Telugu News Photo Gallery Divorce is happening in birds also; 'Divorce' rates are higher in birds that travel long distance
Birds Divorce: అచ్చం మనుషుల్లానే.. పక్షులు కూడా విడాకులు తీసుకుంటాయట! ఎందుకో తెలిస్తే షాకవుతారు..
విడాకుల విషయంలో మనుషులే కాదు, పక్షులు కూడా చాలా స్ట్రగుల్‌ అవుతున్నాయని తాజా పరిశోధనల్లో బయటపడింది. సుదీర్ఘ ప్రాంతాలకు ప్రయాణించే పక్షులు తమ గూళ్లకు తిరిగి వచ్చాక..
ఈ రోజుల్లో పెళ్లి తర్వాత కొన్నాళ్లకు దంపతులు వివిధ కారణాల రిత్యా విడాకులు తీసుకోవడం సర్వసాధారణమైపోంది. ఇక కొన్ని రిచ్‌ కంట్రీలలోనైతే భార్యభర్తల మధ్య చిన్నపాటి మనస్పర్ధలు తలెత్తినా.. విడాకులు తీసుకుని ఎవరికి వారు ఠంచన్‌గా కొత్త జీవితాన్ని ప్రారంభిస్తుంటారు.
1 / 5
విడాకుల విషయంలో మనుషులే కాదు, పక్షులు కూడా చాలా స్ట్రగుల్‌ అవుతున్నాయని తాజా పరిశోధనల్లో బయటపడింది. సుదీర్ఘ ప్రాంతాలకు ప్రయాణించే పక్షుల్లో విడాకుల రేటు ఎక్కువట. పక్షులు వేల కిలోమీటర్ల దూరం ప్రయాణించడం ద్వారా ఒక ప్రదేశం నుండి మరొక ప్రదేశానికి చేరుకుంటాయి. తిరిగి వచ్చాక.. భాగస్వామి నుంచి విడిపోతుందట. దీనికి కారణం మనిషేనట. చైనాలోని 232 రకాల పక్షులపై జరిపిన పరిశోధనలో ఈ విషయం వెల్లడైంది.
2 / 5
ఎక్కువ దూరం ప్రయాణించే పక్షులలో విరామం, విడాకుల రేటు చాలా ఎక్కువ చైనాలోని సన్ యాట్ సేన్ యూనివర్సిటీ పరిశోధకులు తెలిపారు. ఇవి ఆహారం, సంతానోత్పత్తి కోసం ఏడాదికి రెండుసార్లు ఒక ప్రదేశం నుంచి మరో ప్రదేశానికి వెళ్తుంటాయట. విడాకులు తీసుకుని విడిపోయిన తర్వాత కొందరు వ్యక్తులు ఆజన్మాంతం ఒంటరిగానే బతికేస్తుంటారు. మరికొందరు కొత్త భాగస్వాములతో మిగతా జీవితం కొనసాగిస్తారు. అచ్చం మనుషుల్లానే.. పక్షులు కూడా ఇలాగే ఉంటాయని పరిశోధకులు అంటున్నారు. పాత భాగస్వాములతో విడిపోయిన పక్షులు కొత్త భాగస్వాముల కోసం వెతుకుతున్నట్లు తమ పరిశోధనల్లో వెల్లడైందని సైంటిస్టులు చెబుతున్నారు. దీనికి కూడా మనిషే కారణమట.
3 / 5
విచక్షణా రహితంగా అడవులు నరకడం మూలంగా ప్రపంచవ్యాప్తంగా కార్బన్-డై-ఆక్సైడ్ స్థాయిలు విపరీతంగా పెరుగుతోతున్నాయి. కొత్త కొత్త నగరాలు పుట్టుకొస్తున్నాయి. ఈ విధంగా మానవ తప్పిదాలు, వాతావరణ మార్పు, గ్లోబల్ వార్మింగ్ ప్రభావం పక్షుల జీవనంపై ప్రభావం చూపుతోంది. ముఖ్యంగా పక్షుల జీవిత విధానం, అవి తినే ప్రదేశం మారుతోంది. సాధారణంగా పక్షుల జనాభాలో 90 శాతం భాగస్వామితో కలిసి ఉంటాయి.
4 / 5
ఆస్ట్రేలియాలోని ఆర్మిడేల్‌లోని న్యూ ఇంగ్లండ్ యూనివర్సిటీకి చెందిన ఆర్నిథాలజిస్ట్‌ జిసెలా కప్లాన్ పక్షులపై చేసిన అధ్యయనంలో సరికొత్త విషయాలను కనుగొన్నారు. అవేంటంటే.. పక్షులు చాలా దూరం ప్రయాణించినప్పుడు, అవి వివిధ రకాల వాతావరణ పరిస్థితులను ఎదుర్కొంటాయి. ఇది పక్షుల మానసిక స్థితిపై ప్రభావం చూపుతుంది. కొన్నిసార్లు వాటి ఆరోగ్యం కూడా దెబ్బతింటుంది. ఇటువంటి పరిస్థితుల్లో తిరిగి భాగస్వామి వద్దకు రావడం కష్టమైపోతుంది. పక్షుల ఆహార సేకరన, సంతానోత్పత్తికి నిరాకన వంటి సందర్భాల్లో కూడా సదరు పక్షి తన భాగస్వామిని విడిచిపెట్టి తన దారి తాను చూసుకుంటుంది. కాలుష్యం, వాతావరణ మార్పులు, గ్లోబల్ వార్మింగ్, అకాల విపత్తులు, తుఫానుల వంటి కారణాలు కూడా పక్షుల్లో విడాకుల సమస్య పెరిగిపోతోంది. ఈ కారణాల వల్ల పక్షుల్లో ఎగరగల సామర్థ్యం, సంతానోత్పత్తి సమస్యలు, మానసిక స్థితి దెబ్బతినటం వంటి సమస్యలు ఎదుర్కొంటాయి.
