ప్రతి భారతీయ వంటగదిలో ప్రతిరోజూ ఉపయోగించే అనేక సుగంధ ద్రవ్యాలలో యాలకులు ఒకటి. ఇది ఆహారపు రుచిని పెంచి ఆరోగ్యాన్ని మెరుగుపరుస్తుంది. యాలకులను వేయటం వల్ల వంటకం రుచి, వాసన పెరుగుతుంది. ఇది ఆరోగ్యానికి చాలా మంచిది. యాలకులను తరచుగా మౌత్ ఫ్రెషనర్గా ఉపయోగిస్తారు.
భోజనం తర్వాత తింటే యాలకులతో ప్రయోజనాలు: ఏలకులు జీర్ణక్రియను మెరుగుపరుస్తాయి. భోజనం తర్వాత యాలకులు తింటే అజీర్ణం, గ్యాస్, ఎసిడిటీ వంటి సమస్యలు దరిచేరవు. యాలకులు తినడం వల్ల కడుపులోని ఎంజైమ్లు ఉత్తేజితమై ఆహారం తేలికగా జీర్ణమవుతుంది.
నోటి దుర్వాసనను దూరం చేస్తుంది: ఏలకులు నమలడం వల్ల నోటి దుర్వాసన తొలగిపోతుంది. నోటి దుర్వాసన సమస్య ఉన్నవారు ఏలకులను నమలాలి. ఎందుకంటే ఇది నోటిలోని హానికరమైన బ్యాక్టీరియాను నాశనం చేస్తుంది.
గుండె ఆరోగ్యంగా ఉంచుతుంది : ఏలకులు తినడం వల్ల రక్తపోటు అదుపులో ఉంటుంది. గుండె ఆరోగ్యాన్ని మెరుగుపరుస్తుందని కొన్ని పరిశోధనల్లో వెల్లడైంది. దీంతో గుండె ఆరోగ్యంగా ఉంటుంది.
Depression
కొలెస్ట్రాల్ కూడా తగ్గిస్తుంది : ఏలకులు తీసుకోవడం వల్ల జీర్ణక్రియ మెరుగుపడుతుంది. దీంతో పొట్ట సంబంధిత సమస్యలు దూరమవుతాయి. ఏలకులు తినడం వల్ల ఎసిడిటీ, గుండెల్లో మంట, గ్యాస్ వంటి సమస్యలు రావు. మీరు ప్రతిరోజూ ఒకటి లేదా రెండు పచ్చి ఏలకులను నమిలితే, శరీరంలోని చెడు కొలెస్ట్రాల్ కూడా తగ్గడం ప్రారంభమవుతుంది.
సులువుగా బరువు తగ్గుతారు : జీవక్రియను పెంచడం ద్వారా కొవ్వును త్వరగా కాల్చివేస్తుంది. బెల్లీ ఫ్యాట్ని తగ్గించి, బరువును కంట్రోల్లో ఉంచుతుంది. అజీర్ణం, మలబద్ధకం, నీరు పట్టడం వంటి సమస్యలను దూరం చేస్తుంది. దీంతో ఈజీగా బరువు తగ్గేందుకు అవకాశం ఉంటుంది.