Virat Kohli Records: కోహ్లీ ఖాతాలో మరో మైలురాయి.. ఐపీఎల్ చరిత్రలోనే 2వ ప్లేయర్‌గా రికార్డ్..
IPL 2024: ఇండియన్ ప్రీమియర్ లీగ్ (IPL 2024) 15వ మ్యాచ్‌లో RCBతో లక్నో సూపర్‌జెయింట్ విజయం సాధించింది. ఈ మ్యాచ్‌లో తొలుత బ్యాటింగ్ చేసిన లక్నో సూపర్ జెయింట్ 181 పరుగులు చేసింది. ఈ లక్ష్యాన్ని ఛేదించిన ఆర్సీబీ జట్టు 19.4 ఓవర్లలో 153 పరుగులకు ఆలౌటైంది. దీంతో ఎల్‌ఎస్‌జీ జట్టు 28 పరుగుల తేడాతో విజయం సాధించింది. ఈ లక్ష్యాన్ని ఛేదించేందుకు ఓపెనర్‌గా వచ్చిన విరాట్ కోహ్లీ 16 బంతుల్లో 2 ఫోర్లు, 1 సిక్స్‌తో 22 పరుగులు చేసి ఔటయ్యాడు.
బెంగళూరులోని చిన్నస్వామి స్టేడియంలో ఐపీఎల్ (IPL 2024) 2024లో 15వ మ్యాచ్‌లో ఆడిన విరాట్ కోహ్లీ ప్రత్యేక మైలురాయిని అధిగమించాడు. ఈ మ్యాచ్‌లో టాస్ గెలిచి ముందుగా బ్యాటింగ్ చేసిన లక్నో సూపర్‌జెయింట్స్ ఆర్‌సీబీకి 182 పరుగుల లక్ష్యాన్ని అందించింది.
ఈ లక్ష్యాన్ని ఛేదించేందుకు ఓపెనర్‌గా వచ్చిన విరాట్ కోహ్లీ 16 బంతుల్లో 2 ఫోర్లు, 1 సిక్స్‌తో 22 పరుగులు చేసి ఔటయ్యాడు. అయితే, ఈ మూడు బౌండరీలతో విరాట్ కోహ్లీ ప్రత్యేక రికార్డు సృష్టించాడు.
ఈ మ్యాచ్‌లో 2 ఫోర్లు, 1 సిక్స్ కొట్టడంతో విరాట్ కోహ్లీ ఐపీఎల్‌లో 900+ బౌండరీలు బాదిన 2వ బ్యాట్స్‌మెన్‌గా నిలిచాడు. ఒకే జట్టు తరపున అత్యధిక బౌండరీలు బాదిన బ్యాట్స్‌మెన్‌గా రికార్డు సృష్టించాడు.
కోహ్లీ కంటే ముందు శిఖర్ ధావన్ ఈ ఘనత సాధించాడు. ఐపీఎల్‌లో 219 మ్యాచ్‌లు ఆడిన ధావన్ 766 ఫోర్లు, 152 సిక్సర్లు కొట్టాడు. దీంతో మొత్తం 918 బౌండరీలతో ఐపీఎల్ చరిత్రలోనే అత్యధిక బౌండరీలు బాదిన ఆటగాడిగా నిలిచాడు.
ఇప్పుడు ఈ జాబితాలో విరాట్ కోహ్లీ 2వ స్థానానికి చేరుకున్నాడు. ఐపీఎల్‌లో 233 ఇన్నింగ్స్‌లు ఆడిన కింగ్ కోహ్లీ 660 ఫోర్లు, 242 సిక్సర్లు బాదాడు. దీంతో ఐపీఎల్ చరిత్రలో 902 బౌండరీలు బాదిన రెండో బ్యాట్స్‌మెన్‌గా నిలిచాడు.
అలాగే, ఈ మ్యాచ్‌లో ఆడడం ద్వారా చిన్నస్వామి స్టేడియంలో 100 టీ20 మ్యాచ్‌లు ఆడిన విరాట్ కోహ్లీ ప్రత్యేక రికార్డును లిఖించాడు. దీంతో పాటు ఒకే మైదానంలో 100 టీ20 మ్యాచ్‌లు ఆడిన తొలి భారతీయుడిగా కూడా నిలిచాడు.