Telugu Movies: రౌడీ హీరో ట్వీట్ వైరల్.. ఆ టాపిక్‌కి ఎండ్‌కార్డు వేసిన జక్కన్న..
రౌడీ హీరో విజయ్‌ దేవరకొండ సోషల్‌ మీడియా పోస్టు తెలుగు వారినే కాదు, తమిళ తంబిలను కూడా అట్రాక్ట్ చేస్తోంది. ఎంకరేజ్‌ చేయకండి... ప్లీజ్‌ అని అంటున్నారు తమన్నా భాటియా. ఇంతకీ దేనిగురించి మిల్కీబ్యూటీ రిక్వెస్టు అని అంటారా? ఎప్పుడు, ఎక్కడ, ఏం మాట్లాడితే వైరల్ అవుతుందో రాజమౌళికి బాగా తెలుసంటారు కొందరు. మహేష్‌ సినిమాకు ఇంకా టైటిల్‌ ఖరారు చేయలేదని చెప్పారు.
రౌడీ హీరో విజయ్‌ దేవరకొండ సోషల్‌ మీడియా పోస్టు తెలుగు వారినే కాదు, తమిళ తంబిలను కూడా అట్రాక్ట్ చేస్తోంది. 'టీజర్‌' అనే పదాన్ని ఆంగ్లంలో, 'వస్తుంది' అని తెలుగులో, 'వందిట్టురుక్కు' అని తమిళ్‌లో ట్వీట్ చేశారు విజయ్‌ దేవరకొండ. ఆయన నటిస్తున్న సినిమా ఫ్యామిలీస్టార్‌. ఏప్రిల్‌ 5న విడుదల కానుంది ఫ్యామిలీ స్టార్‌.
ఈ సినిమాలో మృణాల్‌ ఠాకూర్‌ హీరోయిన్‌గా నటిస్తున్నారు. ఆల్రెడీ విడుదలైన ప్రమోషనల్‌ స్టఫ్‌కి మంచి రెస్పాన్స్ వస్తోంది. ఎప్పుడు ఏ సినిమా విడుదలైనా వైవిధ్యంగా ప్రమోషన్‌ ప్లాన్‌ చేస్తారు విజయ్‌ దేవరకొండ. ఇప్పుడు ఫ్యామిలీ స్టార్‌ టీజర్‌ కోసం ఆయన తమిళ్‌లో వేసిన ట్వీట్ వైరల్ అవుతోంది. గతేడాది ఖుషితో సక్సెస్‌ అందుకున్నారు విజయ్‌.
ఎంకరేజ్‌ చేయకండి... ప్లీజ్‌ అని అంటున్నారు తమన్నా భాటియా. ఇంతకీ దేనిగురించి మిల్కీబ్యూటీ రిక్వెస్టు అని అంటారా? గాసిప్స్ గురించేనని రిప్లై ఇచ్చేస్తున్నారు ఈ భామ. సెలబ్రిటీల విషయంలో నిజానిజాలు తెలుసుకోకుండా మాట్లాడేస్తుంటారన్నది తమన్నా బాధ. గ్లామర్‌ ఫీల్డ్ లో ఉన్నవారికి ఇలాంటివి తప్పవని తనకు తెలుసని అన్నారు. అంతే కాదు, సెలబ్రిటీల జీవితంలో ఏం జరగాలో, ఏం జరగకూడదో జోస్యం చెప్పేవాళ్లు ఎక్కువయ్యారని అంటున్నారు మిల్కీబ్యూటీ. అందుకే గాసిప్స్ ని ఎవరూ పెద్దగా కేర్‌ చేయకూడదని అంటున్నారు. ముంబైలో పుట్టిపెరిగిన తనకు, నార్త్ సినిమా ఎంత ముఖ్యమో, సౌత్‌ సినిమా కూడా అంతే ఇంపార్టెంట్‌ అని అంటున్నారు. ప్రేక్షకులను ఎంటర్‌టైన్‌ చేసే కేరక్టర్లతో ఎప్పుడూ సిద్ధంగా ఉంటానంటున్నారు ఈ లేడీ.
ఎప్పుడు, ఎక్కడ, ఏం మాట్లాడితే వైరల్ అవుతుందో రాజమౌళికి బాగా తెలుసంటారు కొందరు. ఆయన ఏం మాట్లాడినా సరే, వైరల్ అయి తీరుతుంది కదా అని అంటారు మరికొందరు. ఒపీనియన్స్ ఎలా ఉన్నా, కంటెంట్‌ వైరల్ కావడం మాత్రం ఇక్కడ కామన్‌ పాయింట్‌. రీసెంట్‌గా బళ్లారిలోని అమృతేశ్వర స్వామి ఆలయ ప్రారంభోత్సవానికి వెళ్లారు రాజమౌళి.
అక్కడ ఆయన మహేష్‌ మూవీ గురించి కొన్ని విషయాలను ప్రస్తావించారు. మహేష్‌ సినిమాకు ఇంకా టైటిల్‌ ఖరారు చేయలేదని చెప్పారు. దీంతో రీసెంట్‌గా ట్రెండ్‌ అయిన టైటిల్‌ టాపిక్‌కి ఎండ్‌కార్డు పడ్డట్టయింది. మహేష్‌ మూవీని అతి త్వరలోనే మొదలుపెట్టనున్నట్టు చెప్పారు రాజమౌళి. అడ్వంచరస్‌ యాక్షన్‌ ఎంటర్‌టైనర్‌గా తెరకెక్కనుంది మహేష్‌ - జక్కన్న సినిమా.