IPL 2024: మూడేళ్లు.. 215 మ్యాచ్లు.. ఐపీఎల్ నుంచి సూపర్ ఓవర్ మాయమైనట్లేనా?
ఇండియన్ ప్రీమియర్ లీగ్ సీజన్ 17 ఉత్కంఠభరితంగా సాగుతోంది. ఇప్పటి వరకు ఆడిన 34మ్యాచుల్లో సన్ రైజర్స్ హైదరాబాద్ 287 పరుగులు చేసి సరికొత్త రికార్డు నెలకొల్పగా, గుజరాత్ టైటాన్స్ (89 పరుగులు) తొలిసారి 100 కంటే తక్కువ పరుగులకే ఆలౌటైంది.
ఇండియన్ ప్రీమియర్ లీగ్ సీజన్ 17 ఉత్కంఠభరితంగా సాగుతోంది. ఇప్పటి వరకు ఆడిన 34మ్యాచుల్లో సన్ రైజర్స్ హైదరాబాద్ 287 పరుగులు చేసి సరికొత్త రికార్డు నెలకొల్పగా, గుజరాత్ టైటాన్స్ (89 పరుగులు) తొలిసారి 100 కంటే తక్కువ పరుగులకే ఆలౌటైంది.
కోల్కతా నైట్ రైడర్స్ నిర్దేశించిన 224 పరుగుల లక్ష్యాన్ని ఛేదించిన రాజస్థాన్ రాయల్స్ జట్టు సరికొత్త చరిత్ర సృష్టించింది. అయితే ఇప్పటివరకు ఏ మ్యాచ్ కూడా సూపర్ ఓవర్కు వెళ్లలేదు. అంటే ఐపీఎల్లో సూపర్ ఓవర్ మ్యాచ్ జరిగి మూడేళ్లు పూర్తయింది.
ఐపీఎల్లో చివరిసారిగా 2021లో సూపర్ ఓవర్ జరిగింది. ఢిల్లీ క్యాపిటల్స్, సన్రైజర్స్ హైదరాబాద్ మధ్య సూపర్ ఓవర్ పోటీ జరిగిన తర్వాత ఏ మ్యాచ్ కూడా టైగా ముగియలేదు. ఆ తర్వాత 215కు పైగా మ్యాచ్లు జరిగాయి. అయితే ఉత్కంఠభరితంగా సాగిన 6 బంతుల మ్యాచ్ని చూసే అవకాశం మాత్రం అభిమానులకు దక్కలేదు.
ఈసారి కూడా చాలా మ్యాచ్లు చివరి బంతికి వెళ్లినా మ్యాచ్ టైగా ముగియకపోవడం విశేషం. అదే IPL 2020లో 5 సూపర్ ఓవర్ల మ్యాచ్ లు జరిగాయి.
ఐపీఎల్ 2024 ప్రథమార్ధం ముగిసినప్పటికీ, సూపర్ ఫైట్ మాత్రమే దొరకలేదు. అందుకే సూపర్ ఓవర్ పోటీ కోసం అభిమానులు ఎదురు చూస్తున్నారు. గత మూడు సీజన్లుగా ఈ ఎదురుచూపులు సాగుతున్న ఈ సారి సూపర్ ఓవర్ ఫైట్ చూసే అవకాశం అభిమానులకు దక్కుతుందో లేదో చూడాలి.