T20 World Cup: క్రిస్ గేల్ ప్రపంచ రికార్డ్‌కు ఇచ్చిపడేసిన డేంజరస్ హిట్టర్.. అదేంటంటే?
T20 World Cup 2024: వెస్టిండీస్ తరఫున 93 టీ20 మ్యాచ్‌లు ఆడిన నికోలస్ పూరన్ మొత్తం 131 సిక్సర్లు కొట్టాడు. ఈ సిక్సర్లతో ఎడమచేతి వాటం బ్యాట్స్‌మెన్ పూరన్ యూనివర్స్ బాస్ క్రిస్ గేల్ పేరిట ఉన్న రెండు రికార్డులను బద్దలు కొట్టాడు. దీంతో టీ20 క్రికెట్‌లో వెస్టిండీస్ తరపున అత్యధిక సిక్సర్లు బాదిన బ్యాట్స్‌మెన్‌గా నిలిచాడు.
Nicholas Pooran: టీ20 ప్రపంచకప్‌లో వెస్టిండీస్ ఎడమచేతి వాటం బ్యాట్స్‌మెన్ నికోలస్ పూరన్ సరికొత్త ప్రపంచ రికార్డు సృష్టించాడు. అలాగే, టీ20 క్రికెట్‌లోక్రిస్ గేల్ పేరిట ఉన్న ప్రపంచ రికార్డును బద్దలు కొట్టడం విశేషం.
1 / 7
బార్బడోస్‌లోని కెన్సింగ్‌టన్ ఓవల్‌లో అమెరికాతో జరిగిన మ్యాచ్‌లో వెస్టిండీస్ తరపున 3వ స్థానంలో వచ్చిన నికోలస్ పూరన్ 12 బంతుల్లో 27 పరుగులు చేశాడు. ఈ తుఫాన్ ఇన్నింగ్స్‌లో పూరన్ బ్యాట్‌తో 1 ఫోర్, 3 భారీ సిక్సర్లు బాదాడు.
2 / 7
ఈ మూడు సిక్సర్లతో, నికోలస్ పూరన్ ఇప్పుడు టీ20 ప్రపంచ కప్ ఎడిషన్‌లో అత్యధిక సిక్సర్లు కొట్టిన బ్యాట్స్‌మెన్‌గా ప్రపంచ రికార్డును సొంతం చేసుకున్నాడు. గతంలో ఈ రికార్డు క్రిస్ గేల్ పేరిట ఉండేది.
3 / 7
2012 టీ20 ప్రపంచకప్‌లో వెస్టిండీస్ తరపున బ్యాటింగ్ ప్రారంభించిన క్రిస్ గేల్ 16 సిక్సర్లతో ఈ రికార్డు సృష్టించాడు. 12 ఏళ్ల తర్వాత ఈ రికార్డును బద్దలు కొట్టడంలో పూరన్ ఇప్పుడు సక్సెస్ అయ్యాడు.
4 / 7
ఈ టీ20 ప్రపంచకప్‌లో 6 ఇన్నింగ్స్‌లు ఆడిన నికోలస్ పూరన్ మొత్తం 153 బంతుల్లో 227 పరుగులు చేశాడు. ఈసారి 15 ఫోర్లు, 17 సిక్సర్లు బాదాడు. ఈ పదిహేడు సిక్సర్లతో క్రిస్ గేల్ ప్రపంచ రికార్డును చెరిపేశాడు.
5 / 7
అలాగే, టీ20 క్రికెట్‌లో వెస్టిండీస్ తరపున అత్యధిక సిక్సర్ల రికార్డు కూడా పూర్తయింది. గతంలో ఈ రికార్డు క్రిస్ గేల్ పేరిట ఉండేది. వెస్టిండీస్ తరపున 79 టీ20 మ్యాచ్‌లు ఆడిన గేల్.. మొత్తం 124 సిక్సర్లు కొట్టి ఈ రికార్డును లిఖించాడు.
6 / 7
ఈ రికార్డును బద్దలు కొట్టడంలో కూడా పూరన్ సక్సెస్ అయ్యాడు. వెస్టిండీస్ తరపున 93 టీ20 మ్యాచ్‌లు ఆడిన నికోలస్ పూరన్ మొత్తం 131 సిక్సర్లు కొట్టాడు. దీంతో టీ20 క్రికెట్‌లో వెస్టిండీస్ తరపున అత్యధిక సిక్సర్లు బాదిన బ్యాట్స్‌మెన్‌గా రికార్డు సృష్టించాడు.
