ఇంకా శరీరానికి శక్తి అందిస్తుంది.. గ్యాస్ట్రిక్ సంబంధిత సమస్యలను నివారిస్తుంది.
ఇకపోతే, ఆవు నెయ్యి, గేదెనెయ్యి రెండింటీలో చూస్తే.. ఆవు నెయ్యి శ్రేష్ఠమైనదంటున్నారు నిపుణులు. ఆవు నెయ్యి చూసేందుకు కాస్త పసుపు రంగులో కనిపిస్తుంది. ఎందుకంటే.. ఇందులో బీటా-కెరోటిన్ ఎక్కువగా ఉండటంతో అది పసుపు రంగులో ఉంటుంది. అదే.. గేదె నెయ్యి తెల్లగా రుచిగా ఉంటుంది. కానీ, ఆవు నెయ్యిలో కొవ్వు శాతం తక్కువ కావడంతో పాటు, జీవక్రియను పెంచి బరువును తగ్గించే కాంజ్యుగేటెడ్ లినోలియాక్ ఆమ్ల శాతం ఎక్కువగా ఉంటుందని నిపుణులు చెబుతున్నారు. అలాగే.. ఆవు నెయ్యిని అన్ని వయసులవాళ్లూ తీసుకోవచ్చునని చెబుతున్నారు.
వ్యాధి నిరోధక శక్తి తక్కువగా ఉన్నవారు, రుతుక్రమ సమస్యలతో బాధపడేవారు రోజూ రెండు చెంచాల నెయ్యి తీసుకోవాలి. ఇది అధిక రక్తస్రావం, నొప్పిని నివారిస్తుంది.
నెయ్యిలో ఉండే బ్యూట్రిక్ యాసిడ్ రోగనిరోధక శక్తిని పెంచుతుంది. కాల్షియం దంత, ఎముక సంబంధిత సమస్యలను తగ్గిస్తుంది. ఇది మలంలోని మలినాలను తొలగిస్తుందని నిపుణులు చెబుతున్నారు. ( గమనిక: ఇది కేవలం మీ అవగాహన కోసమే.. వీటిని వాడే ముందు మీ వైద్యుల సలహా తీసుకుని పాటించడం మంచిది.)