Water for Weight Loss: తెలుసా.. నీళ్ల ద్వారా కూడా బరువు తగ్గొచ్చట? ఎలాపడితే అలాతాగితే అసలుకేఎసరు
చాలా మంది బరువు తగ్గడానికి నానాపాట్లు పడుతుంటారు. అయితే సింపుల్ గా నీళ్లు తాగితే సరిపోతుందంటున్నారు ఆరోగ్య నిపుణులు. అవును.. రోజూ ఈ వేళల్లో నీళ్లు తాగితే ఎలాంటి శారీరక కసరత్తులు చేయకుండానే సులువుగా బరువుతగ్గొచ్చంటున్నారు నిపుణులు..
నేట జీవనశైలి కారణంగా అధిక మంది ఊబకాయం సమస్యతో బాధపడుతున్నారు. దీని కారణంగా శరీరాన్ని ఫిట్‌గా ఉంచుకోవడానికి ఎన్నో పాట్లు పడుతున్నారు. కొందరు జిమ్‌కి వెళ్లి వర్కవుట్ చేస్తే.. మరికొందరు ఇంట్లోనే బరువు తగ్గడానికి పలు మార్గాలను అన్వేషిస్తున్నారు. ఇలా ఇంట్లోనే సులువుగా బరువు తగ్గే మార్గాల్లో ఒకటి తాగునీరు. అవును.. చాలా మంది నీరు త్రాగడం వల్ల బరువు తగ్గుతారని, కొవ్వు కరిగిపోతుందని చాలా మంది నమ్ముతుంటారు. దీనిలో నిజమెంతో హార్వర్డ్ నిపుణులు మాటల్లో మీకోసం..
హార్వర్డ్ నివేదిక ప్రకారం.. నీరు తాగడం వల్ల బరువు తగ్గడం సులభం అవుతుంది. భోజనానికి ముందు నీళ్లు తాగడం వల్ల బరువు తగ్గవచ్చు. దీని ప్రభావం కూడా చాలా త్వరగానే కనిపిస్తుంది. కానీ బరువు తగ్గాలంటే నీరు త్రాగే సమయాన్ని సరిగ్గా బ్యాలెన్స్‌ చేయాలి. భోజనం తినడానికి కనీసం అరగంట ముందు మాత్రమే నీరు త్రాగాలి. అలాగే రోజంతా చిన్న మొత్తంలో నీరు త్రాగడం వల్ల శరీరానికి చాలా ప్రయోజనాలు అందుతాయి.
భోజనానికి ముందు నీరు త్రాగడం వల్ల కడుపు నిండుగా ఉంటుంది. దీంతో అతిగా తినకుండా చేస్తుంది. చాలా సార్లు ఆకలిగా భావించి అధికంగా తింటారు. అటువంటి పరిస్థితిలో ముందే నీళ్లు తాగితే అతిగా తినడం నిరోధించవచ్చు. ఇది బరువు తగ్గడానికి సహాయపడుతుంది.
శరీరంలో సరైన మోతాదులో నీరు తాగడం వల్ల జీవక్రియ మెరుగుపడుతుంది. ఇది కేలరీలను వేగంగా బర్న్ చేస్తుంది. తద్వారా బరువు తగ్గించడంలో సహాయపడుతుంది. నీళ్లు త్రాగడం ద్వారా బర్న్ అయ్యే కేలరీలు 30 శాతం పెరుగుతుందని ఒక అధ్యయనంలో తేలింది.
బరువు తగ్గడానికి, శరీర కొవ్వును కరిగించడం అవసరం. శరీరానికి తగినంత నీటిని అందించడం ద్వారా, కొవ్వును వేగంగా కరిగించవచ్చు. నిజానికి ఒంట్లోకి నీరు వెళ్లిన తర్వాత శరీరంలోని కణాల్లోని కొవ్వును కరిగించి శక్తిగా మార్చడం వల్ల బరువు తగ్గడానికి వీలుంటుంది.