Dry Coconut : ఎండు కొబ్బరి తింటే ఇన్ని లాభాలా..? క్యాన్సర్‌కు పెట్టొచ్చు అంటున్న నిపుణులు..!
ఎండు కొబ్బరి తింటే ఆరోగ్యానికి చాలా లాభాలున్నాయని ఆరోగ్య నిపుణులు చెబుతున్నారు. ఇందులో కాల్షియం, మెగ్నీషియం, ఐరన్, విటమిన్ బి పుష్కలంగా ఉంటాయి. రోజూ దీన్ని తింటే రోగనిరోధక శక్తి పెరుగుతుంది. చెడు కొలెస్ట్రాల్ తగ్గుతుంది. దీంతో గుండె ఆరోగ్యంగా ఉంటుంది. జ్ఞాపకశక్తి మెరుగుపడుతుంది. క్యాన్సర్ వచ్చే ప్రమాదం తగ్గుతుంది. ఉదయం పూట ఎండు కొబ్బరి తింటే రక్తహీనత దరిచేరదు. ఎండుకొబ్బరితో కలిగే మరిన్ని లాభాలేంటో ఇక్కడ తెలుసుకుందాం..
ఎండు కొబ్బరి ఆరోగ్యకరమైన కొవ్వులు, యాంటీఆక్సిడెంట్లు, పోషకాలకు అద్భుతమైన మూలం. దీనితో పాటు, కొబ్బరిలో యాంటీ బాక్టీరియల్, యాంటీ ఫంగల్ లక్షణాలు కూడా ఉన్నాయి. అందువల్ల ఎండుకొబ్బరి ఆరోగ్యానికి కూడా చాలా మంచిది. చాలా మంది ఆరోగ్యంగా, హైడ్రేటెడ్ గా ఉండటానికి కొబ్బరి నీళ్లను ఎక్కువగా తీసుకుంటారు. ఇది కాకుండా, కొబ్బరిని నూనె, కొబ్బరి చట్నీ రూపంలో కూడా ఉపయోగిస్తారు.
కొబ్బరిలో విటమిన్లు, మినరల్స్, కార్బోహైడ్రేట్లు, ప్రోటీన్లు పుష్కలంగా ఉంటాయి. అందువల్ల ఇది శరీరానికి అనేక విధాలుగా ప్రయోజనం చేకూరుస్తుంది. పోషకాలు అధికంగా ఉండే కొబ్బరి ముక్కను తినడం వల్ల శరీరంలో రోగనిరోధక శక్తి పెరగడమే కాకుండా జ్ఞాపకశక్తి కూడా పెరుగుతుంది.
అధిక కొలెస్ట్రాల్‌తో బాధపడుతున్న వారికి ఎండు కొబ్బరి ఎంతో మేలు చేస్తుంది. ఇందులోని పోషకాలు చెడు కొలెస్ట్రాల్‌ను తగ్గించడంలో సహాయపడతాయి. ఎండు కొబ్బరిలోని పోషకాలు అధిక రక్తపోటును నివారించడంలో కూడా సాయపడతాయి. హృదయనాళ వ్యవస్థను ఆరోగ్యంగా ఉంచడంలో కీలకంగా పనిచేస్తాయి.
ఎండు కొబ్బరిలో యాంటీ ఆక్సిడెంట్లు సమృద్ధిగా ఉంటాయి. అందువల్ల ఫ్రీ రాడికల్స్‌ను తొలగించడంతో పాటు ఆక్సీకరణ ఒత్తిడిని తగ్గించడం ద్వారా రోగనిరోధక శక్తిని పెంచడానికి అద్భుతంగా సహాయపడుతుంది. ఎండు కొబ్బరి తింటే రక్తహీనత పోతుంది. ఇది శరీరంలో హిమోగ్లోబిన్‌ని కూడా పెంచుతుంది.
ఉదయాన్నే ఖాళీ కడుపుతో ఎండుకొబ్బరి తింటే గుండె , మెదడు ఆరోగ్యానికి చాలా మంచిదని పోషకాహార నిపుణులు చెబుతున్నారు. ఎండు కొబ్బరిలో కాల్షియం, యాంటీ ఆక్సిడెంట్, మెగ్నీషియం, ఐరన్, విటమిన్ బి మొదలైనవి ఉంటాయి. ఎండు కొబ్బరిలో చాలా ఫైబర్ ఉంటుంది. ఇది మీ జీర్ణక్రియను మెరుగుపరచడంలో సహాయపడుతుంది.